Առաջադրանքներ

Փետրվարի 24

Հովհաննես Թումանյանի «Պատրանք» բանաստեղծությունը սովորել անգիր:

Տանը՝ Բառային աշխատանք

Փետրվարի 22-23

Հովհաննես Թումանյանի «Պատրանք» բանաստեղծությունը սովորել անգիր:

Ստուգում-ը գրել ենք դասարանում, ովքեր բացակայել են, աշխատանքը կատարեք, տեղադրեք բլոգում, հղումն ուղարկեք ինձ:

Գրել շարադրություն «Իմ մայրենի լեզուն»

Աշխատանքները տեղադրել բլոգում, հղումն ուղարկել ինձ:

Փետրվարի 20

Հովհաննես Թումանյան «Պատրանք»

Լրացուցիչ առաջադրանք / կարևոր/
Ուշադիր լսեք մարդկանց խոսքը՝ փողոցում, տանը, դպրոցում և այլն, սխալ ասված բառերը, արտահայտությունները մտապահեք, գրի առեք, դիմացը գրեք ճիշտ տարբերակը, ապա նշեք, թե որտեղ եք լսել և ումից, օրինակ՝ կարամ գամ (սխալ)- կարող եմ գալ (ճիշտ), լսել եմ փողոցում, վաբշե (սխալ)- ընդհանրապես(ճիշտ), լսել եմ մեր հարևանից և այլն: Օրվա ընթացքում գրի առած բառերն ուղարկեք ինձ, և այսպես ամեն օր՝ ամբողջ շաբաթվա ընթացքում:

Փետրվարի 15

Կարդացեք և ընտրեք Թումանյանի բանաստեղծություններից մեկը, ապա ձեր ընտրած բանաստեղծությունը վերլուծեք, մեկնաբանեք՝ պատասխանելով այս հարցադրումներին՝

Ինչո՞ւ ընտրեցիք հենց այդ բանաստեղծությունը:

Ի՞նչ եք զգում, տեսնում և լսում բանաստեղծությունը կարդալիս:

Ի՞նչ եք մտածում և հիշում բանաստեղծությունը կարդալիս:

Ինչպե՞ս կվերնագրեիք բանաստեղծությունը:

Փետրվարի 13

Հովհաննես Թումանյանը որպես հայրիկ:
Գրեք փոխադրություն-շարադրություն Թումանյանի մասին որպես հայրիկի: Գրավոր փոխադրեք Նվարդ Թումանյանի հուշերից: Գրեք ձեր կարծիքը, մեկնաբանեք` դուք ինչ եք մտածում հայրիկ Թումանյանի մասին: Գրեք նաև այն մասին, թե ընդհանրապես ինչն եք կարևորում հոր կերպարում: Աշխատանքը հրապարակեք բլոգում, կցեք Թումանյանի, նրա զավակների նկարներից և ուղարկեք ինձ:

Թումանյանական ստուգատեսի աշխատանքներից (ովքեր արդեն ուղարկել են ինձ) կարող եք նայել այս հղումով, շարունակեք մտածել հետաքրքիր, նորովի լուծումներով Թումանյանին ու նրա ստեղծագործական աշխարհը ներկայացնելու մասին:

Փետրվարի 10-19

Թումանյանական ստուգատեսի շրջանակում, ինչպես պայմանավորվեցինք դասարանում, յուրաքանչյուրդ պատրաստեք որևէ հետաքրքիր նյութ: Աշխատանքները կարող են լինել ամենատարբեր ձևաչափերի տեսանյութ, ռադիոնյութ, հարցազրույց և այլն: Առաջարկում եմ հետևյալ թեմաները, եթե ունենաք այլ մտահղացումներ, շատ ավելի լավ: Այսպիսով`

  • Թումանյանի որևէ ստեղծագործության նկարազարդում
  • Ովքեր կարողանում են որևէ երաժշտական գործիքով նվագել, կարող են Թումանյանի բանաստեղծություններից մեկը երգի վերածել և ներկայացնել` տեսանյութի տեսքով
  • Հարցազրույցներ Թումանյանի կյանքի և ստեղծագործական աշխարհի մասին
  • Իմ նվերը Թումանյանին` տեսանյութի կամ ռադիոնյութի տեսքով
  • Թումանյանը ընտանիքում. ընտանիքով ընթերցում ենք Թումանյան
  • Թումանյանի հետքերով` փողոց, արձան, տուն-թանգարան, թանգարան
  • Ինչ կասեր Թումանյանն այսօր…

Փետրվարի 10
Բառային աշխատանք
Կազմիր բառեր հետևյալ արմատներով՝
ախտ-
աղտ-
աղբ-
ուխտ-
ուղտ
եղբայր-
բախտ-
երախտիք-
թուղթ-

Փետրվարի 9

Կրկնել Հովհաննես Թումանյանի «Երկու սև ամպ» և  «Համերգը» բանաստեղծությունները, շատ լավ կարդալ սովորել «Ախ, ինչ լավ են սարի վրա» բանաստեղծությունը:

Կազմել 5 հարց  Թումանյանի կյանքի, գործունեության և ստեղծագործական աշխարհի վերաբերյալ: Փորձեք համացանցից, այլ աղբյուրներից կարդալ Թումանյանի մասին, գտնել նոր, հետաքրքիր դեպքեր, տեղեկություններ, որպեսզի կազմած հարցերը հետաքրքիր լինեն:Կազմած հարցերը՝ 3 ընտրովի պատասխաններով, տեղադրեք բլոգում, հղումն ուղարկեք ինձ:

Հովհաննես Թումանյան. Կենսագրություն
Թումանյանի մասին
Նվարդ Թումանյանի հուշերից

Փետրվարի 8

Անգիր սովորեք Հովհաննես Թումանյանի «Երկու սև ամպ» բանաստեղծությունը:
Կարդացեք Նվարդ Թումանյանի հուշերից:

Բառային աշխատանք. ղ-խ-ի ուղղագրությունը

ախտ ( հիվանդություն),  բախտ, բախտակ ( ձուկ), գլուխկոնծի, դժոխք, դրախտ, երախտիք, թախտ, թխկի ծառ, թուխպ, թուխս, ժխտել, խախտել, խրոխտ, ծախս, կխտար, կմախք, հախճապակի, նախկին, նախճիր, նախշ, ջախջախել, պանդուխտ, սխտոր, վախճան, վախկոտ, տախտակ, ուխտ (դաշինք), փախչել:

աղբ, աղբյուր, աղտ (կեղտ), աղքատ, գաղթել, գեղձ, դեղձ, եղբայր, թուղթ, խեղդել, կեղտ, հաղթել, մաղթել, ողբ, ողջ, չղջիկ, պղտոր, ուղտ (կենդանի):

Ընտրիր 5 բառ և կազմիր պարզ համառոտ նախադասություններ:

Փետրվարի 6

Շատ լավ կարդալ սովորել Հովհաննես Թումանյանի «Երկու սև ամպ» բանաստեղծությունը: Ովքեր լավ չէին անգիր սովորել «Համերգը» բանաստեղծությունը, անպայման լավ են սովորում:
4-2 դասարանի սովորողներ, ընթերցեք ձեր դասվարի՝ Հռիփսիմե Առաքելյանի հոդվածներից, ձեր բլոգում գրեք կարծիք-շարադրություն հոդվածների վերաբերյալ:
4-3 դասարանի սովորողներ, դուք էլ ընթերցեք ձեր դասվարի՝ Մերի Գրիգորյանի հոդվածներից, ապա ձեր բլոգում գրեք կարծիք-շարադրություն հոդվածների վերաբերյալ:
Երեխաներ, այս աշխատանքը կարող եք կատարել ծնողների հետ:

Փետրվարի 3

1.Կայքում հրապարակված են ձեր ընկերների աշխատանքները՝ «Իմ ուսումնական հունվարը», ում աշխատանքը դեռևս հրապարակված չէ, հղումն ուղարկեք ինձ, որպեսզի ավելացնեմ:

2.Պարտադիր անգիր եք սովորում Հովհաննես Թումանյանի «Համերգը» բանաստեղծությունը: Բանաստեղծությունը կա նաև Ընթերցարանում՝ էջ 174:

3.Լրացուցիչ առաջադրանքը կիրակի օրվա վերջում ուղարկեք ինձ:

 Հիշեցում՝ Լրացուցիչ առաջադրանքը՝  երկուշաբթիից մինչև կիրակի վարում եք օրագիր. այսինքն՝ ամեն օրվա վերջում գրում եք այդ օրվա մասին՝ օրվա անցուդարձը, հետաքրքիր կամ ոչ այդքան էլ հետաքրքիր դեպքերը, նորությունները, ձեր ապրումները: Աշխատանքը կատարում եք բլոգում՝ ամեն օրվա վերջում լրացնում եք օրագիրը:

4.ՁԵզանից ոմանք ցանկացան «Թոմ Սոյերի արկածները» ֆիլմը դիտել, ոմանք էլ ուզում էին ամբողջ գիրքը կարդալ, ովքեր սիրեցին Թոմ Սոյերին և Հեքլբերի ֆինին, ուղարկում եմ գրքի և ֆիլմի հղումները, կարող են ազատ ժամանակ կարդալ և դիտել:

Փետրվարի 2

Կոչական

Որտեղ կետադրված չէ՝ կետադրի´ր:

Թոմը ողջունեց ռոմանտիկ թափառաշրջիկին։

― Հելլո Հեքլբեր։
― Բարև քեզ Թոմ եթե ուզում ես։
― Հեքլբեր այդ ի՞նչ է ձեռքիդ։
― Սատկած կատու Թոմ։
― Լսիր Հեքլբեր ինչի՞ են պետք սատկած կատուները։
― Ինչի՞․գորտնուկը բուժում են։
― Հա՞։ Ես ավելի լավ միջոց գիտեմ Հեքլբեր։
― Թոմ գրազ կգամ, որ չգիտես։ Ի՞նչ միջոց։
― Հեքլբեր հոտած ջուրը։
― Հոտած ջո՜ւրը Թոմ հոտած ջուրը դատարկ բան է։
― Հեքլբեր ինչպե՞ս են սատկած կատվով բուժում գորտնուկը:
― Վերցնում ես քո կատուն և կեսգիշերից առաջ գնում գերեզմանատուն, երբ այնտեղ արդեն թաղված է որևէ մեծ հանցագործ։ Կեսգիշերին կգա մի սատանա, կամ երկուսը, բայց դու նրանց չես տեսնի․կարող ես լսել քամու նման մի ձայն, կամ գուցե նրանց խոսելը, երբ այդ մարդուն տանելիս լինեն։ Քո կատվին դրանց ետևից ուղարկել և կասես․սատանան հետևում է դիակին, կատուն հետևում է սատանային, գորտնուկը հետևում է կատվին, դուք այլևս ինձ պետք չեք։ Դա կոչնչացնի որևէ գորտնուկ։
― Խելքի մոտ բան է։ Երբևէ փորձե՞լ ես Հեքլբեր

Կոչական

Այն բառը, որ ցույց է տալիս, թե ում կամ ինչին է ուղղվում խոսքը, կոչվում է կոչական:

Օրինակ՝ Տղանե′ր, եկեք բակ գնանք: Գարո′ւն, ինչ գեղեցիկ ես:

Բանավոր խոսքում այն անունը կամ բառը, որով դիմում ենք, արտասանվում է հատուկ շեշտով:

Գրավոր խոսքում կոչականի վրա դրվում է շեշտ և նախադասության մյուս անդամներից անջատվում է ստորակետով:

Եթե կոչականը նախադասության սկզբում է, ստորակետը դրվում է նրանից հետո:

Մայրի՛կ, կարոտել եմ քեզ:

Եթե կոչականը նախադասության վերջում է, ստորակետը դրվում է նրանից առաջ:

Ինչո՞ւ ես լալիս, մայրի՛կ:

Եթե կոչականը նախադասության մեջտեղում է, ստորակետը դրվում է նրանից  և առաջ, և հետո:

Դասերս վերջացնեմ, մայրի՛կ, հետո կգամ:

Առաջադրանքներ

1.Մարդի′կ, արևի նման նայեք աշխարհին:

Գրիր այս նույն նախադասությունը՝ կոչականը դնելով մե′կ վերջում, մե′կ մեջտեղում:

2.Կազմի′ր և գրի′ր սկզբում, մեջտեղում և վերջում կոչական ունեցող երեք նախադասություն:

Փետրվարի 1

Ընթերցարանից «Թոմ Սոյերի արկածները» ստեղծագործության   երկրորդ հատվածը կարդալ:

«Իմ ուսումնական հունվարը» շարադրությունները տեղադրել բլոգում, հղումն ուղարկել ինձ:

Լրացուցիչ առաջադրանք՝ շարունակում եք օրագրի վարումը:

Հունվարի 30

Ընթերցարանից կարդալ «Թոմ Սոյերի արկածները», առաջին հատվածը կարդալ, պատմել:

Կատարել առաջադրանքները՝

1.Հետևյալ դարձվածքները փոխարինիր ուրիշ դարձվածքներով և արտահայտություններով՝
հույսը կապել
շունչը կտրվել
ուժ հավաքել
համբերությունը սպառվել
գլխին խաղ խաղալ
սիրտը կոտրել
պատրվակ փնտրել

2.Լրացուցիչ առաջադրանք՝ այս երկուշաբթիից մինչև մյուս երկուշաբթի վարում եք օրագիր. այսինքն՝ ամեն օրվա վերջում գրում եք այդ օրվա մասին՝ օրվա անցուդարձը, հետաքրքիր կամ ոչ այդքան էլ հետաքրքիր դեպքերը, նորությունները, ձեր ապրումները: Աշխատանքը կատարում եք բլոգում՝ ամեն օրվա վերջում լրացնում եք օրագիրը:

Դեկտեմբերի 26-հունվարի 8

Առաջին առաջադրանքը անպայման կատարի′ր մինչև Ամանոր, չէ՞ որ այն Տարեմուտի խոստովանություն է: Հիշի′ր՝ եթե հասցնես կատարել, տարվա հետ կապված բոլոր սպասումներդ կիրականան, իսկ Ձմեռ պապն էլ քեզ չի մոռանա… 🙂 Երկրորդ առաջադրանքը  կարող ես կատարել թե′ մինչև Ամանոր, թե′ Ամանորից հետո, նայած թե որ թեման կընտրես: Իսկ երրորդ առաջադրանքը կատարի′ր մինչև հունվարի 8-ը:
Յուրաքանչյուր առաջադրանք ավարտելուց հետո տեղադրեք բլոգում, հղումն ուղարկեք ինձ:

Շնորհավոր բոլորիդ Ամանորը… Ես ձեզ շատ սիրում եմ:

  1. Մի ամբողջ տարի էլ անցավ, առաջարկում եմ ի մի բերել արած-չարածները և ամփոփել 2016-ը: Այս հղումով մտիր, հարցերը տեղադրիր քո բլոգում, և յուրաքանչյուր հարցից հետո գրիր քո պատասխանը, նյութիդ կցիր նաև  քո ամենալավ լուսանկարը:
  2. Ամանորյա ֆոտոպատում հետևյալ թեմաներից մեկով. «Էլի ձմեռ…», «Ձնախաղեր», «Ամանորյա խառնաշփոթ», «Ամանորը մեր բակում», «Սառած լուսանկարներ»: Եթե ցանկանում ես այլ թեմայով լուսանկարներ անել, խնդրեմ… Բայց չմոռանաս նկարագրության մասին, անպայման պատմիր, թե որտեղ ես լուսանկարել…
  3. Գրիր շարադրություն՝ «Իմ Ամանորի (ամենատխուր, ամենածիծաղելի, ամենատարօրինակ, ամենադմբո…) դեպքերից»: Խոսքը, իհարկե, 2017-ի Ամանորի մասին է:
  4. Եվ վերջապես վերջում ավելացնեմ, որ ամեն օր քնելուց առաջ կարդա մի փոքրիկ ստեղծագործություն ու մտածիր դրա շուրջ: Առաջարկում եմ կարդալ Մխիթար Գոշի, Վարդան Այգեկցու առակներից: Գիտեմ, որ  սիրում ես նաև հեքիաթներ, ուրեմն ընտրիր  աշխարհի տարբեր ժողովուրդների հեքիաթներից ու կարդա:

Դեկտեմբերի 21-23

Իրերի պատմությունից (աշխատանքը կատարեք մինչև շաբաթվա վերջ)

