Առաջադրանքների փաթեթ. 5-1 դասարան

Փետրվար 21

Ընտրիր Վահան Տերյանի բանաստեղծություններից մեկը: Քո ընտրած բանաստեղծությունը տեղադրիր բլոգում և վերլուծիր, մեկնաբանիր՝ պատասխանելով այս հարցադրումներին՝
Ինչո՞ւ ընտրեցիր հենց այդ բանաստեղծությունը:
Ի՞նչ ես զգում, տեսնում և լսում բանաստեղծությունը կարդալիս:
Ի՞նչ ես մտածում և հիշում բանաստեղծությունը կարդալիս:
Ինչպե՞ս կվերնագրեիր բանաստեղծությունը:

Համացանցային լեզվի բառարան. ուրբաթ օրը սկսած աշխատանքն ավարտեք, հղումն ուղարկեք ինձ:

Փետրվար 20

Թիմային աշխատանք՝ բեմադրել Հովհաննես Թումանյանի «Ոսկի քաղաքը»

Օրվա առաջադրանք՝ 

1.Կարդա՛ առակը և լրացրու միտքը:

Մի որսորդ առյուծի հետք էր փնտրում: Նա փայտահատին հարցրեց, թե չի՞ տեսել արդյոք առյուծի հետքը կամ որջը: Փայտահատը պատասխանեց.
— Ես քեզ հենց իրեն` առյուծին ցույց կտամ:
Որսորդը վախից գունատվեց և դողդողալով շշնջաց.
— Չէ, ինձ միայն հետքն է հարկավոր, ոչ թե առյուծը:

Առակը այն մարդկանց մասին է, ովքեր ….

2.Վերնագրիր  առակը: Ընտրածդ վերնագիրը պատճառաբանիր:
3.Կարդա Վահան Տերյանի «Մթնշաղ» բանաստեղծությունը, դուրս գրիր անծանոթ բառերը և բացատրիր:
4. Համացանցի օգնությամբ պարզիր, թե ինչու է փետրվարի 21-ը համարվում մայրենի լեզվի օր:
5. Կրկնիր Վահան Տերյանի «Կարծես թե դարձել եմ ես տուն» բանաստեղծությունը

Փետրվար 19

Փետրվարի 19-ին ծնվել է Հովհաննես Թումանյանը: Թումանյանական օրերին Արևելյան դպրոցի 4-րդ և 5-րդ դասարանցիների պատրաստած նյութերը՝ այստեղ: Անդրադարձ կատարված աշխատանքներին:

 Անգիր սովորիր Վահան Տերյանի «Կարծես թե դարձել եմ ես տուն» բանաստեղծությունը:

Օրվա առաջադրանք՝
1.Բաց թողնված տառերը , երկհնչյունները լրացրո՛ւ:

 Երկրագնդի վրա կ.նքը հավանաբար ծովում է սկզբնա.որվել: Ու թե. զար.ացման միլ.նավոր տարիներ են անցել, հիմա .լ մար.ու մարմնի հ.սվածքները ողողվում են լու.ույթով, որն իր բաղադրութ.ամբ շատ նման է ծովի ջրին: Դրանք անհրաժեշտ են ն.թափոխության և .րգանիզմի ա.բողջ գործ.նթացի համար: Բայց ջուրը մ.այն օրգանիզմի առող.  և արդ.նավետ գործուն.ությանն է նպաստում: Ծովն ինքնին սննդան.թերի աղ.յուր է: Վեր.ապես նա.  ջրա.ին ճանապար.ների մասին հիշենք:
2.Կարդա՛ առակը և պատասխանիր հարցին: 
 Առյուծն ու նապաստակը

Առյուծը գտավ քնած նապաստակին և ուզում էր խժռել, երբ հանկարծ տեսավ. որ կողքով փախչում է եղջերուն: Նապաստակին թողեց ու ընկավ եղջերուի ետևից, իսկ նապաստակը աղմուկից զարթնեց ու փախավ:
Առյուծը շատ վազեց եղջերուի ետևից, բայց չկարողացավ բռնել և  վերադարձավ այնտեղ, որտեղ թողել էր նապաստակին: Տեսնելով, որ նա էլ արդեն չքացել է, ասաց.«Տեղն է ինձ, ձեռքիս որսը բաց թողեցի և  դատարկ հույսի ետևից ընկա»:

Հարց-առաջադրանք
 Ընտրիր այն միտքը, որն արտահայտում է առակի գաղափարը (ասելիքը):
Ընտրությունդ պատճառաբանիր:
•  Երկու նապաստակի ետևից ընկնողը ոչ մեկին չի հասնի:
•  Մարդիկ, ընկնելով շատի ետևից, կորցնում են նաև քիչը:
•  Պետք չէ բավարարվել քչով, պետք է ձգտել ավելիին հասնել:
3.Գրի´ր յուրաքանչյուր բառի հոմանիշը, ապա՝ հականիշը՝
հարձակվել, խրախուսել, վաճառել, արթնանալ, լացել:

Փետրվար 16

Ավարտիր փետրվարի 14-ին տրված աշխատանքը:

Թումանյանական ստուգատեսի շրջանակում, ինչպես պայմանավորվեցինք դասարանում, յուրաքանչյուրդ պատրաստեք որևէ հետաքրքիր նյութ՝ որպես նվեր մեր մեծ բանաստեղծին: Աշխատանքներն ավարտին հասցրեք մինչև Թումանյանի ծնունդը՝ փետրվարի 19-ը: Աշխատանքները կարող են լինել ամենատարբեր ձևաչափերի`​ տեսանյութ, ռադիոնյութ, հարցազրույց և այլն: Առաջարկում եմ հետևյալ թեմաները, եթե ունենաք այլ մտահղացումներ, շատ ավելի լավ: Այսպիսով`

  • Թումանյանի որևէ ստեղծագործության նկարազարդում
  • Ովքեր կարողանում են որևէ երաժշտական գործիքով նվագել, կարող են Թումանյանի բանաստեղծություններից մեկը երգի վերածել և ներկայացնել` տեսանյութի տեսքով
  • Հարցազրույցներ Թումանյանի կյանքի և ստեղծագործական աշխարհի մասին
  • Իմ նվերը Թումանյանին` տեսանյութի կամ ռադիոնյութի տեսքով
  • Թումանյանը ընտանիքում. ընտանիքով ընթերցում ենք Թումանյան
  • Թումանյանի հետքերով` փողոց, արձան, տուն-թանգարան, թանգարան
  • Թումանյանական ինքնաստուգման թեստ
  • Թումանյան հայրիկը
  • Ինչ կասեր Թումանյանն այսօր…

Փետրվար 15

Երկհնչյունների ուղղագրությունը. ույ-յու

Կարդա Վահան Տերյանի «Կարծես թե դարձել եմ ես տուն» բանաստեղծությունը և կատարիր առաջադրանքները:

Վահան Տերյան

Կարծես թե դարձել եմ ես տուն,
Բոլորն առաջվանն է կրկին,
Նորից դու հին տեղը նստում,
Շարժում ես իլիկը մեր հին:

Մանում ու հեքիաթ ես ասում,
Մանում ես անվերջ ու արագ,
Սիրում եմ պարզկա քո լեզուն,
Ձեռներըդ մաշված ու բարակ։

Նայում եմ, մինչև որ անզոր
Գլուխըս ծնկիդ է թեքվում,
Նորից ես մանուկ եմ այսօր,
Դրախտ է նորից իմ հոգում։

Արևը հանգչում է հեռվում,
Գետից բարձրանում է մշուշ,
Հեքիաթըդ անվերջ օրորում,
Իլիկըդ խոսում է անուշ…

1.Գտի՛ր և դուրս գրիր բնությունը պատկերող տողերը:
2. Գրի՛ր պարզկա, անզոր, մշուշ, անվերջ, կրկին բառերի հոմանիշները:
3. Գրի՛ր հին, արագ, մաշված, բարակ, անզոր, դրախտ, խոսել բառերի հականիշները:

Փետրվար 14

Թումանյանական ստուգատեսի շրջանակում, ինչպես պայմանավորվեցինք դասարանում, յուրաքանչյուրդ պատրաստեք որևէ հետաքրքիր նյութ՝ որպես նվեր մեր մեծ բանաստեղծին: Աշխատանքներն ավարտին հասցրեք մինչև Թումանյանի ծնունդը՝ փետրվարի 19-ը: Աշխատանքները կարող են լինել ամենատարբեր ձևաչափերի`​ տեսանյութ, ռադիոնյութ, հարցազրույց և այլն: Առաջարկում եմ հետևյալ թեմաները, եթե ունենաք այլ մտահղացումներ, շատ ավելի լավ: Այսպիսով`

  • Թումանյանի որևէ ստեղծագործության նկարազարդում
  • Ովքեր կարողանում են որևէ երաժշտական գործիքով նվագել, կարող են Թումանյանի բանաստեղծություններից մեկը երգի վերածել և ներկայացնել` տեսանյութի տեսքով
  • Հարցազրույցներ Թումանյանի կյանքի և ստեղծագործական աշխարհի մասին
  • Իմ նվերը Թումանյանին` տեսանյութի կամ ռադիոնյութի տեսքով
  • Թումանյանը ընտանիքում. ընտանիքով ընթերցում ենք Թումանյան
  • Թումանյանի հետքերով` փողոց, արձան, տուն-թանգարան, թանգարան
  • Թումանյանական ինքնաստուգման թեստ
  • Թումանյան հայրիկը
  • Ինչ կասեր Թումանյանն այսօր…

Փոխադրության միավորները՝

Լիլիթ-7
Սուսաննա-7
Զավեն-8
Սվետլանա-8
Դավիթ Գ.-7
Միհրան-6
ԱՆի-6
Օֆելյա-9
Նարե-9
Սյուզաննա-6
Գարիկ-6
Մանե-5
Միլենա-9
Ռուբեն-7
Լալա-7
Մարիա-աշխատանք չի ներկայացրել

 

Փետրվար 13

1.Նորից կարդա Հովհաննես Թումանյանի «Անբախտ վաճառականները» և թվարկիր դեպքերի հաջորդականությունը:

Այսպես՝ Չղջիկն ու Ճայը ընկերացան:
Նրանք որոշեցին վաճառական դառնալ:
Շարունակիր….

2. Փոխիր «Անբախտ վաճառականները» ստեղծագործության ավարտը,  մտածիր, հորինիր նոր ավարտ:

Փետրվար 12

Երկհնչյունների ուղղագրությունը (յա-իա-եա), կատարիր առաջադրանքները

Հովհաննես Թումանյանի «Անբախտ վաճառականները», նորից կարդա և կատարիր առաջադրանքները՝
1. Թվարկիր հերոսներին, յուրաքանչյուրին բնութագրիր մեկ դիպուկ բառով:
2. Կազմիր 5 հարց ստեղծագործության վերաբերյալ:

Փետրվար 9

Սիրելի սովորողներ, այսօր հայերենի ֆլեշմոբն է, չմոռանաք մասնակցել:

Երկհնչյունների ուղղագրությունը, կատարիր առաջադրանքները

Կարդա Հովհաննես Թումանյանի «Անբախտ վաճառականները»: Դուրս գրիր անծանոթ բառերը և բացատրիր:

Փետրվար 8

Հովհաննես Թումանյան «Ոսկի քաղաքը»

  • Կարդա 8-9-րդ հատվածները, դուրս գրիր անծանոթ բառերը և բացատրիր:
  • Ինչպիսի՞ն դարձավ Դիվանան հետագայում: Պատմիր նրա մասին:
  • Մեղադրիր Դիվանային:
  • Արդացրու Դիվանային:
  • Ո՞րն է երջանկությունը՝ ըստ Գոհար թագուհու,  ըստ քեզ /գրավոր պատմիր/:

Փետրվար 6

Հովհաննես Թումանյան «Ոսկի քաղաքը»

  • Կարդա 3-7-րդ հատվածները, դուրս գրիր անծանոթ բառերը և բացատրիր:
  • Պատմիր Ոսկի քաղաքի մասին:
  • Ինչո՞ւ է քաղաքը կոչվում Ոսկի քաղաք:

Որպես պատասխան թիմային աշխատանքի հարցին՝ կարդացեք Հայկազ Մարգարյանի «Ղափամայի պատմությունը» նյութը:

Գործնական քերականություն

1. Ընդգծված բառերի և արտահայտությունների փոխարեն փակագծերում տրվածներից մեկը գրի´ր:

Որ խոսքը կարճեր, ավելորդ բաներ չէր ասի: (Կարճ կապեր, երկար չէր)
Պարանը կարճ էր, աշտարակի ծայրին չհասավ: (Կարճ կապեր, երկար չէր)
Գլուխը կախ էր ու սիրտը կոտրված: (Խոնարհ էր, իջեցներ)
Դույլը ջրհորը կախեր թե չէ, թզուկը հայտնվելու էր: (Խոնարհ էր, իջեցներ)
Դռան ժանգոտ փակի վրա ինչ-որ թուղթ դրեց ու գնաց: (Կողպեքի, ծածկի)
Եթե պատուհանը փակի, ցուրտ չի լինի: (Կողպեքի, ծածկի)

2.Կետերի փոխարեն գրի´ր փակագծերում տրված համապատասխան բառը կամ արտահայտությունը:

Ծառերին արթնացնողը …. (քամին էր, քամիներ):
Այդ օրվանից հետո շատ …. (քամին էր, քամիներ) են փչել:
Տարբեր …. (պարեր, պար էր) են սովորեցնում դպրոցում:
Դա չտեսնված մի … (պարեր, պար էր):
Պարտեզի բոլոր ծաղիկները … (սպիտակ են, սպիտակեն):
Եթե բոլոր ծաղիկները միանգամից … (սպիտակ են, սպիտակեն), լա՞վ կլինի:
Թող հենց հիմա աչքերը … (փակ են, փակեն) ու քնեն:
Բոլոր դռները … (փակ են, փակեն), մի՞թե տանը մարդ չկա:
Անծանոթ … (համ էր, համեր), այդ մրգից չէի կերել:
Տարբեր խոհարարների եփած նույն անունով ճաշերը տարբեր … (համ էր, համեր) ունեն:

Փետրվար 5

Հովհաննես Թումանյան «Ոսկի քաղաքը»

  • Կարդա առաջին երեք հատվածները, դուրս գրիր անծանոթ բառերը և բացատրիր:
  • Թվարկիր հերոսներին:
  • Ըստ այդ հատվածների նկարագրիր և բնութագրիր Դիվանային:
  • Վերնագրիր հատվածները:

Սովորիր հետևյալ բառերի ուղղագրությունը՝ վայրկյան, ռադիո, ուղևոր, ունեցվածք, ցայտաղբյուր, օրիորդ, քառասուն, սանդուղք, սրընթաց, տարօրինակ

Թիմային աշխատանք՝ փորձեք գտնել, թե ի՞նչ կապ կա ղափամա և կափարիչ բառերի միջև:

Փետրվար 2

Հովհաննես Թումանյան «Պատրանք», սովորիր անգիր:

Լրացրու բաց թողած տառերը՝

Հայրենական ժողովր.ական բժշկության մե. ազնվամորու պտուղների թուրմը լայն.րեն կի.առվում է գրիպի, մի շարք ցրտառական հիվանդությու..երի ժամանակ։ Պտուղները լայն կիրառում ունեն նաև լնդա.տի, սակավար..նության, ստամոքսային ցավերի ժամանակ։ Օ.տագործվում են նա. մարսողությունը լավացնելու և ալկոհոլային հար.ածությունից սթա.եցնելու նպատակներով։ Հայկական ժողովր.ական բժշկության մե. ազնվամորու պտուղները լայն կի.առում են ունեցել տենդային հիվանդությունների, իսկ ծաղիկների թուրմը՝ օ.ի կծածի դեպքերում։

Կետադրիր հետևյալ հատվածը՝

Մթնաձոր տանող միակ արահետն առաջին ձյունի հետ փակվում է մինչև գարուն ոչ մի մարդ ոտք չի դնում անտառներում։ Սակայն Մթնաձորում այժմ էլ թավուտ անտառներ կան ուր ոչ ոք չի եղել: Ծառերն ընկնում են փտում ընկած ծառերի տեղ նորն է ծլում արջերը պար են խաղում սուլում են չոբանի պես ոռնում են գայլերը դունչը լուսնյակին մեկնած վարազները ժանիքով փորում են սև հողը աշունքվա փտած կաղիններ ժողվում։

Փետրվար 1

Նորից կարդա Հովհաննես Թումանյանի մասին նյութերը՝
Հովհաննես Թումանյանի պատգամը իր զավակներին
Թումանյանի մասին
Նվարդ Թումանյանի հուշերից
Ապա ընտրիր այն պատմությունը, որը քեզ ամենաշատը դուր եկավ, սովորիր պատմել:

Լրացրու բաց թողած տառերը՝ վայր-ջք, մեղմ-րեն, երբ-իցե, Աման-ր, գիշերուզ-ր, շտապ-գնություն, մեղմ-րոր, փղ-սկր, ան-թի, ոսկեզ-ծ, օրըստ-րե, օվկ-անոս, պո-մ, ելև-ջ, ան-անալ, ամեն-րյա, հանր-գուտ, օրեց-ր, ան-րակ, քնքշ-րեն, արջա-րս:

Նախագծային առաջադրանք՝  ընտրիր որևէ թեմա, որը հատկապես քեզ դուր է գալիս, (դասարանում խոսել ենք այս մասին), կարդա այդ մասին, ուսումնասիրիր, ապա այդ թեմայով պատրաստիր ռադիոնյութ: Հիշիր, որ ռադիոնյութը պետք է ունենա սկիզբ, այսինքն ողջույնի խոսք պետք է ասես ու ներկայանաս, ապա խոսես այն մասին, թե ինչի մասին է լինելու քո ռադիոնյութը, լավ կլինի նաև այդ թեմայով հետաքրքիր հարցեր մտածես ու հարցազրույցներ վերցնես քո շրջապատից, վերջում ամփոփես և հրաժեշտ տաս: Աշխատանքդ տեղադրիր բլոգում, հղումն ուղարկիր ինձ:

Հունվար 31

Կարդա ՝

Յ ձայնակապի ուղղագրությունը. կատարիր առաջադրանքները:

Կրկնիր նաև անցած տարվա ընթացքում Թումանյանից սովորած բանաստեղծությունները:

Հունվար 30

Կարդա Հովհաննես Թումանյանի պատգամը իր զավակներին:

Նախորդ տարվա ընթացքում կարդացած նյութերը՝ Թումանյանի մասին, Նվարդ Թումանյանի հուշերից:

Կազմիր բառակապակցություններ հետևյալ բառերով՝ քնքշորեն, մեղմորեն, օրական, օրեցօր, օրըստօրե, անընդմեջ, անընդհատ, օվկիանոս, հեքիաթ, ինքնըստինքյան, ապա ընտրիր 5 բառակապակցություն և կազմիր նախադասություններ:

Հունվարի 29

  • Լրացրու աղյուսակը:
Ի՞նչ գիտեմ Թումանյանի մասին Ի՞նչ եմ ուզում իմանալ Թումանյանի մասին

 

  • Թումանյանից քո ընտրած բանաստեղծությունը սովորիր անգիր:
  • Սովորիր հետևյալ բառերի ուղղագրությունը՝ քնքշորեն, մեղմորեն, օրական, օրեցօր, օրըստօրե, անընդմեջ, անընդհատ, օվկիանոս, հեքիաթ, ինքնըստինքյան:

Հունվարի 26

Թումանյանից քո ընտրած բանաստեղծությունը սովորիր անգիր:

Կազմիր նոր բառեր հետևյալ ածանցներով՝

որեն-
ավոր-
ովին-
որդ-
եղեն-
ենի-

Հունվարի 25

Ընտրիր Հովհաննես Թումանյանի բանաստեղծություններից մեկը, սովորիր շատ լավ կարդալ:

Լրացրու բաց թողած տառերը:

Գարնան ոսկեզ-ծ օր է։ Դու գնում ես փողոցով՝ անըն-հատ շուրջ- նայելով։ Ծաղկած ծառերը իրենց ծաղկաբույլերով մեղմ-րեն գլխով են անում քեզ։ Օ-ի մեջ ելև-ջում են քո սիրած երգի մեղմ-րոր հնչյունները։ Նույն ակնթար-ին դու տեսնում ես քեզ ըն-առաջ եկող դասընկերոջ-։ Նա ժպտում և ջերմ-րեն բարևում է քեզ։ Դու էլ նրան ես ժպտում և ող-ունում։ Օրն ավելի լուսաշ-ղ է դառնում։ Չ-՞ որ դուք իրար մա-թեցիք բարիք և բար-րություն, քանի որ բարև բառի հիմքում բարի արմատն է։

Հունվարի 23

Կարդացեք Ավանդական հարսանիքի մասին և կատարեք առաջադրանքները:

Հունվարի 22

Նախագծային առաջադրանք՝ Սիրելի սովորողներ, ծնողներից կամ տատիկ-պապիկներից հետաքրքրվեք, թե իրենց ծննդավայրերում ինչպես էին նշում հարսանիքները, ինչ սովորույթներ, ավանդույթներ կային, ինչպիսին է եղել իրենց իսկ հարսանիքը: Ապա հորինեք հեքիաթ, որի հիմքում ընկած լինի իրական պատմություն, հեքիաթում անպայման անդրադարձեք ազգային ծեսերին ու ավանդույթներին: Լավագույն հեքիաթները կտեղադրվեն «Հեքիաթասաց» բլոգում:

Լիլիթ Արևշատյան ջան, «Հեքիաթասաց»-ի պատասխանատուն դու ես: Բացում ես նոր բլոգ, անունը՝ Հեքիաթասաց, որտեղ տեղադրվելու են լավագույն հեքիաթները: Երբ բլոգը պատրաստ լինի, մրցույթը կհայտարարենք կրթահամալիրով մեկ:

Հունվարի 19

Կարդա և անգիր սովորիր Հովհաննես Թումանյանի «Իմ երգը» բանաստեղծությունը:

Գանձեր ունեմ անտա՜կ, անծե՜ր,
Ես հարուստ եմ, ջա՜ն, ես հարուստ
Ծով բարություն, շնորհք ու սեր
Ճոխ պարգև եմ առել վերուստ։

Անհուն հանքը իմ գանձերի,
Սիրտս է առատ, լեն ու ազատ.
Ինչքան էլ որ բաշխեմ ձրի—
Սերն անվերջ է, բարին՝ անհատ։

Երկյուղ չունեմ, ահ չունեմ ես
Գողից, չարից, չար փորձանքից,
Աշխարհքով մին՝ ահա էսպես
Շաղ եմ տալիս իմ բարձունքից։

Ես հարուստ եմ, ես բախտավոր
Իմ ծննդյան պայծառ օրեն,
Էլ աշխարհ չեմ գալու հո նոր,
Իր տվածն եմ տալիս իրեն։

 

Հունվարի 15

Ամփոփում ենք ուսումնական ձմեռը. «Խոշորացույց»-ում տեղադրել եմ այն սովորողների աշխատանքները, ովքեր իրենց բլոգներում պատմել են իրենց կարդացած գրքերի մասին:
Բոլորդ մեկ անգամ ևս նայեք, կարդացեք, թե ինչ են կարդացել ձեր ընկերները:
Ովքեր դեռ չեն գրել իրենց կարդացած գրքի մասին, աշխատանքն այսօր ավարտեք և հղումն ուղարկեք ինձ և պատրաստվեք դասարանում բանավոր ներկայացնելու:

Դեկտեմբերի 25-հունվարի 8

  • Ովքեր չեն ամփոփել 2017 թվականը, չեն գրել շարադրությունը՝ «2017 թվականն ու ես», շտապեք գրել մինչև Ամանոր, որ Ձմեռ պապն էլ ձեզ չմոռանա 🙂 Աշխատանքդ տեղադրիր բլոգում, հղումն ուղարկիր ինձ:
  • Պատմիր մեր շուրջտարյա նախագծով սկսած, նաև արձակուրդի օրերին կարդացածդ գրքի (գրքերի) մասին, աշխատանքդ տեղադրիր բլոգում, հղումն ուղարկիր ինձ:
  • Կատարիր առաջադրանքները. Ձայնավորների ուղղագրությունը
    Է-ե-ի ուղղագրությունը
    օ-ո-ի ուղղագրությունը
    Ը-ի ուղղագրությունը

Լրացուցիչ աշխատանք՝

  • Պատմիր արձակուրդի օրերին  տեսածդ ամենահետաքրքիր ֆիլմի կամ մուլտֆիլմի մասին, աշխատանքդ տեղադրիր բլոգում, հղումն ուղարկիր ինձ:

Դեկտեմբերի 21

Ամփոփիր անցած տարին, գրիր շարադրություն «2017 թվականն ու ես»:
Գրիր այնպես, որ պատումը՝

  • լինի հետաքրքիր
  • ունենա  նկարագրություններ
  • նկարագրությունները լինեն պատկերավոր
  • լինի անմիջական, առանց արհեստական բառերի և արտահայտությունների
  • ներկայացնի նաև զգացողություններ՝ ուրախություն, անհանգստություն, ափսոսանք և այլն:
  • Աշխատանքը տեղադրիր բլոգում, հղումն ուղարկիր ինձ:

Դեկտեմբերի 20

Հականիշ բառեր. առաջադրանքներ

Կարդա  Խստաշունչ ձմեռը և ցնցոտիավոր ծերունին

Դեկտեմբերի 19

Հականիշ բառեր. առաջադրանքներ

Կազմիր հարցեր ստեղծագործության վերաբերյալ

Դեկտեմբերի 18

Հոմանիշ բառեր. առաջադրանքներ

Կարդա

Դեկտեմբերի 15

Շարունակեք աշխատել նախագծերով՝

Շուրջտարյա նախագծեր`

  • Թարգմանական նախագիծ  (շարունակեք ընտրել և  թարգմանել, ընտրեք այն նյութերը, որոնք դեռ չեն թարգմանվել)
  • Կարդում եմ և առաջարկում եմ կարդալ (Բլոգումդ ներկայացրու կարդացածդ գիրքը, ներկայացրու, պատմիր այնպես, որ ընկերներդ էլ ցանկանան այդ գիրքը կարդալ: Չմոռանաս նշել, թե ով է գրել քո ընտրած գիրքը, մի փոքր էլ պատմիր հեղինակի մասին, էլ ինչ գրքեր է նա գրել: Այս նախագիծն ամբողջ տարվա համար է, պարտադիր է, որ ամեն ամիս գոնե մեկ գիրք կարդաս: Աշխատանքը բլոգում տեղադրելուց հետո հղումն ուղարկիր ինձ:)
  • Գրական ընթերցումներ (ընտրեք, կարդացեք և ձայնագրվեք տարբեր բանաստեղծներից (Թումանյան, Համո Սահյան, Եղիշե Չարենց և այլն)  սիրելի բանաստեղծություններ)

 

Դեկտեմբերի 14

1.Սուսան Մարկոսյանի Գործնական քերականություն գրքի հոմանիշ բաժինը,  առ.`51, 52:

2.Գրիր շարադրություն` «Ես ցանկությունների ծառի տակ» վերնագրով:
Գրիր այնպես, որ պատումը՝

  • լինի հետաքրքիր
  • ունենա  նկարագրություններ
  • նկարագրությունները լինեն պատկերավոր
  • լինի անմիջական, առանց արհեստական բառերի և արտահայտությունների
  • ներկայացնի նաև զգացողություններ՝ ուրախություն, անհանգստություն, ափսոսանք և այլն:
  • Աշխատանքը տեղադրիր բլոգում:

Դեկտեմբերի 13

Սուսան Մարկոսյանի Գործնական քերականություն գրքի հոմանիշ բաժինը,  առ.`49, 50:

Դոնալդ Բիսեթի «Ցանկությունների ծառը»պատմվածքը համառոտ փոխադրիր (գրավոր պատմիր):

Աշխատանք բլոգում` Գրել շարադրություն տնային աշխատանքի վերաբերյալ. ի՞նչ է տնային աշխատանքը, ինչպիսի՞ տնային աշխատանք կցանկանայիք ունենալ: Օգնու՞մ են տնային աշխատանքները, թե՞ ժամանակի ավելորդ վատնում է:

Ձեր աշխատանքի մեջ գրեք նաև ծնողների կարծիքը, նրանք ինչ են մտածում տնային աշխատանքի մասին: Աշխատանքը տեղադրեք բլոգում, հղումն ուղարկեք ինձ:

Առաջարկում եմ ծնողների հետ կարդալ տնային աշխատանքի մասին ուսումնասիրություն` Սովորողի տնային ուսումնական աշխատանք. այլոց փորձի ուսումնասիրություն

Դեկտեմբերի 12

Դոնալդ Բիսեթի «Ցանկությունների ծառը» պատմվածքի վերաբերյալ կազմիր հարցեր և առաջադրանքներ: Աշխատանքը տեղադրիր բլոգում, հղումն ուղարկիր ինձ:

Սուսան Մարկոսյանի Գործնական քերականություն գրքի հոմանիշ բաժինը, էջ 14, առ.`47, 48:

Աշխատանք բլոգում` Գրել շարադրություն տնային աշխատանքի վերաբերյալ. ի՞նչ է տնային աշխատանքը, ինչպիսի՞ տնային աշխատանք կցանկանայիք ունենալ: Օգնու՞մ են տնային աշխատանքները, թե՞ ժամանակի ավելորդ վատնում է:

Ձեր աշխատանքի մեջ գրեք նաև ծնողների կարծիքը, նրանք ինչ են մտածում տնային աշխատանքի մասին: Աշխատանքը տեղադրեք բլոգում, հղումն ուղարկեք ինձ:

Առաջարկում եմ ծնողների հետ կարդալ տնային աշխատանքի մասին ուսումնասիրություն` Սովորողի տնային ուսումնական աշխատանք. այլոց փորձի ուսումնասիրություն

Դեկտեմբերի 11

Կարդա Դոնալդ Բիսեթի «Ցանկությունների ծառը»

Սուսան Մարկոսյանի Գործնական քերականություն գրքի հոմանիշ բաժինը, էջ 14, առ.`49:

Լրացրու բաց թողնված տառերը:

Մեղվապահը փեթակները շարել էր Լոռու ձորում՝ Դեբեդի կանաչազ-ծ ափին, որտեղ լսվում էին միայն գետի մի-րինակ վշշոցը ու մեղուների ախորժալուր բզզոցը: Եր-եմն շրջապատի անդորրը խանգարում էր գնացքը, որը վիշապ-ձի նման սողում- անհետանում էր: Մեղվանոցի պահակի փոքրիկ շունը տն-րենի իրավունքով, բարձր հաչոցով հարձակվում ու հալածում էր հազար-տանի այդ կենդանուն, ապա հպարտորեն վերադա-նում էր շորորալով, պոչը ոլորած, մեջքին դրած:
Մի անգամ՝ ամեն-րյա հարձակման ժամանակ, շնիկը չկարողացավ զսպել իր թափը, և շո-եքարշը հնչոցով ու սուլոցով անցավ խեղ-ի վրայով: Երբ գնացքն անհետացավ,  շնիկը երկյուղով նայեց շուրջբոլորը և իսկույն փախավ իր բույնը:

Դեկտեմբերի 8

Սիրելի սովորող, այսօր հայերենի ֆլեշմոբի օրն է: Չմոռանաս մասնակցել:

Սուսան Մարկոսյանի Գործնական քերականություն գրքի հոմանիշ բաժինը, առ.` 44, 45:

Աշխատում ենք նախագծերի շուրջ:
Երկրորդ նախագծի համար, եթե դեռ գիրք չես ընտրել, այցելիր Մայր դպրոցի գրադարան, ուր կան հետաքրքիր, նկարազարդ գրքեր, տիկին Մարին կօգնի ընտրություն կատարել:

Շուրջտարյա նախագծեր`

  • Թարգմանական նախագիծ  (շարունակում ենք ընտրել և  թարգմանել)
  • Կարդում եմ և առաջարկում եմ կարդալ (Ընտրիր որևէ գիրք, կարդա, ապա բլոգումդ ներկայացրու կարդացածդ գիրքը, ներկայացրու, պատմիր այնպես, որ ընկերներդ էլ ցանկանան այդ գիրքը կարդալ: Չմոռանաս նշել, թե ով է գրել քո ընտրած գիրքը, մի փոքր էլ պատմիր հեղինակի մասին, էլ ինչ գրքեր է նա գրել: Այս նախագիծն ամբողջ տարվա համար է, պարտադիր է, որ ամեն ամիս գոնե մեկ գիրք կարդաս: Աշխատանքը բլոգում տեղադրելուց հետո հղումն ուղարկիր ինձ:)
  • Գրական ընթերցումներ (ընտրում, կարդում և ձայնագրվում ենք տարբեր բանաստեղծներից  սիրելի բանաստեղծություններ)

Դեկտեմբերի 7

Ավետիք Իսահակյան «Այդ ոչինչը ես եմ» ստեղծագործությունը

  1. Տեքստից դո՛ւրս գրիր անհասկանալի բառերը և բառարանի օգնությամբ բացատրի՛ր:
  2. Ներկայացրո՛ւ դերվիշին և քաղաքապետին՝ հակադրելով իրար:
  3. Ո՞րն է այս առակի ասելիքը:
  4. Ըստ քեզ ոչնչից հետո ի՞նչն է:

Թեստային աշխատանքի միավորները`

Ռուբեն-5,5
Նարեկ-4
Մարիա-7
Միհրան-6,5
Միլենա-9,5
Սյուզի-4,5
Սվետլանա-6,5
Գարիկ-5
Նարե-9
Հ. Դավիթ-5
Մարի-9,5
Անի-6
Գ. Դավիթ-8
Զավեն-6
Լալա-5
Սուսաննա-5
Սոնա-5

Դեկտեմբերի 6

Թեստային աշխատանք

  1. Հաշվի՛ր, թե տրված բառերի մեջ քանի՞ տառ և քանի՞հնչյուն կա: (2 միավոր)

հարևան, երազ, անորակ, նաև

2. Այբբենական կարգով դասավորի՛ր հետևյալ բառերը:(2 միավոր)

մոծակ, մրջյուն, մրջնակեր, մորեխ, միջատ

3.Կազմի՛ր նախադասություններ արմատ, լեզու բազմիաստ բառերի տարբեր իմաստներով:(2 միավոր)

4.Համառոտ, 10-15 նախադասությամբ փոխադրի՛ր (գրավոր պատմի՛ր) Ավետիք Իսահակյանի «Ամենապիտանի բանը» ստեղծագործությունը:(4 միավոր)

****

Կարդա՛ Ավետիք Իսահակյանի «Այդ ոչինչը ես եմ» ստեղծագործությունը, ապա նայի՛ր մուլտֆիլմը:

Շուրջտարյա նախագծեր`

  • Թարգմանական նախագիծ  (շարունակում ենք կատարել թարգմանությունները)
  • Կարդում եմ և առաջարկում եմ կարդալ (Ընտրիր որևէ գիրք, կարդա, ապա բլոգումդ ներկայացրու կարդացածդ գիրքը, ներկայացրու, պատմիր այնպես, որ ընկերներդ էլ ցանկանան այդ գիրքը կարդալ: Չմոռանաս նշել, թե ով է գրել քո ընտրած գիրքը, մի փոքր էլ պատմիր հեղինակի մասին, էլ ինչ գրքեր է նա գրել: Այս նախագիծն ամբողջ տարվա համար է, պարտադիր է, որ ամեն ամիս գոնե մեկ գիրք կարդաս: Աշխատանքը բլոգում տեղադրելուց հետո հղումն ուղարկիր ինձ:)
  • Գրական ընթերցումներ (ընտրում, կարդում և ձայնագրվում ենք տարբեր բանաստեղծներից  սիրելի բանաստեղծություններ)

Դեկտեմբերի 5

  • Հ գրվում է հետևյալ բառերում, մնացած բառերում հ չի գրվում: Ստուգիր` արդյոք ճիշտ ես գրել:

Ընդհանուր, դազգահ, արհեստ, խոնարհ, խորհուրդ, ընդհուպ, ճանապարհ, շնորհ,
խոտհարք, հեղհեղուկ, շնորհակալ, աշխարհագրական,մահճակալ, խոնարհաբար,  խորհրդատու, Հովհաննիսյան, ճանապարհորդ, շնորհաշատ, արհամարհել, խորհել, օրհնանք։

  • Կազմիր նոր բառեր հետևյալ արմատներով`

ճանապարհ-
խոնարհ-
շնորհ-
աշխարհ-
խորհուրդ-
օրհնել-

  • Գրիր գունդ, երես, արմատ բազմիմաստ բառերի իմաստները: Կարող ես օգտվել բառարանից:

Ավետիք Իսահակյան` Ամենապիտանի բանը

Պատասխանիր հարցերին`

  1. Բնութագրի՛ր այս հեքիաթի թագավորին:
  2. Լույսն է ամենապիտանի բանն աշխարհի: Համամի՞տ ես արդյոք թագավորի կրտսեր որդու հետ: Ինչո՞ւ:
  3. Փորձիր բացատրել, թե լույս ասելով՝ հեղինակն ի՞նչն ի նկատի ունի:

Շուրջտարյա նախագծեր`

  • Թարգմանական նախագիծ  (շարունակում ենք կատարել թարգմանությունները)
  • Կարդում եմ և առաջարկում եմ կարդալ (շարունակում ենք ընտրել և կարդալ, կարդացածը ներկայացնել բլոգում)
  • Գրական ընթերցումներ (ընտրում, կարդում և ձայնագրվում ենք տարբեր բանաստեղծներից  սիրելի բանաստեղծություններ)

Դեկտեմբերի 4

  • Կազմիր նախադասություններ այր, տուն, խոշոր, լեզու, հաց բազմիաստ բառերի տարբեր իմաստներով:
  • Ըստ անհրաժեշտության լրացրու հ տառը։
    Ընդ.անուր, ընդ.ամենը, դազգա., ար.եստ, խոնար., հայթ.այթել,
    ապաշխար.ել, խոր.ուրդ, ընդ.ուպ, անհեթ.եթ, ճանապար., շնոր.,
    հեղ.եղ, խոտ.արք, հեղ.եղուկ, շնոր.ակալ, աշխար.ագրական,
    մա.ճակալ, խոնար.աբար,  խոր.րդատու, Հով.աննիսյան,
    հեկ.եկալ, ճանապար.որդ, շնոր.աշատ, արհամար.ել, խոր.ել,
    օր.նանք։

Ավետիք Իսահակյան Ամենապիտանի բանը

  1. Կարդա հեքիաթը,  դո՛ւրս գրիր անհասկանալի բառերը և բացատրի՛ր:
  2. Թվարկի՛ր հեքիաթի հերոսներին:

Շուրջտարյա նախագծեր`

  • Թարգմանական նախագիծ  (շարունակում ենք կատարել թարգմանությունները)
  • Կարդում եմ և առաջարկում եմ կարդալ (շարունակում ենք ընտրել և կարդալ, կարդացածը ներկայացնել բլոգում)
  • Գրական ընթերցումներ (ընտրում, կարդում և ձայնագրվում ենք տարբեր բանաստեղծներից  սիրելի բանաստեղծություններ)

Դեկտեմբերի 1

Սուսան Մարկոսյանի Գործնական քերականություն գրքի Բառագիտություն բաժնից, էջ  12-13, կատարիր առ.` 39, ապա ինքդ կազմիր նախադասություններ գլուխ բառի տարբեր իմաստներով:

Բազմիմաստ բառեր
Արտահայտում են մեկից ավելի իմաստներ

այր- 1. տղամարդ, 2. քարանձավ
տուն-1. բնակվելու շենք, 2. գերդաստան, ընտանիք, 3. ոտանավորի քառատող
ակն- 1. աչք, 2. ջրի ակունք
գիր-1. տառ, 2. այբուբեն, 3. գրություն, 4. կախարդություն
օղակ-1. աշխատանքային խումբ, 2. մարզագործիք

Շարքը ավելացրեք նոր բազմիմաստ բառերով:

Ընթերցարանից կարդացեք Ավետիք Իսահակյանի «Ով է ապրում» ստեղծագործությունը, էջ 128:

Շուրջտարյա նախագծեր`

  • Թարգմանական նախագիծ  (շարունակում ենք կատարել թարգմանությունները)
  • Կարդում եմ և առաջարկում եմ կարդալ (շարունակում ենք ընտրել և կարդալ, կարդացածը ներկայացնել բլոգում)
  • Գրական ընթերցումներ (ընտրում, կարդում և ձայնագրվում ենք տարբեր բանաստեղծներից  սիրելի բանաստեղծություններ)

Նոյեմբերի 30

Սուսան Մարկոսյանի Գործնական քերականություն գրքի Բառագիտություն բաժնից, էջ  12, կատարիր առ.` 33, 34, 35:

Ստեղծագործական աշխատանք` շարադրություն ազատ թեմայով (աշխատանք բլոգում)

Շուրջտարյա նախագծեր`

  • Թարգմանական նախագիծ  (շարունակում ենք կատարել թարգմանությունները)
  • Կարդում եմ և առաջարկում եմ կարդալ (շարունակում ենք ընտրել և կարդալ, կարդացածը ներկայացնել բլոգում)
  • Գրական ընթերցումներ (ընտրում, կարդում և ձայնագրվում ենք տարբեր բանաստեղծներից  սիրելի բանաստեղծություններ)

ՆոյեմբերԳի 29

Ընթերցարանից ` Ավ. Իսահակյանի «Կյանքից թանկ բանը», էջ 121:

Արձակ շարադրիր (գրավոր փոխադրիր) ստեղծագործությունը:

Շարունակեք թարգմանել ընտրած նյութերը: Ովքեր արդեն ավարտել են, թարգմանություններն ուղարկեք ինձ:

Նոյեմբերի 27

Ընթերցարանից ` Ավ. Իսահակյանի «Կյանքից թանկ բանը», էջ 121: Սովորեք դերերով ընթերցել: Անծանոթ բառերը բացատրեք և սովորեք:

Շարունակեք թարգմանել ընտրած նյութերը:

Նոյեմբերի 24

Կետադրիր հատվածը:

Արևն ու Լուսինն Աստծո զավակներն են Արևն աղջիկ է Լուսինը տղա հոր հրամանով նրանք պարտավորվում են աշխարհին գիշեր-ցերեկ հերթով հսկել վիճակ են գցում թե գիշերն իրենցից ով հսկի վիճակն ընկնում է քրոջը Արևին և քույր ու եղբայր սկսում են տաք տաք վիճել աղմուկի ձայնը լսելով գալիս է հայրը երբ իմանում է պատճառը նախատում է Լուսնին և հրամայում որ գիշերները նա հսկի լուսինը հասկանալի է հանձն է առնում հոր կամքը կատարել ապա Աստված աղջկան է դիմում առաջարկելով ցերեկները հսկել արևը սակայն առարկում է ասելով թե ինքն իր աղջիկ տեղով օրը ցերեկով մարդկանց աչքին երևալուց ամաչում է այդ դեպքում ասում է հայրը ձեռքերիդ մեջ մի մի խուրձ ասեղ բռնիր ով համարձակվի քեզ նայել ասեղներով աչքերը ծակիր:

Ընթերցարանից կարդացեք Ավ. Իսահակյանի «Կյանքից թանկ բանը», էջ 121:

Շարունակեք թարգմանել ընտրած տեքստերը:

Նոյեմբերի 23-30

Թարգմանչական նախագծի շրջանակում կատարում ենք թարգմանություններ, արդյունքում ստեղծելու ենք «Ինչուիկ» էջը: Թարգմանությունը կատարելիս կարող եք օգտվել ռուս-հայերեն բառարաններից` Բառարան 1, Բառարան 2:

Թարգմանչական տեքստեր այս կայքից ընտրեք այն նյութը, որը ձեզ հետաքրքրում է: Աշխատանքը կատարում, ավարտին եք հասցնում մինչև նոյեմբերի 30-ը: Ընթացքում աշխատում ենք և տանը, և դպրոցում` հատվածաբար թարգմանելով տեքստը:

Նոյեմբերի 22

Ի՞նչ եղավ հետո… ընթերցարանից կարդացեք Հովհաննես Թումանյանի «Գելը» պատմվածքը, էջ 97:

Նոյեմբերի 21

Փոխադրեք (գրավոր պատմեք) իմ կարդացած հատվածը (պատմվածքի սկիզբը), ապա հորինեք շարունակությունը: Վերնագրեք պատմությունը:

Նոյեմբերի 20

Ստեփան Զորյանի «Մի գիշեր անտառում»-պատմվածքը

Բանավեճ քննարկում`
Ի՞նչ կանեիր հերոսի փոխարեն:

  • Ստեփան Զորյանի «Մի գիշեր անտառում»-պատմվածքը բաժանիր հատվածների և վերնագրիր:
  •  Բացատրիր գլխին սարքել դարձվածքը:
  • Գրիր ուրիշ դարձվածքներ գլխի մասին: Օգտվիր Դարձվածաբանական բառարանից:
  • Գրիր դարձվածքներ մարմնի մյուս մասերի վերաբերյալ:
  • Բացատրիր  գրածդ դարձվածքները:
  • Ընտրիր դարձվածքներից մեկը, դարձրու վերնագիր, հորինիր մի պատմություն վերնագրին համապատասխան:

Լրացուցիչ նյութեր դարձվածքի մասին

Նոյեմբերի 17

Սուսան Մարկոսյանի Գործնական քերականություն գրքի Տեքստային առաջադրանքներ բաժնից`​ էջ 111, կատարիր առ. 389:

Ընթերցարանից ` Ստեփան Զորյանի «Մի գիշեր անտառում»-պատմվածքի վերջում տրված հարցեր և առաջադրանքներից կատարիր առ. 4, 6, 7: Պատմվածքը սովորիր պատմել:

Նոյեմբերի 15

Սուսան Մարկոսյանի Գործնական քերականություն գրքի Տեքստային առաջադրանքներ բաժնից`​ էջ 111, կատարիր առ. 388:

Ընթերցարանից կարդա Ստեփան Զորյանի «Մի գիշեր անտառում»-պատմվածքը, անծանոթ բառերը դուրս գրիր և սովորիր:

Սեբաստացու օրեր. կրթահամալիրի տոնին կազմակերպված խաղ-մրցույթի մասնակից-կազմակերպիչ-խաղավարներ` Սվետլանա, Մարի, Անի, Լիլիթ և Լալիկ, լուսաբանում եք օրը:

Նոյեմբերի 14

2013 թվականին տիար Բլեյանը կոչով դիմել էր սեբաստացի սովորողներին: Կարդացեք կոչը: Անցել են տարիներ: Ի՞նչ կավելացնեք կամ կպակասեցնեք ասվածին: Գրեք ձեր կարծիք-տեսակետը:

Սեբաստացու օրեր. կրթահամալիրի տոն` սովորող-սովորեցնող նախագծով Սվետլանան, Օֆելյան, Մարին և Լիլիթը այս անգամ այցելել են ընկեր Մերիի դասարան, փոքրերին պատմել Սեբաստացու մասին: Նախագծին մասնակից սովորողները գրում են իրենց տպավորությունների մասին, իսկ լուսաբանման պատասխանատու Լիլիթը լուսաբանում է օրը:

Նոյեմբերի 13

Ովքեր չէին սովորել Ավետիք Իսահակյանի «Ռավեննայում» բանաստեղծությունը, սովորում են, ովքեր լավ չէին սովորել,  շատ լավ են սովորում:

Դասարանում կարդացել և հասկացել ենք Սեբաստացու անխոնջ ընթերցանության ոճը:

Աշխատանք բլոգում` գրել շարադրություն «Իմ ընթերցանության ոճը»:

Սեբաստացու օրեր. կրթահամալիրի տոն` սովորող-սովորեցնող նախագծով Սվետլանան, Օֆելյան, Մարին և Նարեն այցելել են Սաթենիկ Սիմոնյանի դասարան, փոքրերին պատմել Սեբաստացու մասին: Նախագծին մասնակից սովորողները գրում են իրենց տպավորությունների մասին, իսկ լուսաբանման պատասխանատու Նարեն լուսաբանում է օրը:

Նոյեմբերի 10

Սիրելի սովորող, այսօր` նոյեմբերի 10-ն է, հայոց լեզվի ֆլեշմոբի օրն է: Չմոռանաս մասնակցել:

Սուսան Մարկոսյանի Գործնական քերականություն գրքի Տեքստային առաջադրանքներ բաժնից`​ էջ 109, կատարիր առ. 384-ի ա կամ բ տարբերակը:
Ավետիք Իսահակյանի «Ռավեննայում» բանաստեղծությունը սովորիր անգիր:

Լրացուցիչ աշխատանք. նախագծային ուսուցում` սովորող-սովորեցնող նախագծով Սեբաստացիական օրերին նախագծին մասնակցել ցանկացող սովորողները այցելելու են իրենց կրտսեր ընկերներին և պատմելու Մխիթար Սեբաստացու և նրա գործունեության մասին:
Օգտակար հղումներ`

և այլն:

Նոյեմբերի 9

Սուսան Մարկոսյանի Գործնական քերականություն գրքի Տեքստային առաջադրանքներ բաժնից`​ էջ 109, կատարեք առ. 383: Նույն գրքի Ուղղագրական բառարանից նայեք Բ տառի բառերի ուղղագրությունը, առանձնացրեք անծանոթ բառերը, գրեք բացատրությունները:
Կարդացեք Ավետիք Իսահակյանի «Ռավեննայում» բանաստեղծությունը`

«Ռավեննայում»

Արարատի ծեր կատարին
Դար է եկել, վայրկյանի պես,
Ու անցել:

Անհուն թվով կայծակների
Սուրն է բեկվել ադամանդին,
Ու անցել:

Մահախուճապ սերունդների
Աչքն է դիպել լույս գագաթին,
Ու անցել:

Հերթը հիմա քոնն է մի պահ.
Դու էլ նայիր սեգ ճակատին,
Ու անցիր…

Նոյեմբերի 8

Սուսան Մարկոսյանի Գործնական քերականություն գրքի Ուղղագրական բառարանով ստուգեք դասարանում գրած բառերը, ապա գրեք այդ բառերի բացատրությունները:
Նույն գրքի Տեքստային առաջադրանքներ բաժնից`​ էջ 108, կատարեք առ. 380:

Նոյեմբերի 7

Ընտրեք և կարդացեք ձեր ընկերների գրածները կարդացած գրքերի վերաբերյալ, այնուհետև Թողնել մեկնաբանություն բաժնում գրեք ձեր կարծիք-եզրակացությունը, թե ով էր ավելի հետաքրքիր ու պատկերավոր ներկայացրել իր կարդացած գիրքը:

Սուսան Մարկոսյանի Գործնական քերականություն գրքի Տեքստային առաջադրանքներ բաժնից`​ էջ 108, կատարեք առ. 379, իսկ ուղղագրական բառարանի Ա տառի անծանոթ բառերի բացատրությունները նորից նայեք ու սովորեք, անպայման ուշադրություն դարձրեք բառերի ուղղագրությանը:

Նոյեմբերի 6

Գրել շարադրություն «Իմ ուսումնական աշունը»թեմայով, աշխատանքը տեղադրել բլոգում` նշելով Ուսումնական աշուն և Մայրենի լեզու բաժինները:
Վաղը ներկայացնելու եք արձակուրդի ընթացքում ձեր կարդացած գիրքը և գրքի վերաբերյալ բլոգում կատարված աշխատանքը:

Ուսումնական աշուն

Աշնանային արձակուրդի ընթացքում`

  1. Շարունակեք և ավարտեք այն գիրքը, որը սկսել էիք կարդալ: Ովքեր չէին կարդացել, ընտրում են որևէ գիրք և կարդում, կարող եք այցելել Մայր դպրոցի գրադարան և այնտեղից գիրք վերցնել:
  2. Կարդալուց հետո ձեր բլոգում բացում եք նոր բաժին` Իմ գրադարանը, և պատմում ձեր կարդացած գրքի մասին:
    Հարցեր, որոնց պետք է անդրադառնալ 

    • Ո՞վ է գրքի հեղինակը (գտնել համացանցից տեղեկություններ նրա մասին, էլ ի՞նչ գրքեր է գրել):
    • Ո՞վ էր գրքի հերոսը, ինչպիսի՞ն էր նա:
    • Գրքից դուրս գրեք մեկ էջի սահմանում ձեզ դուր եկած հատվածը, որպեսզի դասարանում ընկերների համար ընթերցեք:
    • Ի՞նչ սովորեցիք այս գրքից:
    • Գիրքը ձեզ դո՞ւր եկավ, ինչպե՞ս կներկայացնեք այս գիրքը, որ ձեր ընկերներն էլ ցանկանան այն կարդալ:
  3. Սուսան Մարկոսյանի Գործնական քերականություն գրքի վերջում կա ուղղագրական բառարան, կարդացեք, անծանոթ բառերը բացատրեք, սովորեք, ուշադրություն դարձրեք բառերի ուղղագրությանը:

Լրացուցիչ առաջադրանք`

  • Արձակուրդի ընթացքում պահիր օրագիր և նկարաշարերի ու հետաքրքիր, կարճ պատումների միջոցով ներկայացրո՛ւ քո անցկացրած օրը, հատկապես հետաքրքրաշարժ իրադարձությունները:

Հոկտեմբերի 26

Սիրելի սովորողներ, Հնչյունաբանություն թեմայից ձեր կազմած հետաքրքիր, տրամաբանական հարցերը ուղարկեք ինձ, իսկ վաղվա համար պատրաստվեք ներկայացնելու շաբաթվա ընթացքում ձեր կարդացած գիրքը:

Հոկտեմբերի 25

Հայերենի երկհնչյունները

****

Փոխադրության միավորները

  1. Դավիթ Գրիգորյան-8/5
  2. Միհրան Կարսեցյան-7/5
  3. Լալա Հովհաննիսյան-7/5
  4. Անդրեասյան Օֆելյա- 9,5/8,5
  5. Համբարձումյան Սվետլանա-9/8
  6. Հովսեփյան Գարիկ-7/7
  7. Ղազարյան Զավեն-7/7
  8. Ղազարյան Նարե-10/9
  9. Մադոյան Մարի-10/8
  10. Սյուզի Գրիգորյան- 5/ 6
  11. Ռուբեն Թադևոսյան-7/7
  12. Մարիա Աբրահամյան-9/8
  13. Մեհրաբյան Սոնա-5
  14. Պողոսյան Միլենա-6
  15. Գյոզալյան Անի-
  16. Ավետիսյան Նարեկ-
  17. Արևշատյան Լիլիթ-
  18. Բալախչյան Սուսաննա-
  19. Հովհաննիսյան Դավիթ-

Հոկտեմբերի 24

Հետևյալ բառերից ընտրիր 10 բառ և կազմիր նախադասություններ`
ալոճ, ալոջ, աղտ, ախտ, առատ, արատ, բրդել, բրթել, գինարբուկ, գինարբուք, թռչել,
թրջել, լուռ, լուր, խոժոռ, խոշոր, կապիճ, կապիչ, կարգ, կառք, հարդ, հարթ, կտրիճ, կտրիչ

Հոկտեմբերի 23

Բառարանի օգնությամբ բացատրիր հետևյալ նմանահնչյուն կամ մեկ հնչյունով տարբերվող  բառերը և սովորիր:

Դասարանում`
Փոխադրություն. Զորավար Անդրանիկն ու Թումանյանը

Հոկտեմբերի 20

Սիրելի սովորողներ, ձեր ցանկությամբ ընտրում և սկսում եք կարդալ որևէ գիրք մինչև մյուս ուրբաթ օրը: Մյուս ուրբաթ՝ հոկտեմբերի 27-ին, ամեն մեկդ պատմելու է իր կարդացած գիրքը: Հոկտեմբերի 27-ը հայտարարում ենք կարդացած գրքերը հավեսով, հետաքրքիր ներկայացնելու օր:

Հոկտեմբերի 19

Լրացուցիչ առաջադրանք`
Ուղղիր սխալները.

Հանձինս Թումանյանի` մենք ունենք ազգային մեծ բանաստեղծ: Թումանյանը ստեղծագործել է դեռ դպրոցական տարիներից, երբ առաջին անգամ սիրահարվել է իր դասընկերուհու վրա` գրելով`
-Հոգո՛ւս հատոր,
Սրտի՛ս կտոր,
Դասիս համար,
Դու մի՛ հոգար…
Փոքրիկ Հովհաննեսը հաճախ էր թողնում դասերը, փախնում իր սիրած վայրերը… Թումանյանի թանգարանը գտնվում է Մոսկովյան փողոցում:Թումանյանի թանգարանում կարելի է նրան տեսնել էլեկտրոնային ձևով` ակնոցները աչքին, գլխարկը` գլխին, ձեռնափայտը` ձեռքին: Բազմիցս անգամ նա գրել է իր մայրիկի, հայրիկի, իր մանկության մասին: Թումանյանն ուներ տաս հատ երեխա, որոնց տարբեր խորհուրդներ էր տալիս: Կարևորում էր տան կարգ ու կանոնը` ասելով, որ մաքրությունը դա առողջության հիմքն է: Չէր սիրում, երբ տեսնում էր սենյակում որևէ ավելնորդ իր: Ազգը հպարտանում են Թումանյանով:

Հոկտեմբերի 17-18

Հրանտ Մաթևոսյանի «Հացը» պատմվածքի վերջին հատվածը սովորել պատմել:

Վանկ . Սուսան Մարկոսյան Գործնական քերականություն առ. 25-ը և 32-ը /բանավոր/ , 26, 27. 28, 29, 30, 31 /գրավոր/ :

 

Հոկտեմբերի 16

Կարդա Հրանտ Մաթևոսյանի «Հացը» պատմվածքի վերջին հատվածը և պատասխանիր հատվածից հետո գրված հարցերին:

Դասարանում` բանավեճ-արդարացնում և մեղադրում ենք տղային:

Հոկտեմբերի 13

Ճամփորդության մասին գրած պատումները տեղադրեք բլոգում և հղումն ուղարկեք ինձ, ովքեր նկարներ ունեն, պատումին կցեն նաև նկարները:

Սիրելի սովորողներ, այսօր հայերենի ֆլեշմոբի օրն է, չմոռանաք մասնակցել:

Հանգստյան օրերին կարդա Հրանտ Մաթևոսյանի «Հացը» պատմվածքի երրորդ հատվածը և պատասխանիր հատվածից հետո գրված հարցերին:

Հոկտեմբերի 11

Խմբային աշխատանք- Կոմիտասի կյանքը և գործունեությունը

Վաղը յուրաքանչյուր խումբ ներկայացնում է իր աշխատանքը, իսկ ժամը 13.00-ին գնում ենք ուսումնական ճամփորդության` Կոմիտասի անվան գիտահետազոտական ինստիտուտ-թանգարան:

Հոկտեմբերի 10

Կարդա Հրանտ Մաթևոսյանի «Հացը» պատմվածքի երկրորդ հատվածը և պատասխանիր հատվածից հետո գրված հարցերին:

Հոկտեմբերի 9

Սահյանական օրերի ամփոփումը կարող եք տեսնել գլխավոր կայքում:

Հրանտ Մաթևոսյանը «Հացը»

Հարցեր և առաջադրանքներ՝

  • Տեքստում՝ վերջին նախադասության մեջ,  հեղինակի խոսքը միջադաս է,  դարձրու նախադաս, ապա հետադաս: Ուշադրություն դարձրու կետադրությանը:
Տեքստային աշխատանք
  • Ո՞ր գործն է քեզ համար ամենակարևորը և առաջնայինը: Ինչո՞ւ: Պատասխանդ հիմնավորիր:
  • Քննարկիր հոր և որդու երկխոսությունը:
  • 10-15 նախադասությամբ պատմիր հատվածը / բանավոր /:

***

Կարդա՛ Հրանտ Մաթևոսյանը «Հացը» պատմվածքի առաջին հատվածը, բացատրի՛ր ընդգծված բառերը՝ օգտվելով բառարանից:

Քեզ անծանոթ բառերը դուրս գրիր և բառարանի օգնությամբ բացատրի՛ր:

Հոկտեմբերի 5-6

Սուսան Մարկոսյան Գործնական քերականություն առ. 5, 6, 7, 8 :

Հոկտեմբերի 4

1.Դասավորի՛ր բառերն ըստ այբուբենի հաջորդականության:

Խմորեղեն, րոպե, ալարկոտ, հրաժեշտ, նժույգ, գնդացիր, ստախոս, բազե:

2.Բառերն այբբենական կարգով դասավորի՛ր:

Դափնեվարդ,դժոխք, դաշույն, դողդոջուն, դադար, դարձյալ, դաղձ, դաշունահար, դողէրոցք, դդում, դյութել, դժվարըմբռնելի, դարպասապահ, դղրդյուն:

3.Ո՞ր շարքում են բառերն այբբենական կարգով դասավորված, ընտրիր ճիշտ պատասխանը:

ա/կարճ,կարիճ,կարթ,կարագ
բ/բադ,բեմ,բիծ,բոռ,բուն
գ/գլխարկ,հայելի,օրինակ,գրիչ

4. Այբբենական կարգով գրի՛ր ընկերներիդ անունները:

Հոկտեմբերի 3-ի թեստային աշխատանքի միավորները՝

  • Համբարձումյան Սվետլանա-9
  • Աբրահամյան Մարիա-9
  • Անդրեասյան Օֆելյա-8
  • Թադևոսյան Ռուբեն-8
  • Գրիգորյան Դավիթ-3
  • Գրիգորյան Սյուզաննա-7
  • Արևշատյան Լիլիթ-8
  • Մադոյան Մարի-8,5
  • Ղազարյան Նարե-9
  • Պողոսյան Միլենա-9
  • Գյոզալյան Անի-7
  • Կարսեցյան Միհրան-9
  • Հովհաննիսյան Լալա-5
  • Բալախչյան Սուսաննա-5

Հոկտեմբերի 3

Ընտրի՛ր Կոմիտասի երգերից մեկը, Կոմիտասի գրառած երգերի կատարումները կարող ես գտնել Ձայնադարանում`

Լսի՛ր և 5-8 նախադասությամբ գրի՛ր տպավորություններիդ, ապրումներիդ մասին, ի՞նչ էիր զգում և մտածում երգը լսելիս: Այս աշխատանքդ վերնագրիր և տեղադրիր քո բլոգում:

Թեստային աշխատանք

Լրացուցիչ առաջադրանք հոկտեմբեր ամսվա համար`

Թարգմանչաց տոնին ընդառաջ կատարում ենք թարգմանություններ:

Հոկտեմբերի 2

Ընտրի՛ր Կոմիտասի բանաստեղծություններից մեկը, քեզ անծանոթ բառերը դուրս գրիր, բացատրական բառարանով նայիր բացատրությունները, ապա նորից կարդա բանաստեղծությունը և գրիր`
Ի՞նչ ես զգում, տեսնում և լսում բանաստեղծությունը կարդալիս:
Ի՞նչ մտքեր ծնվեցին բանաստեղծությունը կարդալիս:
Ինչպե՞ս կվերնագրեիր բանաստեղծությունը:

Աշխատանքը տեղադրիր բլոգում, հղումն ուղարկիր ինձ, իսկ վաղն անպայաման կբերեք ականջակալ:

Սեպտեմբերի 29

1. Կետերի փոխարեն գրեք ո, օ կամ վո . հակա.դային, .ազիս, .րս.րդ, չար.րակ, .բյեկտ, .սկեզ.ծել, .դերևութամաբական, .րըստ.րե, .րացույց, .րթ, .րձ, .ձ, .ձագալար, .ձիք, ամենա.րակյալ, ….րմիզդուխտ, հայ.րդի, արջ.րս, ջր.րհնեք, .լգոգրադ:

2.Կետերի փոխարեն գրեք ե կամ է. դող.րոցք, .ջանշան, պատն-շ,  վայր.ջք, .ջմիածին, վեր.լք,  .րակ, ամենա.ական. ամենա.րկար,  ստոր.րկրյա, Վարդգ.ս, բազմ.րանգ, ծով.զր,  լայն.կրան,  մ.ջք,  ամենա.ժան, կիսա.փ, չ.ի, չ.իր, չ.ինք, երփն.րանգ, ան.ական, լայնե.զր:

Լրացուցիչ առաջադրանք

  • Ուսումնասիրություն՝ Կոմիտասի անունը կրող ինչե՞ր կան Հայաստանում:

Նյութերը կարող են լինել տեքստեր, տեսանյութեր, ձայնագրություններ, հարցազրույցներ, ֆոտոպատում` մեկնաբանություններով: Աշխատանքը տեղադրել բլոգում, հղումն ուղարկել ինձ:

Սեպտեմբերի 28

Օրվա լավագույն սովորող Դավիթ Գրիգորյան, օրվա պասիվ աշխատողներ` Ռուբեն Թադևոսյան, Դավիթ Հովհաննիսյան:

Գործնական քերականություն. տառ և հնչյուն

1.Քանի՞ հնչյուն և քանի՞ տառ կա հետևյալ բառերից յուրաքանչյուրում`

 արև,տասներկու ,նաև,ևս,  գզգզել , անորակ, ճանապարհ,  որոգայթ, որոշել, չորս, մոտենալ

 2.Հաշվի՛ր, թե տրված բառերի մեջ քանի՞ տառ և քանի՞հնչյուն կա:

Երկրպագու, սերկևիլ, եռատերև, անողնաշար, որևէ, ամենաերկար, ոզնի, վերջ, ով, կես, երբ

3. Գրիր 10 բառ, որոնց հնչյուններն ավելի շատ են, քան տառերը:

4. Գրիր 10 բառ, որոնց հնչյուններն ու տառերը հավասար են:

5. Գրիր 10 բառ, որոնք կազմված են չորս և ավելի հնչյուններից և միայն մեկն է ձայնավոր, օրինակ՝ կանչ, կյանք

6. Ո՞ր բառերն են սկսվում օ հնչյունով, բայց գրվում են ո տառով: Դրանցով կազմիր նախադասություններ:

Սեպտեմբերի 27

Մուշեղ Գալշոյանի «Սպասումը» կարողանալ արտահայտիչ կարդալ, պատրաստվում ենք գրական ռադիոթատրոն ստեղծել:

Գործնական քերականություն. Հնչյուն և տառ

Սուսան Մարկոսյանի Հայոց լեզու գրքից կատարել առ.՝ 13, 14, 15, 16, 17, 18, 19, 23, 24:

Սեպտեմբերի 26

Մուշեղ Գալշոյանի «Սպասումը»

1.Ստեղծագործությունը բաժանի՛ր հատվածների և վերնագրի՛ր:.
2. Ըստ պատմվածքի գրի՛ր Կոմիտասին բնութագրող 5 հատկանիշ:
3.Ի՞նչ է տալիս պատումին բեռլինյան տարիների հիշողությունը:
4.Կոմիտասին ասում են՝ Հայ երգի Մեսրոպ Մաշտոց, ինչո՞ւ:
5.Ի՞նչ զգացողություն դու կունենաս կորուստը վերադարձնելիս:
6.10-15 նախադասությամբ պատմի՛ր ստեղծագործությունը / բանավոր/ :

Սեպտեմբերի 25

Կարդա Մուշեղ Գալշոյանի «Սպասումը», կատարիր առաջադրանքները:

Առաջարկում եմ մասնակցել Կոմիտասյան օրերի հետ կապված մի շատ հետաքրքիր Ֆլեշմոբի` Կոմիտասյան ֆլեշմոբի:

Սեպտեմբեր 22

Կազմիր հարցեր Համո Սահյանից քո ընտրած բանաստեղծության հիման վրա, հարցերը մեյլով ուղարկիր ինձ:
Քո սովորած բանաստեղծությունը կրկնիր:

Սեպտեմբերի 19

Անգիր սովորել Համո Սահյանից ընտրած բանաստեղծությունը:

19.09-23.09 Լրացուցիչ կրթություն

Համո Սահյանից ընտրած բանաստեղծության հիման վրա պատրաստել տեսանյութ կամ ռադիոնյութ:

Սեպտեմբերի 15-ի աշխատանքը չեն կատարել հետևյալ սովորողները`

Դավիթ Գրիգորյան
Լալա Հովհաննիսյան /կիսատ է կատարել/
Նարեկ Ավետիսյան
Դավիթ Հովհաննիսյան
Անի Գյոզալյան

Սեպտեմբերի 15

  1. Ծ, ձ, ղ, ճ, ջ, փ, ը հնչյուններով սկսվող բառեր գրիր:
  2. թուր, հուն, բուն բառերի մեջ ավելացրու յ հնչյուն, ինչ բառեր ստացար: Այդ բառերը գործածիր նախադասությունների մեջ:
  3. Գրիր բաց թողնված ձայնավորները:

այժմ….ական, ան….ական, անպատ….հ, անվր….պ, դող….րոցք, ելև….ջ, երբև.…, երբևից…., էլեկտրա….ներգիա, լայն….կրան, մանր…., վայր….ջք, տի.…զերք, աման….րյա, ամեն….րյա, ան….գնական, ան….թևան, ան….րոշ, արծաթազ….ծ, մեղմ….րոր, մեղմ….րեն, նախ….րոք, ակ….նդետ, ակ….նթարթ, անակ….նկալ, ան….նդհատ, հյուր….նկալ, ճեպ….նթաց, մերթ….նդմերթ, նոր….նտիր, որոտ….նդոստ, սր….նթաց, ունկ….նդիր։

12.Գրիր բաց թողնված բաղաձայնները:

Գա….րիել, դար….ին, եր…., ի….րև, խա….ել, Հակո…., համ….երել, համ….ույր, փր….ուր, սուր…., ուր….աթ, Քերո…., աղ….անոց, ցայտաղ….յուր, եղ….այր, ավա…., կողպե…., եր…., զու….ել, թա….ավոր, թար….մանել, կարա…., հո….նակի, մար….արիտ, ար….ար, ար….են, ար….յոք, ար….յունք, որ…. (ճիճու), որ…. (խաղողի վազ), օրիոր…., գնոր…., ժողովուր…., ըն….ամենը, ըն….հակառակը, փար….ամ, ըն….հանուր, ըն….ունակ, ըն….ունել, ասացվա….ք, ընդար….ակ, գլուխկոն….ի, համար….ակ, բար…., թխվա….ք, բար….ր, խ….կել, հար….ակվել, փոր…., ամբող…., ա….ջիկ, ե….բայր:

13. Նորից կարդա Մեսրոպ Մաշտոցի մասին և լրացրո՛ւ տեքստի բաց թողած բառերը:

Մեսրոպ Մաշտոցը ծնվել է … թվին Տարոն գավառի  …  գյուղում: Մոտ 389 թվին հաստատվել է Վաղարշապատում, պաշտոնավարել արքունիքում՝ որպես … : Նա հայ ժողովրդին ձուլման վտանգից փրկելու նպատակով ձեռնամուխ է լինում գրերի ստեղծման գործին: Հայոց կաթողիկոսի՝ …  երաշխավորությամբ  և … արքայի հրամանով մի խումբ աշակերտների հետ շրջել է Ամիդ, Սամոսատ, … քաղաքներում: …  թվին ստեղծել է հայոց տառերը և վերադարձել  հայրենիք: Առաջին գիրքը, որ թարգմանվել է հայերեն …  է, իսկ հայերեն առաջին նախադասությունը՝… :

14.Գրի՛ր շարադրություն «Ձայնավորներն ու բաղաձայնները» թեմայով:

15. Կրկնիր Եղիշե Չարենցի «Ես իմ անուշ Հայաստանի» բանաստեղծությունը:

16. Ընտրիր Համո Սահյանի բանաստեղծություններից մեկը, սովորիր: Ընտրիր այնպիսի բանաստեղծություն, որը չեք անցել:

17. Ստուգիր ինքդ քեզ. թեստ

Սեպտեմբերի 14

Հնչյունների տեսակները

Սուսան Մարկոսյան «Գործնական քերականություն», առ.20, 21

1.է, ս, ի, տ, լ, ու, մ, օ, կ, ը, ա հնչյուններից որո՞նք են ձայնավորները:

2.Նախադասությունները լրացրու:

Հայերենի ձայնավոր հնչյուններն են`………:

Հայերենի բաղաձայն հնչյուններն են`………:

  1. Ձայնավոր հնչյունները փոխելով ստացիր նոր բառեր:

Պատ, դար, սար, բառ, տող, տունվարք, վիզ, հարկ, գարի, կարճ:

  1. Շարունակիր շարքը, գրիր ձայնավորով վերջացող երեքական բառ:

Օրինակ՝ գարի, կատու, …

  1. Ձայնավորով սկսվող ու վերջացող հինգ բառ գրիր:
  2. Միևնույն ձայնավորով վերջացող հինգ բառ գրիր:
  3. Ողկույզ բառի հնչյուններից յուրաքանչյուրով սկսվող բառեր գրիր:

8.Գրիր բառեր, որոնք իրարից մեկ բաղաձայնով են տարբերվում:

Օրինակ՝ պայտ-փայտ, գետ-կետ

  1. Այնպիսի բառեր գրիր, որոնցում միաժամանակ լինեն ղ և խ, ճ և ղ, ծ և ղ:

Սեպտեմբերի 13

Կարդա, սովորիր և իմացիր Մեսրոպ Մաշտոցի մասին:

Սեպտեմբերի 12

Սովորիր պատմել Ռանչպարների կանչը:

Բանավոր աշխատանք՝

  1. Ինչո՞ւ է դասատու Մելքոնը կարևոր նշանակություն տալիս հայոց այբուբենն անգիր իմանալուն:
  2. Այբուբենն անգիր սովորելու ի՞նչ ձև էր ընտրել ուսուցիչը:
  3. Գիտե՞ք այբուբենի տառերից կազմված ուրիշ ստեղծագործություններ:

Գրավոր աշխատանք՝

  1. Գտի՛ր և գրի՛ր  լեզվի մասին առածներ, սովորիր այդ առածները, փորձիր բացատրել իմաստը:

Մեդիաուրբաթի ընթերցարան՝

Կոմիտաս «Պարն ու մանուկը»
Արթուր Շահնազարյան  «Պարը դպրոցում»
Կոմիտաս «Հայ գեղջուկի պարը»

 

 

Սեպտեմբերի 11

Կարդա՛ Դաշտենցի «Ռանչպարների կանչը» վեպից այս հատվածը և կատարիր առաջադրանքները:

Բանավոր խոսքի մշակում՝ ռադիոնյութի պատրաստում. լուսաբանում ենք մեր նախագիծը:

Սեպտեմբերի 8

Սիրելի սովորող, այսօր` սեպտեմբերի 8-ին, հայերենի ֆլեշմոբի օրն է: Չմոռանաս մասնակցել:

Հնչյունաբանություն. Լեզվի հնչյունները

Նախադասությունը կազմված է բառերից, իսկ բառերը՝ հնչյուններից: Հնչյունները արտասանվում և լսվում են. Նրանք բառեր կազմող անբաժանելի ձայներ են:

  1. Հետևյալ հնչյուններից բառեր կազմեցեք:

Ձ, ն, յ, ու / ր, գ, ի, ք/ ր, տ, ու, ց/ մ, ր, յ, ա/ ու, ր, յ, ք/ ա, լ, ր /    դ, ա, մ, ր/ ր, ու, ջ/ գ, կ, ի, ծ:

Օրինակ՝ ձ, ն, յ, ու- ձյուն

  1. Հետևյալ հնչյուններից տարբեր դասավորություններով կազմեք տարբեր բառեր (կարելի է նաև մեկ հնչյունը երկու անգամ գործածել):

Մ, ա, դ, ր/ ա, կ, խ/ ն, շ, ու/ հ, մ, ա/ ա, ս,  թ/ ռ, տ, ա:

Օրինակ՝ ռ, տ, ա- տառ, առատ

3.Կազմի՛ր նոր բառեր` բառամիջում ավելացնելով մեկ հնչյուն:

Կակաչ, կաթ, խիտ, ծոծրակ, վարկ, հաց, կակաչ, ծածկ:

4.Տրված բառերի մեջ նոր հնչյուն ավելացնելով կազմի՛ր նորբառեր` արագ, այլ, կլոր, ախտ, թոռ, շատ, շուն, արոտ, նուշ, ուր, լուր, ուլիկ, ծուխ, իրան, աղ:

  1. Շուշանիկ բառի հնչյուններով կազմի՛ր նոր բառեր:

6.Սուր բառի առաջին հնչյունը փոխելով` ստացի՛ր նոր բառեր:

Օրինակ` հուր, մուր…

Սեպտեմբերի 7

5-1 դասարան` Ամառային ընթերցանությունը` խաղերով. յուրաքանչյուր խումբ մշակում է իր ստեղծած խաղի կանոնները, ընտրում հարցերը:

5-3 դասարան`

  1. Դու էլ փորձի՛ր նկար-նամակ ուղարկել Թաֆիին և համոզի՛ր, որ գրել-կարդալ սովորի:
  2. Ռադիոնյութի պատրաստում` Մեր նորեկները

Սեպտեմբերի 6

Ռեդյարդ Քիփլինգ «Թե ինչպես գրվեց առաջին նամակը»

Բանավոր`

  1. Քո բառերով և հակիրճ վերարտադրի՛ր տեքստի բովանդակությունը:
  2. Քո կարծիքով ո՞րն է այս պատմության ամենազվարճալի հատվածը:

Գրավոր`

Գրի՛ր շարադրություն՝ պատմելով քո զվարճալի օրերից մեկի մասին: Մտքերդ շարադրիր անմիջական, անկեղծ, հետաքրքիր ու պատկերավոր: Ինքդ վերնագրի՛ր պատումդ:

Սեպտեմբերի 5

Ռեդյարդ Քիփլինգ «Թե ինչպես գրվեց առաջին նամակը»

Հարցեր և առաջադրանքներ

  1. Բացատրի՛ր հետևյալ բառերը՝ մղոն, բերանքսիվայր: Կարող ես օգտվել բառարանից: Եթե ստեղծագործության մեջ կային այլ բառեր, որոնք չես հասկացել, դո՛ւրս գրիր, ապա բառարանի օգնությամբ բացատրի՛ր:
  2. Գրի՛ր ճանապարհ, քարանձավ, դուստր բառերի հոմանիշները:
  3. Տեքստից դուրս գրի՛ր գրությամբ և արտասանությամբ տարբերվող տասը բառ:

Լրացուցիչ առաջադրանքներ

  1. Համացանցից, այլ աղբյուրներից գտի՛ր և հանի՛ր տեղեկություններ նամակի մասին. Ինչ ասել է նամակ, նամակների տեսակները, կառուցվածքը և այլն:

Սեպտեմբերի 4

1.Առցանց դաս՝ Ամառվա ամենահետաքրքիր գիրքը

2.Կարդալ Ռեդյարդ Քիփլինգի «Թե ինչպես գրվեց առաջին նամակը» ստեղծագործությունը

 

Реклама
%d такие блоггеры, как:
%d такие блоггеры, как: