Առաջադրանքներ. սեպտեմբեր-ապրիլ

Ապրիլի 21-24-ի անելիքները

Կարդա Աղայանի «Եղեգնուհին» հեքիաթի 5-րդ հատվածը և բլոգում կատարիր առաջադրանքները՝

1․Հատվածից դուրս գրիր անծանոթ բառերը և բառարանի օգնությամբ բացատրիր:
2․ Հատվածից դուրս գրիր Եղեգնուհուն նկարագրող նախադասությունները։
3․ Ինքդ կազմիր հարցեր և առաջադրանքներ հատվածի վերաբերյալ։

Գործնական քերականություն՝  Բ-Պ-Փ. բաղաձայնների ուղղագրությունը. կարդա, յուրացրու տեսական մասը, բլոգում կատարիր առաջադրանքները:

Ստեղծագործական-վերլուծական աշխատանք՝ Գրիր քո կարծիքը Աղայանի «Եղեգնուհին» հեքիաթի վերաբերյալ, բնութագրիր հերոսներին, ով ինչպիսի՞ն էր, ինչո՞ւ ես այդպես կարծում, հիմնավորիր: Ի՞նչ սովորեցիր այս հեքիաթից։ Ի՞նչն էր հետաքրքիր ու տպավորիչ և այլն: Նկարիր քո նախընտրած հերոսինկամ որևէ պատկեր հեքիաթից ու կցիր աշխատանքիդ: Աշխատանքդ տեղադրիր բլոգում:

Լրացուցիչ աշխատանք՝ Պատկերացրու, որ դու ես այս շաբաթվա Խոշորացույց TV-ի պատասխանատուն, ներկայացրու շաբաթվա  լուրերը քո կյանքի, երկրի, աշխարհի: Լուրերը ամենատարբեր կարող են լինել՝ ուրախ-տխուր, հումորային, հետաքրքիր ու անհետաքրքիր, զարմանալի ու անհավատալի և այլն: Աշխատանքդ ներկայացրու բլոգում տեսանյութի տեսքով, այդպիսին է Խոշորացույց TV-ի ձևաչափը: Ժամկետը մինչև հինգշաբթի:

Հիշեցում՝ շաբաթվա ընթացքում յուրաքանչյուր աշխատանք ավարտելուց հետո հղումն ուղարկեք ինձ:

Հիշեցում՝  Տեսադասի օրը՝ ուրբաթ, ժամը՝ 11։00։

Ապրիլի 20-24-ի ամփոփում-գնահատում. լրացրու ձևաթուղթը:

Ապրիլի 20

Սիրելի 5-2 դասարան, անցած շաբաթվա նախագիծը՝ Սովորողի բլոգին ներկայացվող պահանջների քննարկումն ընտանիքում, կատարել են միայն մի քանի սովորողներ: Հիշեցնում եմ, որ այս նախագիծը տնօրինության կողմից է, և պետք է ներառվի ձեր ավարտական փաթեթում: Այսօր ավարտեք և ուղարկեք: Ի՞նչ պետք է արվի՝

Այս ամենը կատարելու ընթացքը տեսանկարեք, ռադիոնյութ արեք կամ ուղղակի գրավոր պատմեք: Աշխատանքը տեղադրեք բլոգում և հղումն ուղարկեք ինձ: Կարող եք նայել ձեր ընկերների աշխատանքները կողմնորոշվելու համար՝Արեգ Պարսիլյան, ԱՆի Մինասյան, Նարեկ Սարոյան, Հովհաննես Գալիկյան, Արտյոմ Նիկոյան, Վիկտորյա Մինասյան:

Սպասում եմ, հարցերի դեպքում՝ գրեք:

Ապրիլի 13-17-ի ամփոփում.
Ինքնաստուգում-ինքնագնահատում. լրացրու ձևաթուղթը:

Հիշեցում՝ ընտանեկան նախագիծն ավարտեք՝ Բլոգին ներկայացվող պահանջների քննարկումը ընտանիքում:

Ձեր ընկերների աշխատանքները՝

Ապրիլի 16

Գործնական քերականություն՝ դ-տ-թ․ բաղաձայնների ուղղագրությունը.կարդա, սովորիր, բլոգում կատարիր առաջադրանքները:

Ապրիլի 15

Աղայանի «Եղեգնուհին» հեքիաթի 4-րդ հատվածից դուրս գրիր՝

1. 5 բառ, որ ունի երկու վանկ, օրինակ՝ կա-տու և 5 բառ, որ ունի երեք վանկ՝ օրինակ՝ մե-քե-նա:

2. Դուրս գրիր գրությամբ և արտասանությամբ տարբերվող բառեր, օրինակ՝ որդի- թ լսում ենք, դ գրում:

3. Բանավոր պատմիր 4-րդ հատվածը:

Ապրիլի 14

Սիրելի սովորողներ, կրթահամալիրում մեկնարկել է նոր ընտանեկան նախագիծ՝ Բլոգին ներկայացվող պահանջների քննարկումը ընտանիքում:
Ես ձեր դասարանի պատասխանատուն եմ: Հղումով մտեք, կարդացեք, եթե հարցեր առաջանան, գրեք:
Աշխատանքներն ավարտելուց հետո ուղարկեք ինձ:

Հիշեցում՝
Ձևաթուղթը լրացրել են Անին, Վիկտորյան, Լեոն, Արտյոմը, Կարապետը, Շիրինյան Գուրգենը, Թադեն, Հայկերը, Արմանը, Մարին, Նարինեն, Նարեկը, Անգելինան, Հովհանեսը, Մարկը: Ում անունը չկար, լրացնի, էլ չեմ հիշեցնելու:

Ապրիլի 13

Կարդա Աղայանի «Եղեգնուհին» հեքիաթի 4-րդ հատվածը և բլոգում կատարիր առաջադրանքները՝

1․Հատվածից դուրս գրիր անծանոթ բառերը և բառարանի օգնությամ բացատրիր:
2.Հատվածից դուրս գրիր եզակի թվով դրված 5 գոյական և դարձրու հոգնակի: Օրինակ՝ ձուկ-ձկներ, աղջիկ-աղջիկներ
3.  Հատվածից դուրս գրիր անձ և իր ցույց տվող գոյականներ։ Օրինակ՝
անձ ցույց տվող գոյականներ-աղջիկ, թագավոր, ․․․․
իր ցույց տվող գոյականներ- ծառ, փուշ,․․․
4․Այս հատվածում ինչը կփոխեիր և ինչո՞ւ:
5. Եթե դու լինեիր թագավորի փոխարեն, ի՞նչ կանեիր:
6. Վերնագրիր այս հատվածը:

Կարևոր․ ովքեր չեն լրացրել ձևաթուղթը, անպայման լրացնեն։

Հիշեցում՝  Տեսադասի օրը՝ ուրբաթ, ժամը՝ 10։00։

Ապրիլի 6-10-ի ամփոփում
Սիրելի սովորողներ, ձեր էլ հասցեներին էլ եմ ուղարկել այս ձևաթուղթը։ Անպայման կլրացնեք։

Ապրիլի 6

Կարդա Աղայանի «Եղեգնուհին» հեքիաթի 1-ին հատվածը և բլոգում կատարիր առաջադրանքները՝

  1. Բառարանի օգնությամբ բացատրիր եղեգնուտ, աներևույթ, անմատչելի բառերը։
  2. Պարզ նախադասություններով ներկայացրու 1-ին հատվածում նկարագրված դեպքերի հաջորդականությունը։
    ա) Մի թագավոր էր ապրում աշխարհում։
    բ) Որոշեց որդուն ամուսնացնել։
    գ) ….. և այլն։
  3.  Վերնագրիր  հատվածը։

Ապրիլի 7

Կարդա Աղայանի «Եղեգնուհին» հեքիաթի 2-րդ հատվածը և բլոգում կատարիր առաջադրանքները՝

  1. Դուրս գրիր անծանոթ բառերը և բացատրիր։
  2.  Վերնագրիր  հատվածը։
  3. Հատվածում գտիր հականիշ բառերով նախադասությունը և դուրս գրիր։
  4. Շարունակիր նախադասությունները՝
  • Աղջիկը լողալ չգիտեր, բայց…:
  • Տղան ուզում էր այնպիսի աղջիկ, որ…:
  • Բարին հաղթում է չարին, որովհետև…:

Ապրիլի 9

Կարդա Աղայանի «Եղեգնուհին» հեքիաթի 3-րդ հատվածը և բլոգում կատարիր առաջադրանքները՝

  1. Բացատրիր ուռկան, սաթ, խորշել, ընծա, ննջել բառերը:
  2. Ի՞նչ է նշանակում բախտը փորձել դարձվածքը:
  3. Գրիր այլ դարձվածքներ բախտ բառով:
  4. Վերնագրիր հատվածը:

Ընտանեկան նախագիծ՝ ընտանեկան ընթերցարան. դերերի բաժանում, դերերով ընթերցում (հայրիկ, մայրիկ, քույր-եղբայր․․․) տեսագրում, բլոգում հրապարակում…

Ապրիլի 8-ին՝ մայրենիի ֆլեշմոբ

Ապրիլի 10-ին՝ 10:00- դաս-տեսազանգով․ ֆլեշմոբյան առաջադրանքների քննարկում

«Էդիտ Պրինտ»-ի կողմից՝ ստեղծագործական մրցույթ

Մարտի 30-ապրիլի 3

Ընտանեկան նախագծեր՝

  • Քանի որ տանն ենք ընտանիքով, Վաճառականի խիղճը  պատմվածքը կարդա կամ պատմիր ընտանիքիդ անդամների համար, ապա միասին քննարկեք։ Իրենք ի՞նչ են մտածում վաճառականի ու գործակատարի մասին, համաձա՞յն են գործակատարի հետևյալ մտքին՝ երբ որ մի մարդ խիղճ չունի, նա մեռածի հաշվում է։
    Ապա ընտանեկան քննարկումդ (կարող է նաև հարցազրույց լինել) բլոգումդ ներկայացրու տեսանյութի, ռադիոնյութի կամ պատումի տեսքով։
  • Հավես ընտանեկան նախագիծ է առաջարկում Արտյոմ Նիկոյանը:

Ապրիլի 3-ին՝ ժամը 13:00-ին
Դաս-տեսազանգով- գործնական քերականության առաջադրանքների  քննարկում
Վաճառականի խիղճը  պատմվածքի քննարկում։

Մարտի 23-27. ուսումնական գարուն

Ընթերցանություն

Կարդում եմ և առաջարկում եմ կարդալ՝ պատմիր կարդացածդ գրքի (գրքերի) մասին: Ես առաջարկում եմ կարդալ հետևյալ գրքերից, ընտրիր ու կարդա այն գիրքը կամ գրքերը, որը դեռ չես կարդացել, նաև  կարող ես այլ գիրք ընտրել…

Աշխատանքի ներկայացման ձևը՝ տեսանյութ, ռադիոնյութ կամ պատում, ընտրությունը ձերն է։
Աշխատանքը ներկայացնել բլոգում։

Ինքնամեկուսացման այս շրջանում առաջարկում եմ՝ 

  1. Առաջարկում եմ դիտել՝ պատմիր  տեսածդ ամենահետաքրքիր ֆիլմի կամ մուլտֆիլմի մասին
  2. Ճամփորդում ենք․ առցանց ճամփորդություն վիրտուալ թանգարաններում. Հանրապետությունում մեկնարկելու է «Տնից թանգարան» ծրագիրը
  3. Նազելի Տեր-Պետրոսյանն առաջարկում է ՝«5 բան, որով կարելի է զբաղվել ինքնամեկուսացման ժամանակ», կարդա, կարող է օգտակար լինել, իսկ ինչ կառաջարկես դու, փորձիր մի այսպիսի փաթեթ հավաքել:
  4. Անհատական նախագծեր (դուք որոշեք, միասին կքննարկենք)

Սիրելի սովորողներ, այս փաթեթից պարտադիր է միայն ընթերցանությունը, իսկ մնացածը տանը մնալու այս օրերը արդյունավետ կազմակերպելու համար առաջարկներ են։ Մաղթում եմ ուրախ արձակուրդ։

Հարցերի դեպքում՝ գրեք։

Սիրով՝ ընկեր Մարինե

 

Մարտի 20

Սիրելի սովորողներ, ես նայել եմ “ու” ձայնավորի հնչյունափոխությանը վերաբերող հարցաշարի արդյունքները, հիմնականում ճիշտ եք գրել, միակ թերությունը, երբ դժվարացել եք կողմորոշվել՝ ու-ն դառնում է գաղտնավանկի ը, թե սղվում է։ Ուղարկում եմ այդ հարցաշարն իր պատասխաններով, ներբեռնեք, նայեք, թե ինչում եք դժվարացել, ինչպես նաև կարող ես դիտել տեսանյութ այդ թեմայի վերաբերյալ։

Լրացուցիչ նյութեր, առաջադրանքներ

  • Ընթերցելու՝

Ինչպես է ծնվել Պեպոյի երգը
Իմ գրական կնքահայրը
Եղիշե Չարենցն ամաչեց հացից

  • Ինքդ փորձիր գտնել հետաքրքիր նյութեր, պատմություններ Չարենցի մասին և տեղադրիր քո բլոգում։

Մարտի 19

Սիրելիներս, կեցցեք, շատ լավ եք աշխատել Չարենցի ստեղծագործությունների շուրջ: Մտածում եմ, որ ձեր կազմած բառարաններով ու հարցադրումներով գիրքը կազմելիս հետաքրքիր կլինի, որ ընդգրկենք նաև նույն բանաստեղծության ռադիոնյութը կամ տեսանյութը: Այսօրվա աշխատանքը դա է լինելու:

  • Եղիշե Չարենցից քո ընտրած բանաստեղծությունը բերանացի սովորիր, ապա արտահայտիչ արտասանիր ու պատրաստիր տեսանյութ կամ ռադիոնյութ։ Աշխատանքդ տեղադրիր բլոգում։

Մարտի 18

Գործնական քերականություն. հնչյունափոխություն

Հիշեցում՝
Երբ բառի վերջից վանկ կամ վանկեր են ավելանում, որոշ ձայնավորներ և երկհնչյուններ փոփոխության են ենթարկվում: Օրինակ՝ վեճ-վիճաբանություն, սուր-սրել, գույն-գունավոր:
Նկատելի է, որ վեճ բառի ե-ն դարձել է ի, սուր բառի ու-ն՝ ը, իսկ ույ երկհնչյունը՝ ու: Այս երևույթը կոչվում է հնչյունափոխություն:

ու ձայնավորի հնչյունափոխությունը․ կատարիր առաջադրանքները, վերջում սեղմիր ուղարկել կոճակը։

Հարցերի դեպքում՝ գրեք։
Սիրով՝ ընկեր Մարինե

Մարտի 17

Եղիշե Չարենցից քո ընտրած բանաստեղծության վերաբերյալ կազմիր հարցեր և առաջադրանքներ (ինչքան՝ կարող ես, ամենաքիչը՝ 3 հարց)։ Աշխատանքդ տեղադրիր բլոգում։ Բանաստեղծությունը սովորիր շատ լավ, արտահայտիչ կարդալ, համարյա բերանացի։

Այս հղումով կարող ես տեսնել քո և քո ընկերների մարտի 16-ի աշխատանքները, ովքեր չէին կատարել, այսօր լրացնեն բաց թողածը։ Հուսով եմ՝ անծանոթ բառերը սովորել եք։

***

Սիրելի սովորողներ, նորից անցնում ենք հեռավար ուսուցման։ Այս անգամ հեռավար ուսուցման արդյունքում փորձելու ենք ստեղծել մի գրքույկ՝ Չարենցից ձեր ընտրած բանաստեղծություններով՝ իրենց բառարանով, հարցերով ու առաջադրանքներով, նկարազարդումներով ու տեսա-ձայնանյութերով։ Գրքույկում ընդգրկվելու են ամենահետաքրքիր ու հավեսով աշխատանքները։ Հարցերի դեպքում՝ գրեք, ինչպես նաև աշխատանքներն ուղարկեք ինձ։ Ամեն օրվա համար նախատեսված աշխատանքը կտեղադրեմ փաթեթում։ Այսօր մարտի 16-ն է։ Սպասում եմ ձեր աշխատանքներին։

Մարտի 16

Կարդա և ընտրիր Եղիշե Չարենցի բանաստեղծություններից մեկը, ապա քո ընտրած բանաստեղծությունից դուրս գրիր ոչ միայն քեզ անծանոթ բառերը, այլ նաև այն բառերը, որոնք քիչ գործածական են և կարող են անծանոթ լինել շատերին։ Բառարանների օգնությամբ բացատրիր այդ բառերը։ Բանաստեղծության հետ միասին բլոգումդ տեղադրիր նաև բառերն իրենց բացատրություններով։

Նորից կարդա բանաստեղծությունը, ինչպես կնկարազարդեիր, համակարգչային որևէ ծրագրով նկարիր և կցիր-ավելացրու բանաստեղծությանը։

Բանաստեղծություններն ընտրելիս կարող ես օգտվել հետևյալ էջերից՝

Մարտի 12

Մասնակցիր ֆլեշմոբին՝ 4-5-րդ դասարաններ

Շաբաթվա բանաստեղծությունը՝ Ես իմ անուշ Հայաստանի

Մարտի 11

Շաբաթվա բանաստեղծությունը՝ Ես իմ անուշ Հայաստանի

Թիմային աշխատանք՝արնանման, լուսե, հազարամյա, երկաթագիր, աշխարհ բառերը բաժանեք բաղադրիչների, ապա յուրաքանչյուր բաղադրիչով կազմեք նոր բառեր:

Մարտի 10

Կարդում ենք Եղիշե Չարենց

Աշխատանք փուլերով

1 փուլ. Համացանցից գտնել տեղեկություն այն մասին, թե ինչու և ինչպես է բանաստեղծ Եղիշե Սողոմոնյանը կոչվել Եղիշե Չարենց:
2 փուլ. Տեղեկությունը կարդալ, հասկանալ և գրավոր պատմել, փոխադրել:
3 փուլ. Աշխատանքը տեղադրել բլոգում, անպայման վերնագրել և կցել Չարենցի նկարներից մեկը:

Լրացուցիչ աշխատանք՝ Չարենցի անվան մասին վարկածները ներկայացնել ռադիոնյութով կամ տեսանյութով:

Մարտի 9

Է(ե) ձայնավորի հնչյունափոխությունը

1.Համեմատիր դեմ-դիմաց գրված բառերը և ցույց տուր, թե հնչյունական ինչ փոփոխություններ են տեղի ունեցել.

Հովհաննես-Հովհաննիսյան, անեծք-անիծել, դեմ-դիմանկար, վրեժ-վրիժառու, վեպ-վիպասան

2. Տրված բաղադրիչները միացնելով բառեր կազմիր, ուշադրություն դարձրու հնչյունափոխությանը: Օրինակ՝ կես+ա+դեմ-կիսադեմ

Ծաղիկ+ա+ձոր, շեկ+ա+հեր, վեմ+ա+փոր, մեգ+ա+պատ, գես+աստղ, սեր+առատ, հանդես+ություն, պատվեր+ա+տու, բնագետ+ություն, հրավեր+ա+տոմս:

3. Վեճ, նվեր, տեր, մեջ, գեր արմատներից 2-ական բառ կազմիր այնպես, որ տեղի ունենա հնչյունի փոփոխություն:

4. Հետևյալ բառերից փակագծերում տրված բառերի և մասնիկների օգնությամբ կազմիր նոր բառեր՝ ենթարկելով անհրաժեշտ հնչյունափոխության:

Գեր (անալ), կես (ատ), հայրենասեր (ություն), մեգ (ապատ), էշ (ատեր), պարտեզ (պան), զեն (ակիր), հրավեր (ատոմս), էշ (այծյամ), գրագետ (ություն), տեր (անալ), վեպ (ագիր):

5. Գտիր հետևյալ բառերի հնչյունափոխված մասը և վերականգնիր անհնչյունափոխ ձևերը՝

դիզել, կիսամուշտակ, վիպական, իջևանել, պատվիրել, սիրալիր, իջվածք, տիրական, սիզավետ, զինել:

Մարտի 2-6. առցանց ուսուցման շաբաթ

Սիրելի սովորողներ, այս շաբաթ, ինչպես գիտեք, աշխատելու ենք առցանց։ Ուղարկում եմ շաբաթվա համար նախատեսված աշխատանքները։ Բոլոր աշխատանքները պետք է տեղադրել բլոգում։ Օրվա առաջադրանքը կատարելուց, բլոգում տեղադրելուց հետո հղումն անպայման ուղարկեք ինձ, իսկ օրվա ընթացքում ստուգեք ձեր էլ. հասցեները պատասխան նամակը տեսնելու համար։

1.Ընտրիր տրված բանաստեղծություններից մեկը և պատրաստիր տեսանյութ կամ ռադիոնյութ՝

2. Ստեղծական աշխատանք. հորինիր ու երևակայիր, շարադրիր մտքերդ 10-15 նախադասությամբ հետևյալ թեմաներից մեկով՝

  • Թե ինչ եղավ երբ կորոնավիրուսը և գարունը հանդիպեցին…
  • Գիտե՞ք, որ գարուն է արդեն
  • Եթե գարունը …
  • Ինքդ վերնագիր ընտրիր:

3. Նոր թողարկումների շարք ընդդեմ կորոնավիրուսի՝ հակակորոնավիրուս ռադիո: Ինչպե՞ս պաշտպանվել կորոնավիրուսից. հիմա այդ թեմայով շատերն են խոսում, իսկ ինչ ես անում դու, քո ընտանիքը, փոխանցիր քո փորձը, օգնենք իրար, սովորենք ու սովորեցնենք: Աշխատանքը կարող ես ներկայացնել ոչ միայն ռադիոյի, այլ տեսանյութի կամ պատումի տեսքով:

4.Մտիր մեր կրթահամալիրի գլխավոր կայք՝ mskh.am, ընտրիր և կարդա որևէ նյութ, որը քեզ կհետաքրքրի, ապա գրիր կարծիքդ այդ նյութի վերաբերյալ՝ ի՞նչն էր հետաքրքիր, ինչո՞վ էր աչքի ընկնում նյութը, ի՞նչ սովորեցիր, ի՞նչ առաջարկ ունես: Կարծիքդ գրիր հիմնավորված:

5. Շուտով մարտի 8-ն է, մայրիկների տոնը: Գտիր քո մայրիկի անվան բացատրությունը, բլոգումդ պատմիր, պատմիր նաև այն մասին, թե ինչ է սիրում մայրիկը, ամենաշատը դու ինչով ես սիրում զբաղվել մայրիկի հետ և այլն, ապա մայրիկի անվան առաջին տառերով հորինիր ակրոստիքոս: Աշխատանքդ ձևավորիր, հղումն ուղարկիր մայրիկի էլ. հասցեին:

 

Հարցերի դեպքում՝ գրեք:

Սիրով՝ ընկեր Մարինե

Փետրվարի 26

 

Շաբաթվա բանաստեղծությունը՝ Վահան Տերյան «Գարունը այնքան ծաղիկ է վառել», սովորիր անգիր:

Հնչյունափոխություն

1.Գրի՛ր, թե ընդգծված արմատների մեջ ինչ փոփոխություն է կատարվել:

Կես-կիսատ, թիվ-թվանշան, տեր-տիրանալ, էջ-իջնել,ինձ-ընձուղտ, աղավնի-աղավնյակ, հուր-հրեղեն, հիսուն-հիսնամյա, առու-առվակ, մատյան –մատենագիր, կույտ-կուտակել:

2.Թաքնված բառերը գտի՛ր: Գրի՛ր` ինչ փոփոխություններ են կատարվել այդ բառերի հետ:

Լրաբեր, լրագիր, լրագրող, լրագրություն, լրագրավաճառ

Նվիրել. Նվիրատու, նվիրական, նվիրվել

Նրբազգաց, նրբամարմին, նրբանկատ, նրբորեն

Գունավոր, գունազարդ, գունավորել, գունատ, գունաթափ

Փետրվարի 25

Ինքնաստուգում

Շաբաթվա բանաստեղծությունը՝ Վահան Տերյան «Գարունը այնքան ծաղիկ է վառել»:

Փետրվարի 24

Շաբաթվա բանաստեղծությունը՝ Վահան Տերյան «Գարունը այնքան ծաղիկ է վառել», սովորիր շատ լավ կարդալ:

Հնչյունափոխություն

Երբ բառի վերջից վանկ կամ վանկեր են ավելանում, որոշ ձայնավորներ և երկհնչյուններ փոփոխության են ենթարկվում: Օրինակ՝ վեճ-վիճաբանություն, սուր-սրել, գույն-գունավոր:

Նկատելի է, որ վեճ բառի ե-ն դարձել է ի, սուր բառի ու-ն՝ ը, իսկ ույ երկհնչյունը՝ ու: Այս երևույթը կոչվում է հնչյունափոխություն:

Առաջադրանքներ՝

1.Համեմատիր դեմ-դիմաց գրված բառերը և ցույց տուր, թե հնչյունական ինչ փոփոխություններ են տեղի ունեցել.

Օրինակ՝ ջուր-ջրծաղիկ (ու-ն գաղտնավանկի ը)
ծաղիկ-ծաղկաման (ի-ն սղվել է)
համբույր-համբուրել (ույ-ու)

հին-հնամենի, բազուկ-բազկաթոռ, պատիժ-պատժել, ողջույն-ողջունել, աշխույժ-աշխուժություն, մատյան-մատենագիր, պարտեզ-պարտիզան, գլուխ-գլխավոր, էշ-իշամեղու:

2. Տրված բառերի վերջից բաղադրիչներ ավելացնելով՝ բառեր կազմիր այնպես, որ տեղի ունենա հնչյունափոխություն:

ա) բուրդ, սիրտ, կույր, ճահիճ, ալյուր, կեզ, ատամնաբույժ
բ) վիշտ, թույլ, ծնունդ, հաշիվ, արթուն, հույն, տույժ

 

Փետրվարի 21

«Մեր ուխտը»` անգիր:

Փետրվարի 21-ը՝ Փոքր ժողովուրդները և նրանց մայրենի լեզուն.
Մայրենի լեզվի տոն.  կարդա և իմացիր, թե ինչպես և ինչու է փետրվարի 21-ը Մայրենի լեզվի միջազգային օր համարվում։

Թեստեր Թումանյանի կյանքի և ստեղծագործությունների վերաբերյալ՝

Փորձիր ինքդ կազմել 3 պատասխանով հարցեր՝ նմանատիպ թեստ կազմելու համար: Հարցերն ուղարկիր ինձ:

Փետրվարի 19

Շաբաթվա բանաստեղծությունը՝ «Մեր ուխտը», սովորիր անգիր:

Ընտրիր և կարդա Թումանյանի պատմվածքներից և լեգենդներից՝

Պատմվածքներ

Լեգենդներ

Փետրվարի 18

Շաբաթվա բանաստեղծությունը՝ «Մեր ուխտը», սովորիր անգիր:

Գործնական աշխատանք

Ուղղիր սխալները.

Հանձինս Թումանյանի` մենք ունենք ազգային մեծ բանաստեղծ: Թումանյանը ստեղծագործել է դեռ դպրոցական տարիներից, երբ առաջին անգամ սիրահարվել է իր դասընկերուհու վրա` գրելով`
-Հոգո՛ւս հատոր,
Սրտի՛ս կտոր,
Դասիս համար,
Դու մի՛ հոգար…
Փոքրիկ Հովհաննեսը հաճախ էր թողնում դասերը, փախնում իր սիրած վայրերը… Թումանյանի թանգարանը գտնվում է Մոսկովյան փողոցում:Թումանյանի թանգարանում կարելի է նրան տեսնել էլեկտրոնային ձևով` ակնոցները աչքին, գլխարկը` գլխին, ձեռնափայտը` ձեռքին: Բազմիցս անգամ նա գրել է իր մայրիկի, հայրիկի, իր մանկության մասին: Թումանյանն ուներ տաս հատ երեխա, որոնց տարբեր խորհուրդներ էր տալիս: Կարևորում էր տան կարգ ու կանոնը` ասելով, որ մաքրությունը դա առողջության հիմքն է: Չէր սիրում, երբ տեսնում էր սենյակում որևէ ավելնորդ իր: Ազգը հպարտանում են Թումանյանով:

Փետրվարի 17

Շաբաթվա բանաստեղծությունը՝ «Մեր ուխտը», կարդա, սովորիր արտահայտիչ կարդալ, դուրս գրիր անծանոթ բառերն ու բացատրիր:

Փետրվարի 14

Կարդա, վերհիշիր Թումանյանի Ինքնակենսագրությունը, համացանցից գտիր Թումանյանի մասին, նրա հետ կապված այնպիսի պատմություն, որը չենք կարդացել:

Փետրվարի 13

Մասնակցիր ֆլեշմոբին՝ 4-5-րդ դասարաններ

Շաբաթվա անգիրը՝ քո ընտրած բանաստեղծությունը:

Փետրվարի 12
Արմատ և ածանց. կարդա, կատարիր առաջադրանքները:
Փետրվարի 11
Քո ընտրած բանաստեղծությունն արտահայտիչ կարդա, պատրաստիր տեսանյութ կամ ռադիոնյութ, տեղադրիր բլոգում:
Շաբաթվա անգիրը՝ քո ընտրած բանաստեղծությունը:
Փետրվարի 10

 Թումանյանից ընտրած քո բանաստեղծությունը նորից կարդա, ապա մեկնաբանիր՝ պատասխանելով այս հարցադրումներին՝

Ինչո՞ւ ընտրեցիր հենց այդ բանաստեղծությունը:

Ի՞նչ ես զգում, տեսնում և լսում բանաստեղծությունը կարդալիս:

Ի՞նչ ես մտածում և հիշում բանաստեղծությունը կարդալիս:

Ինչպե՞ս կվերնագրեիր բանաստեղծությունը:

Փետրվարի 7
Այսօր Մխիթար Սեբաստացու օրն է: Ի պատիվ նրա այսօր կարդում ենք բառարաններ:
Օրվա աշխատանքը՝
  •  դուրս գրիր քեզ ծանոթ 5 դարձվածք իրենք բացատրություններով
  •  դուրս գրիր 5 դարձվածք, որ ընդհանրապես չես լսել:
  • կամ ուղղակի դուրս գրիր քեզ համար հետաքրքիր դարձվածքներ

Հանգստյան օրերին՝

  • Ընտրիր Թումանյանի բանաստեղծություններից մեկը, որն ամենաշատը քեզ դուր կգա, սովորիր արտահայտիչ կարդալ, բանաստեղծությունը տեղադրիր բլոգում:
  • Իմ երգը.  բանաստեղծությունը՝ անգիր :

Փետրվարի 6

Իմ երգը. կատարիր 1-4-րդ առաջադրանքները, բանաստեղծությունը սովորիր անգիր :

Փետրվարի 5

Բառերի տեսակները ըստ կազմության. նորից կարդա տեսական մասը, հասկացիր, մտապահիր, ապա կատարիր 1-ին և 2-րդ առաջադրանքները:

Շաբաթվա անգիրը՝ «Իմ երգը» բանաստեղծությունը:

Փետրվարի 4

Գործնական աշխատանք՝ 5-րդ դասարան , ավարտիր առաջադրանքները:

  • Կրկնողություն. կարդա, վերհիշիր, մտապահիր
    Բառերն ըստ կազմության լինում են՝ պարզ, բարդ, ածանցավոր և բարդ ածանցավոր:
    Պարզ են միայն մեկ արմատից կազմված բառերը՝ մարդ, տուն, սեղան…
    Բարդ են երկու և ավելի արմատից կազմված բառերը՝ տոմսարկղ, արևածաղիկ…
    Ածանցավոր են մեկ արմատից և մեկ կամ ավելի ածանցից կազմված բառերը՝ անվախ, ուրախություն…
    Բարդ ածանցավոր են մեկից ավելի արմատներից և առնվազն մեկ ածանցից կազմված բառերը՝ մայրաքաղաքային, կարգապահություն…

Շաբաթվա անգիրը՝ «Իմ երգը» բանաստեղծությունը:

Փետրվարի 3

Մինչև շաբաթվա վերջ անգիր սովորիր  «Իմ երգը» բանաստեղծությունը:

Ներբեռնիր 5-րդ դասարան ֆայլը և կատարիր 1-5-րդ առաջադրանքները:

Հունվարի 30-31

 

Ի՞նչ է հեքիաթը, ի՞նչ գիտես հեքիաթի մասին, քանի՞ տեսակ են լինում հեքիաթները, ինչպե՞ս են սկսվում և վերջանում հեքիաթները: Համացանցից գտիր հեքիաթի մասին, կարդա, ապա բլոգումդ համառոտ ներկայացրու:

Շարունակում ենք կարդալ ու պատմել սովորել Թումանյանի թարգմանած հեքիաթներից մեկը:

Շատ լավ, արտահայտիչ կարդալ սովորիր Թումանյանի «Իմ երգը» բանաստեղծությունը:

Հունվարի 29

Վաղը շարունակելու ենք հեքիաթ պատմել:
Ուշադիր եղեք՝ պետք է ընտրել Թումանյանի թարգմանած հեքիաթներից:

Հունվարի 24

Ընտրիր Թումանյանի թարգմանած հեքիաթներից մեկը, կարդա, սովորիր պատմել այնպես, որ կարողանաս դասարանում պատմել:
Մյուս շաբաթվա մեջ «Հեքիաթասացի օր» է լինելու:

Հունվարի 22-23

Գործնական աշխատանք
Կարդա տեքստերը, կատարիր առաջադրանքները

Հունվարի 20-21

Կարդա «Որոտ թագավորը» հեքիաթը, սովորիր պատմել:

Պատրաստիր ռադիոնյութ՝ ընտրելով հետևյալ թեմաներից մեկը՝

  1. Ձմռան, ձյան մասին
  2. Հունվար ամսվա, ամսանվան մասին
  3. Ի՞նչ անենք, որ ձմռանը չհիվանդանանք. մարզումների, սպորտի և այլնի մասին
  4. Քո ուզած թեմայով

Ռադիոնյութը տեղադրիր բլոգում:

Հունվարի 17

Հանգստյան օրերի ընթերցանություն

Կարդա Որոտ թագավորը հեքիաթը:

Հունվարի 16

Մասնակցիր ֆլեշմոբին՝ 4-5-րդ դասարան

Հունվարի 15

Ծանոթացեք Դիջիթեքի էջին, ձեր նյութերից ընտրեք այն նյութերը, որոնք ձեր կարծիքով կարող ենք ուղարկել մրցույթին՝ Հանրակրթական Դիջիթեք 2020. թվային ուսուցման միջոցներով ուսուցման նախագծերի և մեթոդների ստուգատես

Հունվարի 8-10

Ամփոփում ենք ուսումնական ձմեռը. լրացնել կիսատ-պռատ կատարած և չկատարած աշխատանքները:

Ուսումնական ձմեռ. դեկտեմբերի 20-հունվարի 8

Առցանց ուսուցում- Բլոգային աշխատանք

  1. Կարդում եմ և առաջարկում եմ կարդալ՝ պատմիր արձակուրդի օրերին կարդացածդ գրքի (գրքերի) մասին
  2. Առաջարկում եմ դիտել՝ պատմիր արձակուրդի օրերին  տեսածդ ամենահետաքրքիր ֆիլմի կամ մուլտֆիլմի մասին
  3. Ձմեռային ֆոտոպատում
    Ձմեռը իմ քաղաքում, իմ բակում, իմ գյուղում, իմ այգում, այլ երկրում … և այս ամենը իմ ֆոտոխցիկից: Լուսանկարիր ձմեռը. ամենաստացված, ամենաառանձնահատուկ նկարները հրապարակի՛ր բլոգումդ և պարտադիր գրի՛ր  մեկնաբանություն յուրաքանչյուր նկարի համար:

Դեկտեմբերի 18

Ֆիլմադիտում. քննարկում:

Դեկտեմբերի 16

Կարդացեք, կրկնեք
Հովհաննես Թումանյան

 

Հովհաննես Թումանյան

Կոմիտաս

 

Դեկտեմբերի 13

Շարադրել մտքերը Ամանորի մասին՝ ընտրելով վերնագրերից մեկը՝

  • Ես մտածում եմ, որ Ամանորը…
  • Եթե Ամանորին
  • Ի՞նչ կլիներ, եթե Ամանոր չլիներ…
  • Ինքդ վերնագիր մտածիր

Կարդացեք, կրկնեք
Հովհաննես Թումանյան

Դեկտեմբերի 12

Մասնակցիր ֆլեշմոբին՝ 4-5-րդ դասարաններ

Կրկնիր՝

Հովհաննես Թումանյան

Կոմիտաս

 

Դեկտեմբերի 11

Սուսան Մարկոսյանի Գործնական քերականություն՝ 5-րդ դասարան- գրքի վերջի ուղղագրական բառարանից հանիր այնպիսի բառեր, որոնք քո կարծիքով կապ ունեն Ամանորի հետ (15-20 բառ), ապա այդ բառերն օգտագործելով հորինիր մի պատմություն:

Դեկտեմբերի 10

Բլոգում պատմիր այսօրվա ճամփորդության մասին:

Դեկտեմբերի 9

Սիրելի սովորողներ, վաղը՝ դեկտեմբերի 10-ին, գնալու ենք Ավետիք Իսահակյանի տուն-թանգարան՝ մասնակցելու «Ի՞նչ է սովորեցնում առակը» կրթական ծրագրին: Գնալու ենք երրորդ դասաժամին,  վերադառնալու ենք 13:30: Ճանապարհածախսը, թանգարանում կրթական ծրագրին մասնակցելը  1000 դամ է:

 

Դեկտեմբերի 6
 Ավ. Իսահակյանի Ռավեննայում բանաստեղծությունը սովորիր անգիր:
Ընտրիր Իսահակյանի ստեղծագործություններից մեկը՝ Ռավեննայում , «Գետակի վրա»,  «Կյանքից թանկ բանը» , «Աշուն է, քամի», և պատրաստիր ռադիոնյութ կամ տեսանյութ: Աշխատանքդ տեղադրիր բլոգում:

Լրացուցիչ ընթերցանության նյութեր՝

Դեկտեմբերի 5
 Ավ. Իսահակյանի Ռավեննայում բանաստեղծությունը սովորիր անգիր:
Ինքնաստուգումը չէին ներկայացրել Անգելինան, Մարկը և Ալենը:

 

Դեկտեմբերի 4

Ինքնաստուգում

Տրված տեքստը համեմատիր դասարանում գրած քո տեքստի հետ: Գտիր այն բառերը, որոնք սխալ ես գրել, ուղղիր:

Կոմիտասի երազանքը

Էջմիածնի ճեմարանի երաժշտության ուսուցիչ Կոմիտասը երազում էր մեկնել Եվրոպա։ Նա ցանկանում էր բարձրագույն կրթություն ստանալ։ Բայց ո՞վ պիտի միջոցներ տրամադրեր։ Ո՞վ պիտի հոգար ուսման ծախսերը։ Միակ մարդը, որից կարելի էր օգնություն հուսալ, կաթողիկոս Խրիմյան Հայրիկն էր։ Վեհափառը մեծ մտքի և պայծառ հոգու տեր մարդ էր։ Նա գնահատում էր երիտասարդի բացառիկ ընդունակությունները։ Վեհափառը հայ մեծահարուստ Ալեքսանդր Մանթաշյանին խնդրեց լինել Կոմիտասի հովանավորը։ Համաձայնությունը կայացավ։ Քսանյոթ տարեկան Կոմիտասը գնաց իր երազանքի հետևից։

Դեկտեմբերի 2
Կարդա Ավ. Իսահակյանի Ռավեննայում բանաստեղծությունը, դուրս գրիր անծանոթ բառերն ու բառարանի օգնությամբ բացատրիր:
Նոյեմբերի 29
Կարդա Ավ. Իսահակյանի «Աշուն է, քամի» բանաստեղծությունը և կատարիր առաջադրանքները:
Լրացուցիչ աշխատանք՝
Համացանցից, այլ աղբյուրներից գտիր և կարդա Իսահակյանի մասին:
Նոյեմբերի 28

Կարդա Ավ. Իսահակյանի «Գետակի վրա» բանաստեղծությունը և կատարիր բանաստեղծությունից հետո տրված առաջադրանքներից ՝ 1-ին, 2-րդ և 3-րդ առաջադրանքները:

Նոյեմբերի 27

Շարադրել մտքերը հետևյալ թեմաներից մեկով.

  • Ես մտածում եմ, որ ազատությունը…
  • Կյանքից թանկ բանն ինձ համար
  • Ես ազատ եմ, որովհետև…
  • Իմ կարծիքը Ավ. Իսահակյանի «Կյանքից թանկ բանը» առակի վերաբերյալ

Մտքերը շարադրելիս.

  • մտքերը շարադրել մանրամասն
  • թեման ներկայացնել ամբողջական
  • գրել անկեղծ, անմիջական ու հետաքրքիր
Նոյեմբերի 26
 Նորից կարդա Ավ. Իսահակյանի «Կյանքից թանկ բանը»  առակը և կատարիր առաջադրանքները:
Նոյեմբերի 25
 Ավ. Իսահակյանի «Կյանքից թանկ բանը»  առակը:
Սովորիր դերերով ընթերցել:
Կազմիր հարցեր և առաջադրանքներ առակի վերաբերյալ:

Նոյեմբերի 22

Գործնական քերականություն
Դարձվածքներ. ավարտիր  առաջադրանքները

Ընթերցանություն՝
Կարդա Ավ. Իսահակյանի «Կյանքից թանկ բանը»  առակը, դուրս գրիր անծանոթ բառերը, բացատրիր բառարանի օգնությամբ և սովորիր:

Նոյեմբերի 21

Գործնական քերականություն
Դարձվածքներ. կատարիր 1-ին և 2-րդ առաջադրանքները

Լրացուցիչ նյութեր դարձվածքի մասին

Նոյեմբերի 20
Երգի հրապույրը, պատասխանիր պատմվածքից հետո տրված հարցերին:
Նոյեմբերի 19
Կարդա պատմվածքի շարունակությունը՝ Երգի հրապույրը,  դուրս գրի՛ր անծանոթ բառերն ու  բառարանի օգնությամբ բացատրի՛ր:

Նոյեմբերի 18

Հատվածը փոխադրիր (համառոտ), ապա շարունակիր պատմությունը: 

Մեզանից հազարավոր տարիներ առաջ, մեզնից շատ ու շատ հեռու՝ յոթ ծովերի մյուս ափում, կար մի աշխարհ: Այնտեղ ծաղիկներ կային, չքնաղ ու բյուրազան ծաղիկներ՝ թիթեռների պես փռված ու թրթռուն՝ ժայռերի ու դաշտերի վրա, և նրանց անուշ հոտով լցվել էին այդ աշխարհի սարերն ու ձորերը: Այնտեղ աղբյուրներ կային, պայծառ ու կարկաչուն աղբյուրներ՝ մանուկների պես, որ թռչկոտում էին քարից քար՝ ծաղիկները համբուրելով: Բայց այնտեղ մարդիկ չար էին ու անգութ: Մի որբ ու աղքատ մանուկ էր ապրում այդ մարդկանց մեջ. գիշերը տեղ չուներ գլուխը դնելու և հաց չուներ ուտելու: Նա մենակ էր, ինչպես մի թռչուն՝ ամայի ժայռերի մեջ: Եվ նա մեծացավ բոլորի աչքի առջև՝ անտես ու անհայտ. կերակրվում էր դաշտի բույսերով և պատսպարվում էր անձավների մեջ: Բայց, բոլոր մարդկանցից ծածուկ, իր մատներով շոշափում էր ու զննում մարդկանց սրտերը և տեսնում էր, որ քարից էին այդ սրտերը՝ քար ու ապառաժից: Ու երբ պատանի դարձավ, թողեց այդ քարսիրտ աշխարհը և ճամփա ընկավ մի ուրիշ, մի լավ աշխարհ գտնելու համար:

Նոյեմբերի 15

Բլոգում պատմիր այսօրվա ճամփորդության մասին:

Նոյեմբերի 14

Մասնակցիր հայոց լեզվի ֆլեշմոբին՝ 4-5-րդ դասարաններ

Վաղը մայրենի լեզվի և բնագիտության դասաժամերն անցկացնելու ենք  «Էրեբունի» պատմահնագիտական արգելոց-թանգարանում:

Առաջադրանք՝
Համացանցից և այլ աղբյուրներից օգտվելով՝ գտիր «Էրեբունի» բառի անվան ստուգաբանությունը, բացատրությունը, ապա տեսանյութով կամ ռադիոնյութով պատմիր այդ մասին: Հետաքրքիր ներկայացված աշխատանքները կտեղադրվեն կայքում:

Թեստ՝ Էրեբունի-Երևան

Նոյեմբերի 13

Գործնական քերականություն
Հականիշ բառեր. առաջադրանքներ

Նոյեմբերի 12

Գործնական քերականություն
Հոմանիշ բառեր
Սուսան Մարկոսյանի Գործնական քերականություն գրքի հոմանիշ բաժինը, առ.` 48, 53, 54, 55:

Նոյեմբերի 11

Գործնական քերականություն
Հոմանիշ բառեր
Սուսան Մարկոսյանի Գործնական քերականություն գրքի հոմանիշ բաժինը, առ.` 44, 45, 47:

Նոյեմբերի 8

Դասարանում կարդացել և հասկացել ենք Սեբաստացու անխոնջ ընթերցանության ոճը:

Աշխատանք բլոգում` գրել շարադրություն «Իմ ընթերցանության ոճը»:

Նոյեմբերի 7

Կրկնել «Անդաստանը». անհատական հարցնելու եմ:

Նոյեմբերի 6

Իմ կարդացած գիրքը. այս հղումով կարող եք տեսնել, թե ինչ գրքեր են կարդացել 4-5-րդ դասարանցիները աշնանային արձակուրդներին: Նայեք, ընտրեք, կարդացեք, առանձնացրեք այն գրքերը, որոնք դուք էլ կցանկանայիք կարդալ:

Նոյեմբերի 5

Բլոգում գրավոր, 7-10 նախադասությամբ փոխադրիր (պատմիր) Մխիթար Սեբաստացու մասին: Համացանցից ընտրիր Սեբաստացու նկարներից մեկը և կցիր քո նյութին:

Օգտակար հղումներ՝

Նոյեմբերի 4

  • Հոկտեմբերի ինքնաստուգման քննարկում
  • Կարդում եմ և առաջարկում եմ կարդալ. ովքեր իրենց կարդացած գրքերի մասին չեն տեղադրել բլոգում, գրում են և տեղադրում:
  • Սեբաստացու օրեր. կրթահամալիրի տոն. համացանցից, այլ աղբյուրներից գտնել և կարդալ Մխիթար Սեբաստացու մասին: Կարողանալ պատմել, ներկայացնել կարդացածը:

Ուսումնական աշուն. հոկտեմբերի 28-նոյեմբերի 3

  1. Թարգմանական նախագիծ. շարունակում ենք թարգմանել:
  2. Նախագիծ՝ Կարդում եմ և առաջարկում եմ կարդալ. Մայր դպրոցի գրադարանից գրադարանավարի օգնությամբ ընտրիր որևէ գիրք (գրքեր կարող ես ընտրել ոչ միայն Մայր դպրոցի գրադարանից, այլ քո նախընտրած գրադարանից)  և կարդա, կարդացածդ գրքի (գրքերի)  մասին պատմիր բլոգում:
  3. Դանիել Վարուժանի «Անդաստանը» կրկնել, կարողանալ շատ լավ և արտահայտիչ արտասանել:
  4. Սասունցի Դավիթ.  կրկնիր հետևյալ հատվածները, կարողանալ շատ լավ և արտահայտիչ արտասանել:

Հոկտեմբերի 24

Դանիել Վարուժան «Անդաստան».

Գործնական աշխատանք
Գրիր բաց թողնված բաղաձայնները:

Գա-րիել, դար-ին, եր-, ի-րև, խա-ել, Հակո-, համ-երել, համ-ույր, փր-ուր, սուր-, ուր-աթ, Քերո-, աղ-անոց, ցայտաղ-յուր, եղ-այր, ավա-, կողպե-, եր-, զու-ել, թա-ավոր, թար-մանել, կարա-, հո-նակի, մար-արիտ, ար-ար, ար-են, ար-յոք, ար-յունք, որ- (ճիճու), որ- (խաղողի վազ), օրիոր-, գնոր-, ժողովուր-, ըն-ամենը, ըն-հակառակը, փար-ամ, ըն-հանուր, ըն-ունակ,
ըն-ունել, ասացվա-ք, ընդար-ակ, գլուխկոն-ի, համար-ակ, բար-, թխվա-ք, բար-ր, խ-կել, հար-ակվել, փոր-, ամբող-, ա-ջիկ, ե-բայր:

Հոկտեմբերի 23

Մեկդ մյուսի թարգմանած նյութերը կարդացեք:

Հոկտեմբերի 22

Ինքնաստուգում

Հոկտեմբերի 21

Դանիել Վարուժան «Անդաստան». սովորիր շատ լավ ու արտահայտիչ արտասանել, նկարիր քեզ դուր եկած տունը:

Գործնական աշխատանք

Գրիր բաց թողնված ձայնավորները:

այժմ-ական, ան-ական, անպատ-հ, անվր-պ, դող-րոցք, ելև-ջ, երբև-, երբևից-, էլեկտրա-ներգիա, լայն-կրան, մանր-, վայր-ջք, տի-զերք, աման-րյա, ամեն-րյա, ան-գնական, ան-թևան, ան-րոշ, արծաթազ-ծ, մեղմ-րոր, մեղմ-րեն, նախ-րոք, ակ-նդետ, ակ-նթարթ, անակ-նկալ, ան-նդհատ, հյուր-նկալ, ճեպ-նթաց, մերթ-նդմերթ, նոր-նտիր, որոտ-նդոստ, սր-նթաց, ունկ-նդիր:

Հոկտեմբերի 18

Դանիել Վարուժան «Անդաստան». կարդա, կատարիր առաջադրանքները, բանաստեղծությունը սովորիր անգիր:

Հոկտեմբերի 17

Հայերենի ֆլեշմոբ . մասնակցիր:

Կարդա Կոմիտասի բանաստեղծություններից, ընտրիր մեկը, որը քեզ ամենաշատը դուր կգա, տեղադրիր բլոգում, ապա գրիր, թե ի՞նչ ես տեսնում, զգում, ի՞նչ մտքեր են ծնվում բանաստեղծությունը կարդալիս:

Հոկտեմբերի 16-26

Երեխաներ, այսօր մայրենիի ֆլեշմոբի օրն է, չմոռանաք մասնակցել:

Երեխաներ, ամեն տարի հոկտեմբերին նշվում է Թարգմանչաց տոնը, և մենք սկսում ենք թարգմանություններ կատարել: Տեքստը ընտրում ենք  այս կայքից, սակայն անպայման նայում ենք նախորդ տարիների սովորողների թարգմանածները, որ նույն նյութը չընտրեք: Ընտրեք ձեր իմացությանը համապատասխան նյութ, թարգմանեք, ռուսերեն տեքստի հետ ուղարկեք ինձ: Իմ ստուգելուց հետո նոր կտեղադրեք բլոգում:

Հոկտեմբերի 15

Գործնական քերականություն
Սուսան Մարկոսյանի Գործնական քերականություն՝ 5-րդ դասարան գրքից՝ էջ 12,  կատարել  33-րդ, 34-րդ, 35-րդ առաջադրանքները:

Անգիր սովորիր Կոմիտասի բանաստեղծությունը:

Հոկտեմբերի 14

Շատ լավ կարդալ սովորիր Կոմիտասի այս  բանաստեղծությունը, կատարիր բանաստեղծությունից հետո տրված առաջադրանքները:

Հոկտեմբերի 11

Կարդա Կոմիտասի մասին: 

7-10 նախադասությամբ քո բլոգում գրավոր փոխադրիր, այսինքն պատմիր Կոմիտասի մասին, հանկարծ copy-paste չանես, պատմում ես քո բառերով:
Համացանցից ընտրիր Կոմիտասի նկարներից մեկը և կցիր քո գրած նյութին:

Հոկտեմբերի 9

Դասարանում խոսել ենք «Հացը»  ստեղծագործության մասին և պատմել ենք  «Հացը»  ստեղծագործության հատվածները:

Տանը՝
Բլոգային աշխատանք՝ Հրանտ Մաթևոսյանի «Հացը»  ստեղծագործության մասին շարադրիր քո կարծիքը, ի՞նչ սովորեցիր, նկարագրիր և բնութագրիր հերոսներին՝ պատճառաբանելով ու հիմնավորելով ասածներդ:

Հոկտեմբերի 8

Կարդա՛ Հրանտ Մաթևոսյանի «Հացը» պատմվածքի չորրորդ հատվածը, կատարիր հատվածից հետո տրված առաջադրանքները:

Հոկտեմբերի 7

Հոկտեմբերի 1-ի ինքնաստուգումը չէին ներկայացրել Ալենը, Անգելինան, Ռուսլանը, Նարեն:

Կարդա՛ Հրանտ Մաթևոսյանի «Հացը» պատմվածքի երրորդ հատվածը, կատարիր հատվածից հետո տրված առաջադրանքները:

Հոկտեմբերի 4

Պատմիր ճամփորդության մասին։ Աշխատանքդ վերնագրիր, տեղադրիր բլոգում:

Ճամփորդության ֆոտոպատումը կարող եք տեսնել այստեղ։

Հոկտեմբերի 3

Նորից կարդա  շոկոլադի մասին։

1.Ի՞նչ նոր բառեր հանդիպեցին տեքստը կարդալիս։
2. Ի՞նչ իմացար շոկոլադի մասին։
3. Ստեղծագործական աշխատանք. գրիր շարադրություն «Շոկոլադի արկածները» վերնագրով։ Աշխատանքը կատարիր բլոգում։

Հոկտեմբերի 2

Համացանցից գտիր տեղեկություններ Աշտարակի Կարմրավոր, Ծիրանավոր և Սպիտակավոր եկեղեցիների մասին:
Կարդա, փորձիր քեզ համար հետաքրքիր հատվածները գրավոր փոխադրել բլոգում: 

Հոկտեմբերի 1

Ինքնաստուգում

Կարդա հետևյալ նյութերը՝

Սեպտեմբերի 30

Կարդա՛ Հրանտ Մաթևոսյանի «Հացը» պատմվածքի երկրորդ հատվածը, կատարիր հատվածից հետո տրված առաջադրանքները:

Սեպտեմբերի 26

Կարդա՛ Հրանտ Մաթևոսյանի «Հացը» պատմվածքի առաջին հատվածը, կատարիր հատվածից հետո տրված առաջադրանքները:

Սեպտեմբերի 25

Գործնական քերականություն. տառ և հնչյուն

1.Քանի՞ հնչյուն և քանի՞ տառ կա հետևյալ բառերից յուրաքանչյուրումարև, տասներկու, նաև, ևս,  գզգզել, անորակ, ճանապարհ,  որոգայթ, որոշել, չորս, մոտենալ

2. Ողկույզ բառի հնչյուններից յուրաքանչյուրով սկսվող բառեր գրիր:
3.Ծ, ձ, ղ, ճ, ջ, փ, ը հնչյուններով սկսվող բառեր գրիր:
4.
Այնպիսի բառեր գրիր, որոնցում միաժամանակ լինեն ղ և խ, ճ և ղ, ծ և ղ:

Ընթերցանություն

Կարդա՛ Հրանտ Մաթևոսյանի «Հացը» պատմվածքի առաջին հատվածը:

Սեպտեմբերի 24

Ռանչպարների կանչը:

  1. Պատմվածքից դուրս գրիր 5 բառ, որոնց հնչյուններն ու տառերը հավասար են:
  2. Պատմվածքից դուրս գրիր 5 բառ, որոնց հնչյունների քանակը շատ է տառերի քանակից:

Սեպտեմբերի 23

Գործնական քերականություն
Սուսան Մարկոսյանի Գործնական քերականություն՝ 5-րդ դասարան գրքից կատարել առաջադրանքներ  23, 24, հաջորդող տեքստը կարդալ:

Սեպտեմբերի 20

Ռանչպարների կանչը:

Բանավոր աշխատանք՝

  1. Ինչո՞ւ է դասատու Մելքոնը կարևոր նշանակություն տալիս հայոց այբուբենն անգիր իմանալուն:
  2. Այբուբենն անգիր սովորելու ի՞նչ ձև էր ընտրել ուսուցիչը:
  3. Գիտե՞ք այբուբենի տառերից կազմված ուրիշ ստեղծագործություններ:

Գրավոր աշխատանք՝

  1. Պատմվածքը բաժանիր հատվածների և վերնագրիր։
  2. Գտի՛ր և գրի՛ր  լեզվի մասին առածներ, սովորիր այդ առածները:

Սեպտեմբերի 19

Կարդա՛ Դաշտենցի «Ռանչպարների կանչը» վեպից այս հատվածը և կատարիր առաջադրանքները:

Կրկնողություն՝ Բառերն այբբենական կարգով դասավորի՛ր:

Դափնեվարդ, դժոխք, դաշույն, դողդոջուն, դադար, դարձյալ, դաղձ, դաշունահար, դողէրոցք, դդում, դյութել, դժվարըմբռնելի, դարպասապահ, դղրդյուն:

Սեպտեմբերի 18

Գործնական քերականություն

  1. Հետևյալ հնչյուններից բառեր կազմեցեք:

Ձ, ն, յ, ու / ր, գ, ի, ք/ ր, տ, ու, ց/ մ, ր, յ, ա/ ու, ր, յ, ք/ ա, լ, ր /    դ, ա, մ, ր/ ր, ու, ջ/ գ, կ, ի, ծ:
Օրինակ՝ ձ, ն, յ, ու- ձյուն

  1. Հետևյալ հնչյուններից տարբեր դասավորություններով կազմեք տարբեր բառեր (կարելի է նաև մեկ հնչյունը երկու անգամ գործածել):

Մ, ա, դ, ր/ ա, կ, խ/ ն, շ, ու/ հ, մ, ա/ ա, ս,  թ/ ռ, տ, ա:
Օրինակ՝ ռ, տ, ա- տառ, առատ

3.Կազմի՛ր նոր բառեր` բառամիջում ավելացնելով մեկ հնչյուն:

Կակաչ, կաթ, խիտ,  վարկ, հաց, ծածկ:

Կրկնողություն՝ Դասավորի՛ր բառերն ըստ այբուբենի հաջորդականության:

Խմորեղեն, րոպե, ալարկոտ, հրաժեշտ, նժույգ, գնդացիր, ստախոս, բազե:

Սեպտեմբերի 17

Ստեփան Զորյանի «Մի գիշեր անտառում» պատմվածքը

Տեքստային աշխատանք

  1. Ի՞նչ իմացար անտառի ու նրա բնակիչների մասին: Աշխատանքը կատարիր բլոգում:
  2. Պատմվածքը պատմիր Վահանենց Վանիի անունից  (բանավոր):

Սեպտեմբերի 16

Ստեփան Զորյանի «Մի գիշեր անտառում» պատմվածքը

Բառային աշխատանք

  1. Այբբենական կարգով դասավորիր պատմվածքի առաջին նախադասության բառերը:
  2. Պատմվածքից դուրս գրիր անծանոթ բառերն ու բացատրիր:
  3. Բացատրիր պատմվածքի մեջ ընդգծված բառերը:

Տեքստային աշխատանք

Պատմվածքը բաժանիր հատվածների, յուրաքանչյուր հատվածը վերնագրիր:

Սեպտեմբերի 13

Կարդա Ստեփան Զորյանի «Մի գիշեր անտառում» պատմվածքը և կիմանաս, թե ինչպես ավարտվեց դասարանում կարդացած պատմությունը:

Սեպտեմբերի 12

Տրված տեքստում վերջակետերը դրված չեն: Կարդա, առանձնացրու նախադասությունները: Յուրաքանչյուր նախադասությունից հետո վերջակետ դիր, ապա նոր նախադասությունը սկսիր մեծատառով:

Սպիտակ ագռավները բնության մեջ հազվագյուտ են նրանք շատ քիչ են պատահում հենց դրանով են նրանք հետաքրքիր տասնութերորդ դարում Ռուսաստանի թագավոր Պետրոս Առաջինը պալատում մի սպիտակ ագռավ  էր պահում՝ որպես հազվագյուտ երևույթ խոսքի մեջ «սպիտակ ագռավ» արտահայտությամբ բնորոշում են մյուսներից տարբերվող մարդկանց, հազվադեպ հանդիպող առարկաները առաջին անգամ դա հռոմեական մի բանաստեղծ՝ Յուվենալիուսն է օգտագործել:

Սեպտեմբեր 11

Կարևոր
Սիրելի սովորող, այսօր հայոց լեզվի ֆլեշմոբի օրն է: Անպայման մասնակցիր:

Դասարանում՝
Սուսան Մարկոսյանի Գործնական քերականություն՝ 5-րդ դասարան գրքից առաջադրանք 5, 6:

Սեպտեմբեր 10

Ռեդյարդ Քիփլինգ «Թե ինչպես գրվեց առաջին նամակը», կարդա նաև երկրորդ մասը:

  1. Քո կարծիքով ո՞րն է այս պատմության ամենազվարճալի հատվածը:
  2. Դու էլ փորձի՛ր նկար-նամակ ուղարկել Թաֆիին և համոզի՛ր, որ գրել-կարդալ սովորի:

Նախագիծ՝ ներկայանում են նորեկները
Այս առաջադրանքը վերաբերում է այն սովորողներին, ովքեր այս տարի են եկել Արևելյան դպրոցի 5-2 դասարան`
պատմեք ձեր մասին՝ ներկայացեք, գրեք, թե ինչ եք սիրում, ինչ չեք սիրում, ինչն եք կարևորում, որ դպրոցից եք եկել և այլն, մի խոսքով՝ հետաքրքիր ու մանրամասն պատմեք ձեր մասին:
Աշխատանքներն ուղարկել ինձ:

Սեպտեմբերի 9

Կարդա Ռեդյարդ Քիփլինգի «Թե ինչպես գրվեց առաջին նամակը» ստեղծագործության առաջին մասը:

Կատարիր առաջադրանքները:

  1. Առաջին մասը բաժանիր հատվածների և վերնագրիր յուրաքանչյուր հատվածը:
  2. Այդ հատվածներից, որը քեզ ամենաշատն է դուր եկել, գրավոր փոխադրիր:

Սիրելի սովորողներ, այս տարի աշխատելու ենք նաև Սուսան Մարկոսյանի Գործնական քերականություն՝ 5-րդ դասարան գրքով: Գիրքը ներբեռնեք:

Սեպտեմբերի 5

Կարդա Ռեդյարդ Քիփլինգի «Թե ինչպես գրվեց առաջին նամակը» ստեղծագործության առաջին մասը:

Կատարիր առաջադրանքները:

  1. Դուրս գրիր անծանոթ բառերը և բառարանի օգնությամբ բացատրիր
  2. Գրիր հետևյալ բառերի հոմանիշները՝ քարայր, մեծ, չքնաղ, ճամփա:
  3. Առաջին մասից դուրս գրիր գրությամբ և արտասանությամբ տարբերվող բառեր: Օրինակ՝ խնդրել-թ լսում ենք, դ գրում:

Սեպտեմբերի 3

Բլոգում գրիր ամռան ընթացքում քո կարդացած գրքի (գրքերի) մասին: Կարող ես ներկայացնել տեսանյութով կամ ռադիոնյութով:

  • Հաջորդ դասին ձեզ հետ բերեք ամռան ընթացքում  ձեր կարդացած գրքերից որևէ մեկը՝ դասարանում ներկայացնելու, գրքից նախընտրած հատվածը կարդալու համար:

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s