Ընտրիր որևէ իրի պատմություն՝ mocak.am, կարող ես օգտվել տարբեր աղբյուրներից՝ հանրագիտարան, Մանկական գանձարան, գիտահանրամատչելի ամսագրեր, կարդա, ապա գրավոր փոխադրիր քո բլոգում, կարող ես ներկայացնել նաև տեսանյութի կամ ռադիոնյութի ձևով.ներկայացնելու տարբերակը դու ընտրիր: Նյութն այնպես յուրացրու, սովորիր, որ կարողանաս դասարանում  պատմել: Աշխատանքն  ավարտելուց հետո,  հղումն ուղարկիր ինձ:

Դեկտեմբերի 18

Կարդա «Սուրբ Ծննդյան հեքիաթ սրինգ նվագող աղջկա մասին» ստեղծագործությունը:

Իրերի պատմությունից (աշխատանքը կատարեք մինչև շաբաթվա վերջ)

Ընտրիր որևէ իրի պատմություն՝ mocak.am, կարող ես օգտվել տարբեր աղբյուրներից՝ հանրագիտարան, Մանկական գանձարան, գիտահանրամատչելի ամսագրեր, կարդա, ապա գրավոր փոխադրիր քո բլոգում, կարող ես ներկայացնել նաև տեսանյութի կամ ռադիոնյութի ձևով.ներկայացնելու տարբերակը դու ընտրիր: Նյութն այնպես յուրացրու, սովորիր, որ կարողանաս դասարանում  պատմել: Աշխատանքն  ավարտելուց հետո,  հղումն ուղարկիր ինձ:

Դեկտեմբերի 16

Կարդա Վահագն Դավթյանի «Ձյունը» բանաստեղծությունը, պարտադիր անգիր սովորիր առաջին երկու տունը, իսկ մյուս երկուսը՝ ցանկությամբ:

Կատարիր առաջադրանքները.

  1. Բանաստեղծությունից դուրս գրիր այն բառերը, որոնք ցույց են տալիս, թե ինչպիսին է ձյունը: Ավելացրու շարքը…
  2. Կազմիր բառակապակցություններ ձյուն, ձնեմարդ, սպիտակ, հեքիաթ բառերով:
  3. Կազմիր բառեր հետևյալ արմատներով՝ օդ, ձյուն, օր, երբ բառերով:
  4. Ավարտիր նախադսությունները.

Մարդիկ ավելի երջանիկ կլինեն, եթե————
Այգում մի տանձենի կար, որի—————
Երբ ձյունը դադարեց,——————

5. Տրված պարզ բառերը դարձրու ածանցավոր՝ ձյուն, հեքիաթ, թիվ, բժիշկ:

6. Գրիր հոմանիշները՝ գեղեցիկ, երկչոտ, մեգ, աղերսել, հոխորտալ:

7. Գրիր հականիշները՝ քնել, լռել, սկսել, կշտանալ, մոտենալ, արտաշնչել:

8. Անապատի նավ, ծովերի տիրակալ, գորշ հսկա, կենդանիների արքա: Ո՞ր կենդանին չնշվեց:

ա) առյուծը բ) փիղը գ) ձին դ )ուղտը ե) կետը

Դեկտեմբերի 15-17

Իրերի պատմությունից

Ընտրիր որևէ իրի պատմություն, կարդա, ապա գրավոր փոխադրիր քո բլոգում: Ինչպես նկատեցիր՝ աշխատանքը կատարելու ես մինչև շաբաթվա վերջ, ավարտելուց հետո հղումն ուղարկիր ինձ:

Դեկտեմբերի 12

Կարդա ասացվածքները՝ Ասացվածքներ կենդանիների մասին, ընտրիր 5 ասացվածք, տեղադրիր քո բլոգում:

Դեկտեմբերի 8-9

Կարդա «Կանաչ եղևնին»

Կատարիր առաջադրանքները

1 Բացատրիր ընդգծված բառերը։

2․Բնութագրի՛ր եղևնուն։

3․ Հեքիաթից դուրս գրիր բարդուն բնորոշող արտահայտությունները։

4․ Տեքստից դուրս գրիր քեզ դուր եկած բառակապակցությունները և դրանից երեքը գործածիր նախադասություններում։

5․ Նշված նախադասությունից դուրս գրիր հատկանիշ ցույց տվող բառերը։

Փոքրիկ  եղևնու  բարի  սիրտը  լցվեց  խղճահարությամբ  և  նա  իր  մատղաշ, կանաչ  ճյուղերով  փաթաթվեց  ու  գրկեց  բարդու  սառած  բունը:

6․ Հեքիաթից դուրս գրիր մեկական պատմողական և հարցական  նախադասություն։

7․ Համառոտիր նախադասությունները՝ թողնելով միայն գլխավոր անդամները։

Այգում  ու  անտառներում քաղցրահնչյուն  երգում  էին  թռչունները:

Արևը  իր  ջերմ  ժպիտով  ողջունում  էր  նորաբաց  բողբոջներին:

Բայց  ահա  խոր  աշնան  անսիրտ  քամին  պոկոտեց  բարդու  տերևներն  ու  ցաքուցրիվ  շպրտեց  դեսուդեն:

Դեկտեմբերի 7

1.Յուրաքանչյուր շարքի չորս բառերն ի՞նչ ընդհանրություն ունեն, որ նույն շարքի մի բառը չունի:
ա) Երաշտահավեր,  դեղձանիկներ,  վագրեր,    առյուծներ,   սիրամարգ
բ) Մանուկներ, երեխա, պատանիներ, երիտասարդներ,    մարդիկ
գ) Հատիկներ, կապիկներ,  ձագուկ, կանայք,  տանտիկիններ

2.Բառախմբերի կազմման օրինաչափությունը գտի՛ր և Բ խումբն ինքդ լրացրո՛ւ:

Ա. Սար, հայ, կաթիլ, ուսուցիչ, մայր, մատանի, տատ, կատու, թութակ, գրպան:
Բ. Սարեր, հայեր, կաթիլներ, ….:

3.Կազմի՛ր տրված գոյականների հոգնակին: Փորձի՛ր բացատրել, թե ո՞ր բառերին է -եր վերջավորություն ավելանում, ո՞ր բառերին՝ -ներ:

Ա. Ծառ, ձայն, հոտ, քար, կով, արջ, փունջ, լուր, բառ, բեղ, հայ, հայր, ցեղ, սիրտ, գիր, սյուն, պատ, հույն, ձու, սուր, քիթ. քույր, մայր, ձեռք, ոտք, տատ, պապ:
Բ. Եղբայր, աթոռ, պապիկ, տատիկ, գրպան, թութակ, եղնիկ, ոչխար, սեղան, թռչուն, մեքենա, բարեկամ, աշակերտ, մատյան, հեռախոս, ծաղկավաճառ. պանրագործարան:

4.Բառակապակցությունների իմաստներն արտահայտի՛ր մեկական  բառով:

Օրինակ՝ սրտի ձև ունեցող — սրտաձև:

Մոր քույրը, դարպասը պահող, ժամանակը ցույց տվող, ջրի աման, գաղտնիք պահող, նավ վարող, ծաղկի թերթիկ, արագ վազող, ամենից մեծ, պոչ չունեցող, անուշ համ ունեցող, քարով շինված, կին բժիշկ, բալի ծառ:

5.Բառակապակցությունների իմաստներն արտահայտի՛ր մեկական բառով:

 Օրինակ՝ բարձր հասակ ունեցող — բարձրահասակ:

Բարի սիրտ ունեցող, խիղճ չունեցող, բարձր ձայնով, միշտ ժպտուն, գանձը պահելու տեղ, կապույտ աչքերով, արքայի որդի, հույների երկիր, փոքր էշ, ծաղիկներով զարդարված, քաղաքում ապրող, հայերի երկիր:

6.Եթե հնարավոր է՝ ցո՛ւյց տուր բառը կազմող մասերը:

Օրինակ՝ գրասեղան — գր (գիր) + ա + սեղան:
Պահարան — պահ + արան:
Դուռ — չի բաժանվում:

Հականիշ, բանջարանոց, աշակերտ, աշակերտական, տարրական, զլխավոր, կարմիր, դաշտամուկ, հյուր, հարստություն, կերառատ, վտանգ:

Դեկտեմբերի 5

Դասարանում՝ Հատվածը գրավոր փոխադրիր (համառոտ), ապա շարունակիր պատմությունը:

Տանը՝ Կարդա շարունակությունը:

Մեզանից հազարավոր տարիներ առաջ, մեզնից շատ ու շատ հեռու՝ յոթ ծովերի մյուս ափում, կար մի աշխարհ: Այնտեղ ծաղիկներ կային, չքնաղ ու բյուրազան ծաղիկներ՝ թիթեռների պես փռված ու թրթռուն՝ ժայռերի ու դաշտերի վրա, և նրանց անուշ հոտով լցվել էին այդ աշխարհի սարերն ու ձորերը: Այնտեղ աղբյուրներ կային, պայծառ ու կարկաչուն աղբյուրներ՝ մանուկների պես, որ թռչկոտում էին քարից քար՝ ծաղիկները համբուրելով: Բայց այնտեղ մադիկ չար էին ու անգութ: Մի որբ ու աղքատ մանուկ էր ապրում այդ մարդկանց մեջ. գիշերը տեղ չուներ գլուխը դնելու և հաց չուներ ուտելու: Նա մենակ էր, ինչպես մի թռչուն՝ ամայի ժայռերի մեջ: Եվ նա մեծացավ բոլորի աչքի առջև՝ անտես ու անհայտ. կերակրվում էր դաշտի բույսերով և պատսպարվում էր անձավների մեջ: Բայց, բոլոր մարդկանցից ծածուկ, իր մատներով շոշափում էր ու զննում մարդկանց սրտերը և տեսնում էր, որ քարից էին այդ սրտերը՝ քար ու ապառաժից: Ու երբ պատանի դարձավ, թողեց այդ քարսիրտ աշխարհը և ճամփա ընկավ մի ուրիշ, մի լավ աշխարհ գտնելու համար:

Դեկտեմբերի 2

Նադեր Իբրահիմի Փոքրիկ սիրտս ո՞ւմ նվիրեմ

  1. Ստեղծագործությունից դուրս գրիր ո՞վ հարցին պատասխանող գոյականներ:
  2. Ստեղծագործությունից դուրս գրիր ի՞նչ հարցին պատասխանող 10-15 գոյական:
  3. Գրիր հայր, մայր, հորեղբայր, հորաքույր, կին, ընկեր բառերի ո՞ւմ հարցին պատասխանող ձևերը: Օրինակ՝  եղբայր-(ո՞ւմ) եղբոր:
  4. Կազմիր նախադասություններ հետևյալ բառերով՝ ընդամենը, նեղվածք, անօգուտ, խցկվել, հևիհև, աղտոտել, օվկիանոս:

Հիշեցում՝ Գոյական. անձ և իր ցույց տվող գոյականներ

Գոյականն այն է, ինչ գոյություն ունի, իսկ գոյական անունը այն է, որ այն գոյություն ունեցողին տրվում է: Գոյականը պատասխանում է ո՞վ, ովքե՞ր, ի՞նչ, ինչե՞ր հարցերին:

Ո՞վ հարցին պատասխանող գոյականները անձ են ցույց տալիս: Օրինակ՝ մարդ, բժիշկ, աղջիկ

Ի՞նչ հարցին պատասխանող գոյականները իր են ցույց տալիս: Օրինակ՝ տուն, հացենի, ուրախություն… Կենդանի ցույց տվող գոյականները նույնպես պատասխանում են ի՞նչ հարցին: Օրինակ՝ շուն, վագր, առյուծ…

Դեկտեմբերի 1

Կարդա ստեղծագործությունը՝  Փոքրիկ սիրտս ո՞ւմ նվիրեմ

Կատարիր առաջադրանքները՝
1. Ստեղծագործությունից դուրս գրիր անձ (ո՞վ, ովքե՞ր) ցույց տվող բառերը:
2. Ծաղկաման բառը բաժանիր բաղադրիչների, յուրաքանչյուր բաղադրիչով կազմիր նոր բառեր:
3. Գրիր հետևյալ բառերի հոմանիշները՝ մտածել, ապրել, քամի, չարչարվել, մաքուր:
4. Գրիր շարադրություն հետևյալ վերնագրերից մեկով՝«Իմ սիրտը» կամ «Իմ սիրտը նման է…»:
Աշխատանքդ տեղադրիր բլոգում, հղումն ուղարկիր ինձ:

Նոյեմբերի 30

Շարունակիր պատմությունը:

Լույսի մի բարակ փունջ ճեղքեց խավարը: Ինձ տիրեց վախի ու հետաքրքրության զգացում: Ես առաջ գնացի դեպի քարանձավի խորքը: Այնտեղի գաղտնի դուռը բացվել էր: Ուրեմն այստեղից էին նրանք ներսուդուրս անում: Հիմա, երբ ամեն ինչ պարզ էր ինձ համար, կարող էի առաջ գնալ: Մի քանի վայրկյան հետո ես քայլում էի ստորգետնյա միջանցքով:

Նոյեմբերի 22
Բառային աշխատանք: Ձ-Ց-ի, Ջ-Չ-ի ուղղագրությունը

արձակ, բարձ, բարձել, բարձիթողի,, բարձր, դարձ, դերձակ, դերձան, խուրձ, հանդերձ, հարձակվել, համբարձում, որձ, վարձ, փորձ, դաղձ, դեղձ, դեղձան, դեղձանիկ, օձ, աղջիկ, ամբողջ, ողջ, փախչել, եղջերու, չղջիկ, աջ, աջակողմյան, առաջ, առաջին, առաջնորդ, առջև, առէջ, վայրէջք, մեջ, մեջք:

Նոյեմբերի 18

1.Ընթերցարանից կարդացեք Վախթանգ Անանյանի «Ընտանի օձերը»:
2.Ողջույն, բարև…  Ինչո՞ւ են մարդիկ բարևում իրար, ի՞նչ է բարևն ավելացնում մեր կյանքին: Սիրո՞ւմ եք բարևել… Հորինիր մի հետաքրքիր պատմություն բարևի մասին:Աշխատանքդ վերնագրիր, տեղադրիր բլոգում, հղումն ուղարկիր ինձ:

Նոյեմբերի 17

  1. Լրացրու բաց թողած տառերը:

Աշուն է, զովաշունչ ու պայծառ մի -սկեփայլ աշուն, ինչպիսին լինում է Արարա-յան դաշտում: Ո-կույզներով ծանրաբեռնված խաղողի այգիները փա-լփլում են խայտաբղետ գույներով: Ծիրանագույն դեղ-ը, բուրումնավետ սերկ-իլը ժպտում են իրենց եր-ներանգ սաղարթների գրկում: Ամենից գեղեցիկը թերևս արծաթազ-ծ փշատենին է՝ թավշապատ տերևներով, յուրօրինակ պտղով: Նրանց խիտ շարքերը ձգվում են ընդար-ակ այգիների երկայնքով, աս-ալտապատ ճանապար-ների եզրերով:

2.Հիշիր ասացվածքներն ու ավարտիր միտքը:

Ես՝ աղա, դու՝ աղա,
Ինչ ցանես,
Ով ինչ անի,

3.ա և բ շարքի բառերը միացրու այնպես, որ ստանաս բարդ բառեր:

ա) սեզ, խումբ, տոն, մարդ, օձ
բ) ծառ, սեր, խոտ, երգ, ձուկ

4. Տրված բառերը դարձրու ածանցավոր

կարմիր, սեր, ջուր, ճիշտ

5. Գրիր տրված բառերի հականիշները:

դանդաղաշարժ, գթառատ, համեղ, դժգոհ, անշունչ, լուսավոր

6. Ավարտիր նախադաությունները:

Ավերակների մոտ հեծյալներն իջան ձիերից, որպեսզի
Որսորդը խոսում էր մի մարդու մասին, որին
Սուտն էլ պիտի այնպես ասել,  որ

7. Նախադասությունները լրացրու համապատասխան հոմանիշներով:

Վարպետը —————— իր վերջին աղբյուրը (կերտել, ստեղծել):
Ասֆալտապատ ————— սլանում էին բազմաթիվ մեքենաներ (ճանապարհ, խճուղի):

8. Տրված բառերը դարձրու հոգնակի՝ ավելացնելով -եր կամ -ներ վերջավորությունը:

պարան, սեղան, սիրտ, շուն, ժամացույց, ձուկ, բառարան

օրինակ՝ սեղան-սեղաններ

Նոյեմբերի 14

Գրիր շարադրություն համբերության մասին: Ի՞նչ է քեզ համար համբերությունը: Հիշիր ասացվածքներ և դարձվածքներ համբերության մասին, ինչպիսիք են՝ համբերությունը կյանք է, համբերության բաժակը լցվել և այլն, այդ ասացվածքներն ու դարձվածքները օգտագործիր քո պատմության մեջ:
Պատմությունդ վերնագրիր, հրապարակիր քո բլոգում և հղումն ուղարկիր  ինձ:

Նոյեմբերի 9

  1. Լրացրու բաց թողած տառերը:

Հանկար-  հանդիպակա-  ժայռի տակից մի ամեհի վարազ դուրս թ-ավ և չոր մացառներն ու դալար թ-ուտները ջարդուխուրդ անելով՝ խոյացավ դեպի ար-ը: Երբ արջը տեսավ վարազին, ուզեց փա-չել, բայց երկյուղն այնքան մեծ էր, որ սայթաքեց ու թրմ-աց գետնին: Կատաղած վարազը ակն-արթորեն հար-ակվեց ու պատա-ոտեց ախոյանին: Վարազը վրեժ էր լուծում իր ձա-ուկների համար:

2.Հիշիր ասացվածքներն ու ավարտիր միտքը:

Աջով տուր,
Լավություն արա,
Սարը սարին չի հանդիպի,
Ուժեղի մոտ միշտ էլ

3. ա) գյուղ, բերք, տուն, բարի, ժպիտ
բ) մերձ, երես, քաղաք, հավաք, գործ

ա և բ շարքի բառերը միացրու այնպես, որ ստանաս բարդ բառեր:
Օրինակ՝ շարքերի ընդգծված բառերը միանալով՝ կազմում են տնամերձ բառը:

4. Տրված բառերը դարձրու ածանցավոր:

սալոր, գիր, տուն, բարի, տանձ
օրինակ՝ սալոր-սալորենի

5. Գրիր տրված բառերի հականիշները:

բարի, շատախոս, տխուր, բարձր, ստորոտ, ազնիվ

6. Ավարտիր նախադաությունները:

Գազանների արքան գազազած էր, որովհետև
Հայրը խորհուրդ տվեց աղջկան, որ
Գայլը ընդհուպ մոտեցել էր գյուղին, քանի որ

7. Օգտվելով բառարանից՝ գրիր տրված բառերի հոմանիշները:

օրնիբուն, չարչարվել, խոշոր, լուռ, համարձակ:

8. Մանկիկ, մայր, մանկություն, զավակ, որդի, գագաթ, առյուծ բառերը գրիր համապատասխան շարքերում:

Ո՞վ-
Ի՞նչ-

Նոյեմբերի 7

Շարունակի՛ր քամու մասին այս պատմությունը, վերնագրի՛ր, հրապարակի՛ր բլոգումդ և նկարի՛ր քո պատմության հերոսին։

Կար-չկար մի քամի կար։ Այս քամին շատ չարաճճի էր՝ մե՛կ ամպերն էր ցիրուցան անում, մե՛կ ծառերի ճյուղերը տարուբերում, մե՛կ…

Նոյեմբերի 4

Բառաշարքից դուրս գրիր ո՞վ և ի՞նչ հարցերին պատասխանող բառերը:

ո՞վ-
ի՞նչ-

Կաղնի, մեծ, կանաչ, աղջիկ, գետ, բուք, բարի, տգեղ, ճշմարտություն, անտուն, բարկացկոտ, Գայանե, տուն, կատու, գունավոր, կաղամբ, հեռուստացույց, Հայաստան, հետաքրքիր,վարդ, Վարդուհի, փշոտ, լիճ, ալիք, հզոր, բարձր, մարտ, մարտակառք, կառապան, հմուտ, մարտական,  հեծանիվ,  պատմություն, պատմական, թռչուն, թռիչք, խիզախ, բարի, բարեկամական, շքեղ, գարուն, գարնանային, արևոտ, արև, երկար, ծաղիկ, ջինջ, վազել, բուրավետ, մեծ, ժամացույց, թրթռալ, թիավարել, ջուր, ջրոտ, ուրախ, ջրել, սար, մարդ, գնալ, ծաղկավետ, հրաշալի, երեխա, լողալ,վազվզել, մաքուր, նավաստի, օձ,ճկուն, սողալ, իջնել, ամպ, բացվել, չխկչխկալ, սև, ինքնաթիռ, առվակ, պայծառ, գոռգոռալ, գարուն, բարձրանալ, սպիտակ, թիթեռ, պահակ, նավակ, զաղտնի, պահել, ոսկեզօծել, երկաթյա:

Նոյեմբերի 2

Դարձվածքներ

Տրված դարձվածքներով կազմել նախադասություններ:

Հոկտեմբերի 24-30-ը՝ արձակո՜ւրդ՝ ուսումնական, աշնանային, սպասված արձակուրդ…

Առաջադրանքներ.

1. Սասունցի Դավիթը, ամբողջը կարդալ: Կարդալուց հետո՝

  1. Պատմի՛ր (գրավոր) քեզ դուր եկած ամենահետաքրքիր, ամենածիծաղելի կամ ամենահուզիչ հատվածը:
  2. Գրի՛ր ամենասիրածդ հերոսի մասին, նկարագրի՛ր և բնութագրի՛ր նրան:
  3. Թվարկի՛ր հերոսներին: Նամակ գրի՛ր հերոսներից մեկին:
  • Այս երեք առաջադրանքը կատարում եք, տեղադրում  բլոգում, հղումն ուղարկում ինձ:
  • Քո ընտրությամբ անգիր սովորիր որևէ հատված, իսկ պարտադիր անգիր սովորիր վերջին հատվածը՝ Դավթի կոչը ուղղված հասարակ ժողովրդին

2.Եվ ապա ամենաաշնանային, ամենաստեղծական ու ինքնատիպ առաջադրանքը՝

 Աշունը իմ քաղաքում, իմ բակում, իմ գյուղում, իմ այգում… և այս ամենը իմ ֆոտոխցիկից:
Լուսանկարիր աշունը. ամենաստացված, ամենաառանձնահատուկ նկարները հրապարակի՛ր բլոգումդ և պարտադիր գրի՛ր  մեկնաբանություն յուրաքանչյուր նկարի համար:

Հոկտեմբերի 21

Բառային աշխատանք: Բ-Փ-ի, Դ-Թ-ի  ուղղագրությունը

Սերոբ, իբրև, խաբել, աղբ,աղբյուր,  ողբ, ավագ, զուգս, զուգել, էգուց, թագավոր, ծագել, ծեգ, կարագ, հագնել, հոգի, ձագ, ձիգ, ճիգ, ճրագ, մարագ, մուգ, նորոգ, շոգ, ոգի, պատարագ, սուգ, տեգր, ուրագ, օգնել, օգուտ, արդար, արդեն, արդյոք, արդյունք, բարդ, բերդ, բրդել, բուրդ, դրդել, երդում, զարդ, լյարդ, խորդուբորդ, կարդալ, մարդ, նյարդ, որդ, որդի, վարդ, առաջնորդ, ժողովուրդ, արձակուրդ, ձախորդ, երկրորդ:

Կարդա Լեոնիդ Ենգիբարյանի «Ծարավ» մանրապատումի նկարագրությունը և կետադրիր:

Հերոսը տառապում է ուժեղ ծարավից և բարձր պատվանդանին ջրով լի կուժ է տեսնում նա փորձում է հասնել ջրին բայց դա նրան հաջողվում է ոչ միանգամից հերոսը մագլցում է պատվանդանի վրա ընկնում նորից է բարձրանում և այսպես բազմիցս վերջապես նրան հաջողվում է վերցնել կուժը խնամքով պահել ձեռքերի մեջ մտովի վայելելով այն պահը երբ կենարար ջուրը վերջ կտա իր տառապանքներին այն պահին երբ արդեն պատրաստվում է խմել հանկարծ հայտնվում է մի փոքրիկ աղջիկ աղջիկը մոտենալով մատնացույց է անում կուժը և խնդրում տալ իրեն հերոսը տալիս է իսկ աղջիկը նստում է քիչ այն կողմ և սկսում կժով ջրել իր ավազե թխվածքները որպեսզի «խմորը» կպչուն ստացվի ինչպե՞ս է հերոսը  վերաբերվում աղջնակի այս արարքին նա սկսում է… ժպտալ:

Հոկտեմբերի 17

4-2 դասարան
Գրաբարյան օրեր 

Ճանաչել զիմաստութիւն եւ զխրատ, իմանալ զբանս հանճարոյ:
Լավ է կոյր աչօք, քան կոյր մտօք:
Լաւ է մանուկ աղքատ եւ իմաստուն, քան զթագաւոր ծեր եւ անմիտ:

Նախադասությունները ժամանակակից հայերեն (աշխարհաբար) դարձրու: Գրաբար և աշխարհաբար նախադասությունները բարձրաձայն կարդա՛: Քո կարծիքով ո՞ր դեպքում է այն ավելի գեղեցիկ հնչում:
Ինչպե՞ս ես հասկանում այս նախադասությունները (յուրաքանչյուր նախադասություն ազատ և ընդարձակ փոխադրիր):

Աշխատանքները տեղադրեք բլոգում, հղումն ուղարկեք ինձ:

4-3 դասարան

Կարդալ «Սասունցի Դավիթը»: էջ 61-62

Գրավոր պատմել հատվածները, յուրաքանչյուր հատված վերնագրել:

Հոկտեմբերի 13-16

Նախագծային ուսուցում «Կարդում ենք»

Քո  ընտրությամբ կարդում ես որևէ ստեղծագործություն, կարող է լինել հեքիաթ, պատմվածք կամ առակ: Կարդալուց հետո պատմում ես գրքի մասին, պատումը կարող է լինել ինչպես գրավոր, այնպես էլ բանավոր, այսինքն` կամ կարող ես գրավոր պատմել գրքի մասին կամ պատրաստել տեսանյութ կամ ռադիոնյութ` էլի պատմելով գրքի մասին: Ինչո՞ւ ընտրեցիր այդ գիրքը, ի՞նչը գրավեց քեզ, ի՞նչ սովորեցիր այդ գրքից: Աշխատանքդ տեղադրում ես բլոգում, հղումն ուղարկում ինձ:
Աշխատանքը կատարում եք հոկտեմբերի 13-ից 16-ն ընկած ժամանակահատվածում:

Հոկտեմբերի 12

1.Լրացրու բաց թողած տառերը:

Դար-նությունը հնագույն ժամանակներից հայտնի է եղել աշխարհի գրեթ-  բոլոր ժողովուր-ներին։ Հին հույները նույնիսկ ունեցել են դար-նության աստված՝ Հեփեստոսը։ Դար-ինները, ավելի վաղ շրջանում պղինձը, ապա երկաթը կրակի վրա շիկացնելով և կռելով, պատրաստում էին երկրագործական և արհեստագործական գործի-ներ, տնտեսական ու կեն-աղային իրեր։ Երբ արհեստների զարգացմամբ  պղնձագործությունն անջատվեց մետաղագործության մայր արհեստից, դար-նություն համարվեց միայն երկաթի մշակման արհեստը։ Դար-իններն են առա-ին ան-ամ ձուլել պո-պատը, հայտնագործել պղնձի օ-նությամբ պո-պատը երկաթին զոդելու եղանակը։

Հոկտեմբերի 6

Տառերի ստեղծումից հետո Մեսրոպ Մաշտոցի ու Սահակ Պարթևի ջանքերով Հայաստանում սկսում են բացվել դպրոցներ, որտեղ սովորեցնում են հայերեն տառերը: Մեսրոպ Մաշտոցն ու Սահակ Պարթևը իրենց աշակերտների հետ սկսում են զբաղվել նաև թարգմանությամբ: Առաջին գիրքը, որ թարգմանել են «Աստվածաշունչ»-ն  է, և այնքան լավ ու կատարյալ են թարգմանել, որ մինչև այսօր կոչվում է «Թարգմանությունների թագուհի»: Աստվածաշնչից հայերեն թարգմանած առաջին նախադասությունն է.«Ճանաչել զիմաստութիւն եւ զխրատ, իմանալ զբանս հանճարոյ»:

Ճանաչել զիմաստութիւն եւ զխրատ, իմանալ զբանս հանճարոյ:

 Կարդա այսպես.

զիմաստութիւն — զիմաստություն
զխրատ — ըզխրատ
զբանս — ըզբանըս
հանճարոյ — հանճարո

 Բառարան

զիմաստութիւն — իմաստությունը
 զխրատ — խրատը
բան — խոսք
զբանս — խոսքերը
հանճարոյ- հանճարի

Նկատեցի՞ր` ինչպես է կարդացվում զ մասնիկը (նախդիրը) բաղաձայնից առաջ:
Նախադասությունը գրավոր փոխադրիր:
Անգիր սովորիր հայերեն առաջին նախադասությունը:

Հոկտեմբերի 6

Կարդա Մատենադարանի մասին:

Պատասխանիր հարցերին՝
1.Հնում մարդիկ ինչի՞ վրա էին գրում:
2.Ինչի՞ց էին պատրաստում մագաղաթը:
3.Մարդիկ առաջ ինչպե՞ս էին անվանում գրքերը, ինչո՞ւ:
4.Մատենադարանն ինչո՞ւ են անվանում նաև ձեռագրատուն:
5.Ո՞ւմ էին անվանում գրիչներ:
6.Ո՞ւմ էին անվանում ծաղկողներ:
7.Ո՞ւմ անունով է Մատենադարանը, ինչո՞ւ:

Հոկտեմբերի 4

1.Մեկ բառով գրիր.

Քար ունեցողքարոտ
Կեղտ ունեցողկեղտոտ
Մուր ունեցող
Յուղ ունեցող
Ժանգ ունեցող
Փուշ ունեցող
Ցեխ ունեցող

Ի՞նչ մասնիկ ավելացրիր, այդ մասնիկը գրիր:

2.Փորձիր այլ բառով կամ բառերով բացատրել.

Ճանապարհ դնել-
Հավի խելք ունենալ-
Ասեղների վրա լինել-
Լեզուն կապ ընկնել-
Չեմ ու չում անել-
Իրար հետ շուն ու կատու լինել-

Հոկտեմբերի 3

Շատ ուշադիր կարդում եք  Մեսրոպ Մաշտոցի մասին, սովորում, ապա փորձում կատարել այս ինքնաստուգումը:

Սեպտեմբերի 30

1.Բառերը բաժանիր բաղադրիչների՝ յուրաքանչյուրի դիմաց նշելով բառի տեսակը ըստ կազմության՝ այսօր, աշխույժ, մայրաքաղաքային, ականջօղ, հառաչանք, անտուն, աղբ, կարգապահություն: 4միավոր

2.Հետևյալ ածանցներով կազմիր նոր բառեր, յուրաքանչյուր ածանցով երեքական բառ:6միավոր

-ական-
-արան-
-ավոր-
-անոց-
-իկ-
-ակ-

3.Ծանր, ոսկի, սև, քարե բառերով կազմիր բառակապակցություններ փոխաբերական իմաստներով: 4միավոր

4.Բացատրիր հետևյալ արտահայտությունները՝ 6 միավոր

օր ու արև չտեսնել-
աշխարհով մեկ լինել-
գլուխը կորցնել-
գլուխ տալ-
ոսկե ձեռքեր ունենալ-
շունչը փչել-

Սեպտեմբերի 30

1.Կարդա Կոմիտասի «Աշուն օր» բանաստեղծությունը:

2.Առանձնացրու և կարդա այն պատկերը, որն ամենաշատը հավանեցիր, հիմա փորձիր այդ պատկերը նկարել::

3.Ո՞ր բառերն են գործածված փոխաբերական իմաստով, ընդգծիր:

4.Սևուկ ամպեր, ծերուկ երկիր, բողբոջ արև, հոգնած տերև, սուգ անել, բուք անել, օդը պաղել, անձրև մաղել արտահայտությունները օգտագործելով աշնան մասին գրիր շարադրություն և վերնագրիր:

Սեպտեմբերի 26

Առյուծ, կրիա, որսորդ, գնդակ, օր, արև, քույրիկ, վերք, ալրաթաթախ, ախտ,ականջօղ, աղբ, աղբյուր, աղտ, աղքատ, ամենօրյա, ամպ,այբբենարան, այգաբաց, այսօր, անդադար,անդորր, աներևույթ, անզգույշ,անզգուշորեն, անէական, անհյուրընկալ,անշնորհք, անցորդ, անցուդարձ, անօգնական, անօգուտ,  անօրեն, անօրինական, անօրինություն, անօդ, աշխարհ, աշխարհայացք, աշխույժ, աջ,աջլիկ, առաջ, առաջնորդ, աստվածային,ասֆալտ, ավագ, ավելորդ, ավտոմեքենա,ատաղձագործ,ատամնաբույժ,արդար,արդուզարդ, արծաթ, արծաթազօծ,արծիվ, արհամարհանք,արձակուրդ,արյուն,արջ, արփի

Տրված բառերը խմբավորիր ըստ կազմության՝

Պարզ Բարդ Ածանցավոր Բարդ ածանցավոր

Հիշեցում՝ 

Բառերն ըստ կազմության լինում են՝ պարզ, բարդ, ածանցավոր և բարդ ածանցավոր:
Պարզ են միայն մեկ արմատից կազմված բառերը՝ մարդ, տուն, սեղան…
Բարդ են երկու և ավելի արմատից կազմված բառերը՝ տոմսարկղ, արևածաղիկ…
Ածանցավոր են մեկ արմատից և մեկ կամ ավելի ածանցից կազմված բառերը՝ անվախ, ուրախություն…
Բարդ ածանցավոր են մեկից ավելի արմատներից և առնվազն մեկ ածանցից կազմված բառերը՝ մայրաքաղաքային, կարգապահություն…

ՍԵպտեմբերի 21-24

Վիլյամ Սարոյան «Վիրավոր առյուծն ու կրիան»

Հարցեր և առաջադրանքներ

1.Բացատրիր հետևյալ արտահայտությունները. ներողամիտ եղիր, մոտալուտ մահը, օր ու արև չտեսնել, ցավ պատճառել, ձեռք բարձրացնել ինչ-որ մեկի վրա, վերք հասցնել, շունչը փչել:
2. Ինչո՞ւ կրիայի խոսքերը մեծ ցավ պատճառեցին առյուծին:
3.Ի՞նչ կարող էր ասել կրիան, որ չվիրավորվեր առյուծը:
4. Մեկ բառով բնութագրիր առակի
ա)առյուծին
բ)կրիային
5.Ո՞րն է առակի իմաստը:
6. «Առածանի» բաժնից դուրս գրիր առակին համապատասխան առածներ:
7.Քո կարծիքով ինչո՞ւ է հեղինակն ընտրել հատկապես առյուծին ու կրիային:
8.Հորինիր նմանատիպ առակ՝ ընտրելով ուրիշ կենդանիներ:

Սեպտեմբերի 19

  1. 5-10 նախադասությամբ գրել շարադրություն «Իմ այսօրվա օրը», պատմում եք օրվա ընթացքում ձեզ հետ կատարված հետաքրքիր կամ անհետաքրքիր դեպքերը, պատմում եք դասերի մասին, օրն ինչպե՞ս անցավ, նոր բաներ սովորեցի՞ք, թե՞ ոչ, դասերից հետո ո՞վ ի՞նչ պարապմունքի է հաճախում, ինչո՞վ է սիրում զբաղվել, օրվա ձեր տրամադրության ու այն ամենի մասին, ինչը որ կցանկանաք պատմել:
  2. Ովքեր Համո Սահյանի բանաստեղծությունը լավ չէին սովորել, անպայման սովորում են:
  3. Հիշո՞ւմ ես չէ, թե ինչ է ասացվածքը ո՞րն է քո սիրելի ասացվածքը, հիշիր և գրիր:

Լրացուցիչ կրթություն

Ովքեր սիրում են կարդալ  ամենատարբեր երևույթների և, ընդհանրապես, ամեն ինչի մասին, առաջարկում եմ ընտրել որևէ նախընտրած թեմա, կարդալ, ուսումնասիրել, հետաքրքիր տեղեկություններ հավաքել, խմբագրել, ապա աշխատանքն ուղարկել ինձ:

Սեպտեմբերի 16

1.Դասարանում սկսած աշխատանքը, այն է` 10-15 նախադասությամբ գրել շարադրություն  «Երգը իմ կյանքում» վերնագրով, ավարտում եք, տեղադրում բլոգում, հղումն ուղարկում ինձ:

2.Լրացրու բաց թողնված տառերը:

աղ-իկ, աղ-ատ, այս-ր, առա-ին, ար-ելել, եր-, ար-ար, ար-ակուրդ, բար-ր, ան-գնական, զար-նել, եր-անիկ, եր-ներանգ, համ-ուրել, նուր-, հա-նել, ճամ-ա, ըն-երցել, համեր-, տն-րեն, թա-ավոր, որսոր-, բա-տ:

3. Հայտարարվում է նկարչական մրցույթ, ովքեր սիրում են նկարել, «Ձկնիկն առվին խուտուտ տվեց» բանաստեղծությանն համապատասխան նկար են ուղարկում ինձ, և լավագույն  նկարը տեղադրվելու է բլոգում: Ի դեպ, բանաստեղծությունը սովորում եք անգիր:

Վերջում չմոռանաք լրացուցիչ կրթության մասին

Լրացուցիչ կրթություն

Ովքեր սիրում են կարդալ  ամենատարբեր երևույթների և, ընդհանրապես, ամեն ինչի մասին, առաջարկում եմ ընտրել որևէ նախընտրած թեմա, կարդալ, ուսումնասիրել, հետաքրքիր տեղեկություններ հավաքել, խմբագրել, ապա աշխատանքն ուղարկել ինձ:

Սեպտեմբերի 15

Համո Սահյանի  «Ձկնիկն առվին խուտուտ տվեց»  բանաստեղծությունը սովորում եք արտահայտիչ կարդալ

Հարցեր և առաջադրանքներ

1.Ինչպիսի՞ն էր առուն. պատմիր նրա մասին:
2. Գրիր անբիծ, քրքջալ, կապույտ, ճամփա բառերի հոմանիշները և սովորիր:
3.Ի՞նչ բաղադրիչներից են կազմված ձկնիկ, անբիծ, քարափ, ծով, ձոր բառերը: Բաժանիր բաղադրիչների: Օրինակ՝ մայրիկ-մայր+իկ, անտուն-ան+տուն, գրատախտակ-գիր+ա+տախտակ, սեղան-չի բաժանվում և այլն:
4. Բանաստեղծությունից դուրս գրիր փոխաբերական իմաստով գործածված բառերը:
5. Հորինիր երկխոսություն ձկնիկի և առվի միջև: Աշխատանքդ տեղադրիր բլոգում:

Հիշեցում՝

Բառի ուղիղ և փոխաբերական իմաստներ

Ամեն բառ ունի իր ուղղակի հիմնական իմաստը, օրինակ՝ ոսկի- թանկարժեք մետաղ: Ունենալով իրենց ուղիղ իմաստը՝ բառերը խոսքի մեջ կարող են գործածվել այլ առարկաների, երևույթների հետ և արտահայտել փոխաբերական իմաստ, օրինակ՝ ոսկի ձեռքեր ունենալ, բնականաբար այստեղ ոսկին նշանակում է ոչ թե մետաղ, այլ շնորհքով ու հմուտ լինել, կարողանալ լավ գործ անել: Այ սա էլ հենց բառի արտահայտած փոխաբերական իմաստն է:

Լրացուցիչ կրթություն

Ովքեր սիրում են կարդալ  ամենատարբեր երևույթների և, ընդհանրապես, ամեն ինչի մասին, առաջարկում եմ ընտրել որևէ նախընտրած թեմա, կարդալ, ուսումնասիրել, հետաքրքիր տեղեկություններ հավաքել, խմբագրել, ապա աշխատանքն ուղարկել ինձ:

Սեպտեմբերի 14

1.Կետադրիր:
Ողջ ամառը ճպուռը չի աշխատում: Նա միայն երգում է պարում խաղում և ուրախանում: Երբ գալիս է ձմեռը ճպուռը մնում է տխուր անօգնական:Նա դիմում է մրջյունին խնդրում է իրեն կերակրել: Բայց մրջյունը հրաժարվում է:

2.Պատմություն հորինիր՝ գործածելով տրված բառերը (8-10-ը նախադասությամբ): 

Հարօգուտ, ձագուկ, ընթերցել, թռչել, առաջին,  հագնել, նուրբ, համբուրել, երփներանգ, խախտել, խփել:

3.Կազմիր բառեր հետևյալ ածանցներով՝ -որդ, -ական, -ություն, -ավոր, -ային:

Լրացուցիչ կրթություն

Ովքեր սիրում են կարդալ  ամենատարբեր երևույթների և, ընդհանրապես, ամեն ինչի մասին, առաջարկում եմ ընտրել որևէ նախընտրած թեմա, կարդալ, ուսումնասիրել, հետաքրքիր տեղեկություններ հավաքել, խմբագրել, ապա աշխատանքն ուղարկել ինձ:

Սեպտեմբերի 13

1.Եթե նախադասությունները ճիշտ դասավորես, կիմանաս դելֆինների սովորության մասին:

1.Գիտնականները պարզել են, որ դելֆիններն այդ գիտակցաբար չեն անում։
2.Նրանք օգնում են մարդկանց մնալու ջրի վրա և հրում են դեպի ափ։
3.Կան բազմաթիվ պատմություններ այն մասին, թե ինչպես են դելֆինները փրկում խեղդվոդ մարդկանց։
4.Ուղղակի նրանք իրոք սիրում են հրել զանազան առարկաներ։
5.Չնայած այս ամենին՝ հայտնի է, թե դելֆինները որքան են սիրում մարդկանց և ատում շնաձկներին։

2. Գիտնական, բազմաթիվ, պատմություն, ափ, շնաձուկ բառերը բաժանիր բաղադրիչների:

3. Գրիր մեկ բառով՝

մարդ, որը լողում է-
մարդ, որը հեծանիվ է քշում-
մարդ, որը մեքենա է վարում-
մարդ, որը ճամփա է գնում-
մարդ, որն առաջնորդում է-
մարդ, որը որս է անում-
մարդ, որն անցնում է ինչ-որ տեղով-
մարդ, որը գնումներ է կատարում-

Ո՞ր ածանցը ավելացավ բոլոր բառերը կազմելիս:
4. Պատմի՛ր քո մասին (բնութագրի՛ր քեզ), օգնող հարցեր՝

Ա. Բնավորության ի՞նչ գծեր ունես (աշխատասե՞ր ես, թե՞ ծույլ, մաքրասե՞ր ես, թե՞ փնթի, կռվարա՜ր ես, թե՞ խաղաղասեր և այլն)։
Բ. Քեզ քո բնավորության ո՞ր գիծն է շատ դուր գալիս։
Գ. Բնավորությանդ ո՞ր գիծը կուզեիր փոխել։
Դ. Բնավորությանդ ո՞ր գիծն է ամենաշատը բարկացնում մարդկանց:
Ե. Ո՞ր գիծն է նրանց ամենաշատը դուր գալիս։
Զ. Բնավորության այնպիսի գիծ կա՞, որը չունես, բայց շատ կուզեիր ունենալ։
Է. Բնավորության այնպիսի գիծ կա՞, որ չունես և չէիր էլ ուզի ունենալ։

5. Գրիր հինգ բարդ բառ: Հիշեցում՝ Բարդ բառերը կազմված են երկու և ավելի արմատներից, օրինակ՝ տոմսարկղ, արևածաղիկ…

6. Բացատրիր հետևյալ բառերը՝ ապառաժ, դարանակալել, անմարդաբնակ: Եթե դժվարանաս, դիմիր բառարանի օգնությանը:

Աղբյուրը՝ Մարիետ Սիմոնյան. Հայոց լեզու 4: Գիրք-տետր չորրորդ դասարանցիների համար

Սեպտեմբերի 9

Կարդում ենք Հովհաննես Թումանյանի «Քեֆ անողին քեֆ չի պակսիլ» հեքիաթի Բ,Գ, Դ հատվածները

Հարցեր և առաջադրանքներ
Կազմիր նոր բառեր հետևյալ արմատներով՝ տուն, ջուր, հող, երգ, օդ, թագ:
Տնային աշխատանք

Սեպտեմբերի 8

Կարդում ենք Հովհաննես Թումանյանի «Քեֆ անողին քեֆ չի պակսիլ» հեքիաթի Ա հատվածը

Հարցեր և առաջադրանքներ

1.Գրիր մեկ բառով՝

կանգ առնել-
միտք անել-
Ճամփա դնել-

2.Ի՞նչ են նշանակում հետևյալ բառերը, գրիր բացատրությունը՝

դերվիշ-
փինաչի-
մերկ-
ապրուստ-

3.Ի՞նչ սովորություն ուներ Հարուն Ալ Ռաշիդ թագավորը:
4. Ինչպե՞ս ես հասկանում հետևյալ խոսքերը.«Աշխարհքի բան է՝ ինչպես բռնես՝ էնպես էլ կերթա», փորձիր բացատրել, մեկնաբանել:

Սեպտեմբերի 7

Երկու ընկեր ճանապարհ էին գնում, մեկ էլ հանկար- դեմառդեմ դուրս եկավ ար-ը։ Մեկն անմիջապես ծառը բար-րացավ ու թաքնվեց, մյուսը չհասցրեց փա-չել, ընկավ գետնին ու մեռած ձևացավ։ Երբ արջը դունչը մոտեցրեց նրան և հոտոտեց, տղան շունչը պահեց, որովհետև լսել էր, որ մեռածներին արջը ձե-ք չի տալիս։
Երբ արջը հեռացավ, ընկերն ի-ավ ծառից ու հարցրեց, թե արջն ի՞նչ շշնջաց նրա ականջին: Նա պատասխանեց.
Արջն ասաց՝ սրանից հետո ճամ-ա մի՛ գնա այնպիսի ընկերոջ հետ, որը փոր-անքի մեջ քեզ լքում է։

  1. Լրացրու բաց թողնված տառերը:
  2. Վերնագրիր առակը:
  3. Ի՞նչ է սովորեցնում առակը, գրիր առակի ասելիքը:

Սեպտեմբերի 6

Թեստային աշխատանք

  1. 1. Գրի´ր հետևյալ բառերի հոմանիշները: Հիշեցում՝ հոմանիշերը իմաստով մոտ բառերն են:

արքա-
լուսաբաց-
խնդրել-

2.Գրի´ր հետևյալ բառերի հականիշները: Հիշեցում՝ հականիշները իմաստով հակառակ բառերն են:

ծանոթ-
հայտնի-
առաջին-

3.Գրի´ր մեկ բառով, ինչպե՞ս են ասում:

ոչխարների խմբին-
գայլերի խմբին-
կովերի խմբին-
ձիերի խմբին-
թռչունների խմբին-

4.Կազմի´ր նախադասություններ հետևյալ բառերով՝ ջրաղացպան, խնդրել, խոտհարք, թակարդ, փախչել:

Սեպտեմբերի 5

Կարդում ենք Հովհաննես Թումանյանի «Չախչախ թագավորը»

Հարցեր և առաջադրանքներ

  • Դո´ւրս գրիր անծանոթ բառերը, բառարանից օգտվելով գտի´ր բացատրությունները:
  • Թվարկի´ր հերոսներին:
  • Նկարագրի´ր ջրաղացպանին:
  • Հեքիաթի ո՞ր հերոսը քեզ դուր եկավ, ինչո՞ւ:
  • Հեքիաթը բաժանի´ր հատվածների և վերագրի´ր:
  1. Հեքիաթը պատմի´ր աղվեսի անունից:
  2. Հորինի´ր հեքիաթ ոչ թե «Չախչախ թագավորը», այլ «Չաղ-չաղ թագավորը» վերնագրով:Հեքիաթը տեղադրի´ր բլոգում, հղումն ուղարկիր ինձ:

Սեպտեմբեր 1

Կարդում ենք տեքստը՝ «Առաջին դպրոցները»

Հարցեր և առաջադրանքներ

  1. Բանավոր ներկայացրո´ւ, թե ինչ նոր տեղեկություններ իմացար առաջին դպրոցների մասին:
  2. Փորձի´ր ստուգաբանել, բացատրել դպրոց բառը, ինչ բաղադրիչներից է կազմված:
  3. Փորձի´ր առանց դպրոց բառը օգտագործելու նկարագրել, թե ինչ է դպրոցը:
  4. Հինգից յոթ նախադասությամբ գրի´ր ստեղծական-վերլուծական աշխատանք՝ Ես և իմ դպրոցը: Մի փոքր պատմիր քո մասին, ապա ներկայացրու քո դպրոցը, դպրոցում ինչը կթողնեիր նույնը, ինչը կփոխեիր:
  5. Գրի´ր արևածագ, արևամուտ  բառերի հոմանիշները: Հիշեցում՝ հոմանիշերը իմաստով մոտ բառերն են:
  6. Գրի´ր առաջին, հայտնի բառերի հականիշները: Հիշեցում՝ հականիշները իմաստով հակառակ բառերն են:
  7. Ի՞նչ նոր բառեր սովորեցիր՝ կարդալով «Առաջին դպրոցները» տեքստը: