Ինչո՞ւ են կատվի աչքերը մթության մեջ լույս տալիս

Ինչպես բոլոր գիշերային կյանք վարող կենդանիների մոտ, այնպես էլ կատվի աչքերի վերևի մակերևույթին կա  փայլուն  շերտ: Այն շատ նման է հայելու, որն  արտացոլում է ընկնող լույսը: Այս արտացոլված լույսը նորից ընկնում է լուսադիտակների վրա: Դրա շնորհիվ գիշերային կենդանիները լավ են տեսնում մթնշաղին: Դրա համար էլ կատուների աչքերը տեսնում են անգամ ամենաթույլ լույսը:

Ինչո՞ւ են արջերը ձմռանը քնում

Ձմեռային քունը որջում օգնում է արջին գոյատևել սառը ձմռան ընթացքում։ Քնած ժամանակ արջը գրեթե չի շարժվում։ Ընդ որում, նրա մարմնի ջերմաստիճանը իջնում է մինչև 30°С, իսկ սրտային և թոքային համակարգերի աշխատանքն էապես դանդաղում է։

Ինչո՞ւ բենզինը չի կարելի հանգցնել ջրով

Բենզինը պատկանում է հեշտ բռնկվող նյութերի շարքին։ Սակայն ի տարբերություն այլ վառող նյութերի, վառող բենզինը ոչ մի դեպքում չի կարելի հանգցնել, ջուր լցնել նրա վրա․ այդպիսի  գործողությամբ մեծացնում ենք վառվող տարածքը:

Ի՞նչ է նեկտոնը

Նեկտոնը ջրային կենդանիների մի խումբ է, որն ակտիվորեն շարժվում է ջրի խիտ շերտերում և կարող է ինքնուրույն շարժվել երկար հեռավորությունների վրա, ինչպես նաև դիմակայել հոսանքների ուժին: Հետևաբար, նեկտոնային կենդանիների համար բնորոշ են պարզ ձևը, և լավ զարգացած են շարժման օրգանները:

Ի՞նչ է կատարվում աշնանը ծառերի տերևների հետ

Տխուր է աշնանը անտառում․ անհետանում են գույները, ծառերի տերևները դեղնում են, չորանում և թափվում: Օրերը գնալով կարճանում են, արևի լույսը քչանում է: Աշնան գալով քլորոֆիլային հատիկները ներծծվում են տերևների մեջ, և նրանց անհետանալուց փոխվում են տերևների գույները:

Ո՞վ է ստեղծել առաջին լեգոն

Հայտնի կոնստրուկտորի ստեղծողը եղել է Օլե Կիրկ Կրիստիանսեն`դանիացի  ատաղձագործ, ով 1932 թվականին ստեղծել էր ընկերություն, որը արտադրում էր փայտե խաղալիքներ։ Պահանջը, որը դրված էր աշխատողի առջև (սկզբում ընկերությունում աշխատում էր 7 հոգի),  ստեղծել խաղալիքներ, որոնք զարգացնում են երեխայի երևակայությունը, գյուտարարությունը և ստեղծականությունը։

Ո՞վ է ամենաերկարը ապրում

Ամենամեծ երկարակյացները ծովային կրիաներն են։ Նրանք ապրում են մոտ 150 տարի։ Նրանցից հեռու չեն նաև  ձկները, թառափ տեսակի ձկները ապրում են մոտ 100 տարի։

Ինչո՞ւ են աստղերը տարբեր

Նայիր աստղերին։ Դու կնկատես, որ նրանք միագույն չեն։ Կան կապույտ, սպիտակ, դեղնավուն, նարնջագույն, և կարմիր։ Ինչո՞ւ է այդպես։ Դա իմանալու համար, ուշադիր նայիր գրպանի լապտերի լամպին։ Ապակյա շշի մեջ կա մետաղական բարակ թելիկ։ Եթե լամպը միացնենք, այդ թելիկը կվառվի սպիտակ գույնով։ Դա պատահում է այն պատճառով, որ նրա միջով մարտկոցից էլեկտրական հոսանք է անցնում։ Թելիկն այնքան է տաքանում, որ սկսում է լույս տալ։ Եթե մարտկոցը հին է, ապա լապտերը ավելի թույլ է լույս տալիս։

Ինչպիսի՞ն է եղել առաջին ավտոմեքենան

1769 թվականին ֆրանսիացի ինժեներ Նիկոյալ Կունյոնը երեքանիվանի սարքի հիման վրա ստեղծեց ինքնագնաց մեքենա՝ նրան ամրացնելով շոգեքարշային շարժիչ։
20 տարի անց ամերիկացի Օլիվեր Էվանսը կառուցեց չորսանիվանի փայտյա ինքնագնաց։
Դա նույնպես ծանր էր և դանդաղաշարժ։

Ինչպե՞ս հայտնաբերվեց ապակին

Ապակու ծագումը, ինչպես և մարդկության շատ հայտնագործություններ, պատահակություն էր։ Հին Եգիպտոսում անհայտ կավագործը, երբ սկսել է վառել կավե ափսեները, տեսել է, որ որոշ տեղերում ափսեների մակերեսը դարձել է հարթ և թափանցիկ։